Biblia Todo Logo
Bib sou entènèt

- Piblisite -




Godigo Sęba Tagala Palai Bidigo Po 13:17 - Godigo dwagi yai po buku

17 Da Israel we bidi dago God, agai dago wąį dabe polobadu dąį ilali. Tama augwali te Isip tǫde bobobage sogo bidibadi, Godigo augwali te genuai hani mu nigilali. Tama God agai bomogo augwali te Isip tǫ taga solama,

Gade chapit la Kopi




Godigo Sęba Tagala Palai Bidigo Po 13:17
42 Referans Kwoze  

Me ma, dage da, dage te sa muani we bidi hani dao. Bidi meba augwali te we bidi dali, God dali tomode bidiyu, tama pris bidi sę eyu, augwaligo Godibolo te dwagi yai nai ula mabo sę ebo dao. Tama te tiwai dagego me te dago genuai tuni bidigo sę ebo dao. Dage da, te tedali gasagi yai doloba pai we bidi hani dao, God aga we bidi hani mu te dage dao. Tama agai dage i olama, tama dage te hulia sai bidibo digi tagalama, tama agai wiegi yai ula yai buluba bidagasai dao. Tama dagego agai yali wiegi yai sęde po te gasa we bidibolo pusumainogo te agai dage sa muani.


“Eno tama te eno dage kalabus togolama, te dage Isipde selama, te dage odasa asali. Tama eno te Moses nigilali, me Aron, me Miriam me, te tama bage polasa peyu, te dage sunumi ola mawai dao.


Hasia bolo eno digi dage te Isipde selama, te dage odasa asai. Ena dage asobadu polasa peyu, te masigi kemi tǫde bididubadi, te kibu be bidi sese si, 40 yia yali, tama te tudi badu eno te Amor dabe dolama, dageba te augwaligo tǫ mawai dao.


Genuai Bidigo te po wali, “Awe, eno dage dolomainu yaibao. Tiali goli, dage Israel dabe, dage Jekopgo hani, dagego odiąo. Ena digi eno dage dąį ilama, te dage eno sę bidi bidibao.


Genuai Bidigo Jekop te aga mu da weyu, te sa muani, tama tialima, te Israel dabe te Godigo hani mu gagawai dao.


Megi da, da mu hagala silaibao. Dego da tau selama, tama te bomai god dabego da dolidali da wabo usu egowe? Te god dabego naga te haniani dwai sę te Isip dabeba tagala palama, tama augwali te wa pai bulude ela muai dao.


Dage Genuai Bidi dago Godigo tedali gasagi yai we bidi dao. Magi baso meni, agai dage tigidali tǫde we bidi tomode selama, tama dage aga we bidi bidimainogo dage sa muai dao. Dage da, agai dila pai wiegi yai nai tiwai elalubao,” wali.


Dagego wąį dabe Isip buluba pali da, teda augwali 70 we bidi tama naga pai dao. Tiali goli, megi da, God dago Genuai Bidigo dage hauwa mu, te dagalude elalubo hǫ tiwai pedalomainogo ilali dao,” Mosesgo te po wai.


Dagego homugo tilamuo, dago wiegi yai doloba pai kolesaga ebo dao homu elamuo, tama te tama tibo pagede Genuai Bidigo dago te tǫ somainogo sula tagalali dao homu elamo dao. Menio. Agai augwali sela sąwaibao, magi baso meni, augwali te dwai bidi dabe dao. Me ma, agai te wąį dabe dali dąų wali po usu nainogo te ebao, te dago wąį Abraham, me Aisak, me Jekop dali.


Dagego te Isip bulude suali, te haniani gasi koneiąo. Tama me dagego te Godigo yali te we bidi noma sabo sę, me te haniani genuai sę yali te koneiąwe. Tama dagego Godigo dage Isip bulude dobola sainogo yali te genuai bomo koneiąo. Tama tialima, Godigo dagego megi wi ebo te we bidi dabe dali me te deli tiwai sę naga yaibao. Tama agai augwali dolama, mu dola silaibao.


Genuai Bidigo duga wąį dabe godolo mu elama, tama agai dage aga we bidi mu bidimainu sa muai dao. Tama tialima, aga dage dali bidiyu, agai genuai bomogo dage Isip bulude oda selama, tama dage e buluba te odasa asali dao.


God dago Genuai Bidigo da Isip bulude oda selama, da te Isip hani tomodu dįą selama, odasa asu, da aga we bidi mu pedelai dao. Te dagego gedude agai haniani sę hauwa agai genuai bomogo yai dao. Agai te Isip dabebolo genuai gasi augwalibolo mayu, me agai augwali dali hwįyu yai dao. Tama agai gasi hauwa mayu, me agai haniani bidi noma sabo sę geninama mu yali, te augwali wi ma iliyu. Tialima, te gasa god mego te tobage sę me yai dawe? Mu menio.


Tiali goli, dage da, menio. Godigo dage Isip bulude oda selama, dage eba odasa asali. Te dage te isi hobulude honialuai tiwai tama odasa soai dao. Tama agai dage odasa asali, te aga we bidi mu bidainogo odasa asai dao, te dage megi bidibo tiwai tama.


Tama megi eno koneani, Genuai Bidigo te gasa god dabe tigidali aiyaba elaluali, magi basowe, te Isip dabe augwaligo hagoma homu eyu, tama augwaligo dwai sę dagebolo yai baso, tama Genuai Bidi agai dage augwaligo nogode ma dobola sali.” Te po wai.


Dago te sę ebo te dago homugo ma koneama, te Genuai Bidigo bomogo aga digi da te Isipde selama, odasa asai. Tama te dago nogode me gesabidide muai nai tiwai, tama dago homu hodolobo sę ebo dao,” Mosesgo te Israel hani we bidibolo te po wai.


“Tama nosali dagego ogwa dabego dagebolo te tiwai hanaluyu, te po tiwai waibao, ‘Te kolesaga page mena tama dawe?’ Tama dagego augwalibolo te po wao, ‘Da Isip bulude kalabus sę ebadi, tama Genuai Bidigo bomai sę mu elama, tama da Isip bulude selama, da odasa asai dao.


Tama te sogo naga Genuai Bidigo te Israel hani tigidali Isipde selama, tama augwali odasa asai.


Tama Israel hani augwaligo koneani, te Isip dabe augwali aiyaba elaluama, tama augwali dwagi yai homu dali pai. Tiali goli, Genuai Bidigo te tuni bidigo homu hasegelama, tama tuni bidigo augwali nosali polo pobeasa asai.


Swiv nou:

Piblisite


Piblisite