Godigo Sęba Tagala Palai Bidigo Po 13:22 - Godigo dwagi yai po buku

²² Tama tilama, Godigo Sol hasegelama, Devit te moni genuai gavman bidi nigilama bidali. Tama Godigo te po Devitde wai, ‘Megi eno te bidi Devit sualio, te bidi Jesigo ogwa, eno agade dwagi yai homu ebao. Nosali eno sę tigidali agai yaibao,’ Godigo te po wai.

Godigo Sęba Tagala Palai Bidigo Po 13:22 Referans Kwoze

Te Israel me Juda Hani Sigo Tuni Bidigo Po Elalubo Buku Deli 15:5

Genuai Bidigo te Devit homu kone palali, magi baso meni, Devit agai te dwagi yai kolesaga te Genuai Bidigo gedude yai. Tigidali sogo agai te Genuai Bidigo tigidali bomo yai po wali pai. Tialima, me sogo deli, meni. Te tama sogo deli Devitgo te Hit hani bidi Uria dali te dwai sę yali.

1 Samuel 16:13

Tialima, Samuelgo agai te selasa pali oliv wel selama, tama agai te wel te Devit toboluba te aga ama dede gedude gelali. Tama te sogode te Genuai Bidigo Mobo Bidi te agaba bomo elama bidagaselama, tama te Mobo Bidi agade nosali sesemane sogo bidada pali. Samuelgo wel te Devit toboluba munama da, teda Samuel te Ramaba ma pai.

1 Samuel 16:1

Nosali Genuai Bidigo Samuelbolo te tiwai po wali, “Nago sesemane sogo te Solde haliga sęgę elaluai. Nisu sogo nago te haliga sęgę elalubo silaibawe? Eno aga sela sąwanio, tama eno gedude aga te Israel king munu ma bidibeo. Tialima, eno homugo megi nago te sipsip gąų me deli selama, tama tede te king bidi sa muabo oliv wel tabilao, tama nage pelama, Jesi sugi pao, te Betlehem bidi me deli, magi baso meni, eno te agai ogwa dabede te ogwa me deli te king pedalumainu nigilai dao,” wali.

1 Samuel 15:28

Tama Samuelgo te tebo sulama, tama Solbolo te tiwai po wali, “Te usu da, odao. Megi te Genuai Bidigo te king sę nagede elaluali te sela sąwani, tama nago te Israel dabe munu me tonalugobeo, te nago megi te ugwa pisila sąwani tiwai gilama ebao. Tama agai te gasa Israel bidi me deliba mawaibao. Aga te wiegi yai bidi te nage aiyaba elaluai dao.

1 Samuel 15:26

Tiali goli, Samuelgo Solba te tiwai po wali, “Ena nage dali me pogobeo, magi baso meni, nago te Genuai Bidigo po tudiba muani, tama tiyu agai nage tudiba muyu, tama nage te king munu ma bidigobeo,” wai.

Godigo Sęba Tagala Palai Bidigo Po 7:46

Tama Devit agai Godigo bidabo mobo dwagi yai sali. Tama Devitgo agai Godibolo hanalu weyu, te po wali, ‘Eno homugo nage bidabo lotu be sę yagawe?’ olama, hanalu wali. ‘Nage God mu dao, eno wąį Jekopgo nageba lotu po wai dao,’ te po wai.

Te Israel me Juda Hani Sigo Tuni Bidigo Po Elalubo Buku Deli 15:3

Te Abiya agai te aga ayago yali dwai sęgę sabo kolesaga yali gilama, Abiya agai me te tigidali haniani kolesaga dwai mu yali. Agai te aga wąį nǫų Devitgo yali dwagi yai kolesagadu wali pabe, tama agai te God dali deli homu ebe, aga Genuai Bidi.

2 Samuel 7:8

Tama God Genuai Bidigo te po Natanbolo ma weyu, tama po wali, “Te eno sę bidi, Devitbolo, te tiwai po wao,” wali. “‘Ena, Te Tigidali Bomo Elalubo Genuai Bidi, eno nage te sipsip tonalubo sę ebo bidi bidibadi selama, tama eno nage sa muyu, te eno hani bage bidi, te Israel dabego tobolu bidi pedalumainu yai dao.

2 Samuel 2:4

Tialima, te Juda hani bidi dabe te Hebronba aselama, tama augwaligo te Devit toboluba wel gelama, te augwa king pedalumainu yalio. Devit te king pedalubo si da, teda agai te tiwai po odali, te Jabes taun bage, te Gilgal tǫ bidi dabego te Sol tigi pubulali po walio.

1 Samuel 15:23

Magi baso meni. Te Godigo po sela sąbo kolesaga tobage te dwai pobi wabo kolesaga tobage ebao, tama te God dali hagoma ebo kolesaga te tibo god wali pabo kolesaga tiwai ebao. Te tobage kolesaga ebo te dwai kolesaga mu dao. Nago te Genuai Bidigo po tudiba muani, tama tiyu agai nage tudi ola mayu, tama nage king munu me bidigobeo dao,” Samuelgo te po wali.

Godigo Sęba Tagala Palai Bidigo Po 15:8

Tama God agai da dago homu tigidali konebo da. Tama God agai Dwagi Yai Mobo Bidi te agai dabolo hasia mani tiwai, tama nosali augwalibolo me manio, te Juda hani isąwai bidi dabe. Tama menama, dago koneagameo, Godigo augwali dali dwagi yai homu ebo dao.

Hosea 3:5

Te tiali sogo silibaso da, teda te Israel dabe te Godiba ma aselama, te Genuai Bidi deliba naga lotu waibao. Te augwaligo te king Devitgo wąį nǫų deli naga wali paibao. Tama augwa te Genuai Bidigo po dologoba naga pobaso, tama agai te haniani wiegi yai nai augwaliba mayu yaibao.

Jeremaia 33:26

Mu tamao, eno te dąų walali bomai po te eno togogisogo da, teda eno te Jekopgo hani me, te eno sę bidi Devitgo hani me, tudiba mugi da. Tiali goli, te kolesagamu egobeo. Menio. Te eno king te Devitgo hanidepedalumainogo elama, te Abraham, me Aisak, me Jekop, te hani dabe tonalumainogo yaibao. Te eno olo tau sabo wiegi yai kolesaga te hani dabeba eyu, te augwali bugagia ma bidimainogo yaibao,” wai dao.

Godigo Nogi Ugwaba Sabo Tęąbi Po Wabo Buku Dabe 2:6

Tama te agai augwaliba te tama po obao, “Ena eno te bidi me deli nigilama, te king bidimainu yai, tama eno aga te Saionde munama bidimainu yali, te eno tedali gasagi yai wiegi yai bulu du dao,” agai te po obao.

Tuni Bidi Dabego Po Elalubo Buku Deli 10:13

Sol isali, magi baso meni, agai Genuai Bidigo po bugagia wali pabeo. Menio. Agai te Genuai Bidi bomai po sela sąwani. Tama agai te isali bidi dabego noma bidiba hanalu te agaba mena sunumi ola mabo te agai wali painu yali,

2 Samuel 7:15

Tiali goli, eno aga godolo mu eyu, te olo tau sabo wiegi yai kolesaga agaba sesemane sogo yaibao. Te eno aga tudiba me musiąyu, te eno te Solba yali sę tiwai eyu, te eno aga sela sąwani sogo, tama te nago agai bidali pesage sali gilama te tiwai me egobeo.

1 Samuel 31:6

Tama tialima, te sogo naga te Sol dali, te aga ogwa sela badi, tama te gesi ogwa bidi me, tama te Sol tonaluali ami bidi dabe me, te tigidali isalio.

1 Samuel 15:11

“Odao. Solgo ena tudiba munama, tama eno po sela sąwanio. Tama tibaso, eno aga te king pedalumainu ilali tama eno tede homu dene mu ebao,” wali. Samuelgo te po odama, tama aga homu sęgę eyu, tama haliga dwai yali. Tama te sogo hulide Samuelgo te Genuai Bidiba hanalu, te olo tau sabo wiegi yai homu kolesaga te Solba emainu yali, tama be posobo side te agai gedu haluasa wali po te silagasu, gedu haluasa po walio.

1 Samuel 12:25

Tiali goli, dagego te dwai sę me idubadi gebaso da, teda Genuai Bidigo dage te duga king bidi dali dolaibao,” Samuelgo te po wai.

Esekiel 34:23

Tama eno ena sę bidi Devitgo hanide bidi me deli sa munama, tama aga eno sipsip dabe tonaluabo bidi nigilama, tama agai eno sipsip dabe augwali bugagia tonalumainu yaibao.

Jeremaia 33:21

Te tiwai naga, te niwai bidi me deligo te eno bomo yai po ena sę bidi Devit dali dąų wali po me togogobeo, te king dabe agaihanide sesemane pedaludaibao. Tama me te Livai hani tepris dabe dali dąų wali bomo yai po, te niwai bidi megotogologobeo, te eno sę bidi dabe dao.

1 Samuel 28:16

Tialima, Samuelgo agabolo te po wali, “Odao. Genuai Bidigo nage tudiba muyu, tama nago boi bidi pedelalio. Tama tialima, magi baso nago ena i waliwe? Eno nage tau me sogobeo.

Godigo Sęba Tagala Palai Bidigo Po 13:36

Tama Devit agai Godigo sę aga hani we bidi tomode elama, tama aga nosali isai. Tama isąma, augwaligo aga wąįgo masigi dudulaweba mugi pai. Tama tede aga tigi damua pai. Tama dago Devitgo polobadu wali po koneao, te po wali Devit aga tigide wabe. Agai tigide wabeo.

Tuni Bidi Dabego Po Elalubo Buku Deli 2:12

tama Boas te Obetgo aya da, tama Obet te Jesigo aya dao.