Godigo Sęba Tagala Palai Bidigo Po 13:18 - Godigo dwagi yai po buku

¹⁸ te kemi tǫ bidi meni yai bulude bilidubadi, kibu be bidi sigo nogo sągą sese te 40 yia silama yali. Tama te kibu be tomode bidibadi, augwaligo dwai kolesaga ebo sęgę Godigo selama, agai tonaluali.

Godigo Sęba Tagala Palai Bidigo Po 13:18 Referans Kwoze

Godigo Sęba Tagala Palai Bidigo Po 7:36

Moses te Isip bulu nosali taga pelama, polasa peyu, te tigidali Israel we bidi nosali aga wali asalio. Tama te Isip bulude me, te mama tamu ąį sesegede me, te bidi meni yai bulude me, tede bidi noma sabo bomai sę mu hauwa yali. E sę dabe edubadi, kibu be bidi nogo sągą sese si 40 yia silali.

Bomai Po 9:7

“Dage te nai meni yai kemi sane bulude bidali te gegeda pelamuo. Te dage tede bidiyu, dagego Genuai Bidi sębę ilali, te gegeda pelamuo. Dagego te Isip taga solama, megi e bulu bidibode dagego Genuai Bidigo po sela sąyu idu geai dao.

Bomai Po 1:31

Me, te nai meni yai kemi sane bulude yali me. Dagego gedugo polobadu suali, agai dage odasa asiyu yali kolesaga, me megi dage e bidibo te buluba me te sabalobao. Te da, te aya me deligo aga wai nogode tolasa bilibo tiwai te ebao.’

Israel Hanigo Namba 14:22

Te eno po odoyu wali pisąwai we bidi augwali te eno augwalibolo mawaibao wali te tǫ eno augwalibolo magobeo. Augwaligo te eno bomo yai ula suali, te augwalibolo eno ola mani, te ena augwali dali bidibao. Tama me augwaligo eno te Isipde, me nai meni yai kemi sane bulude yali sę augwaligo polo suai dao. Tiali goli, hauwa sogo mu augwaligo ena dali tobolu gagea pelama, tama augwaligo eno po wali pabeo.

Ma Dobola Sali 16:35

Tama Israel dabe augwaligo te nai mana te kibu be bidi sese side 40 tuai. Tama te kibu be bidi sese si silama, tama nosali augwali te bulu tǫ Kenan teba pedelama, tama augwali te tǫde bidiyu, gi sę yai.

Ma Dobola Sali 16:2

Tama augwaligo wado po, me te po hauwa te Moses de Aron si dali te bulude wai.

Nehemia 9:30

Te kibu be hauwa nago dua dua tau sabo sę augwaliba eyu, tama augwali homu begeliąo wai. Te nago Mobo Bidigo te po te profet dabeba mawai, tiali goli te wąį nǫų dabego te po odisąwai. Tama tibaso, nago augwali te gasa bulu tǫ pedai bidi dabego nogoba mawai dao.