Bib sou entènèt

Paj dakèy
Bib sou entènèt
Godigo Sęba Tagala Palai Bidigo Po 13:15

Godigo Sęba Tagala Palai Bidigo Po 13:15 - Godigo dwagi yai po buku

¹⁵ Tama bidi mego Mosesgo bomo yai po asęani buku nedama, tama nosali bidi mego Godigo polobadu po pusa mani profet bidigo asęani buku me nedama, tama te tobolu bidi dabego Pol dali Barnabas sibolo po ola tolali. Augwaligo augwalibolo te po wai, “Ama dede, dagego dwagi yai po me elalubaso da, teda da we bidibolo dage sigo megi da ola maiąo,” te po wai.

Gade chapit la Kopi

tounen moute ⬆

Godigo Sęba Tagala Palai Bidigo Po 13:15
21 Referans Kwoze

Hibru 13:22

Ama dedeo, eno po bomo elama dagebolo obao, dagego eno e mobo mabo wali pode dwagi yai homu eyu, odao, te eno dagego homu dąų ilabo po e pas tomode wai dao. Eno dagebolo e asęna tolobo pas te pęwadage tiwai naga dao.

Godigo Sęba Tagala Palai Bidigo Po 15:21

Te sę po Moses agai aga bukude asęai dao, polobadu mu. Tama lotu po wabo sogo tigidali augwaligo te Mosesgo po lotu be tomode nedebo dao. Tialima, augwaligo koneama, te sę ebo habu mu selai dao,” Jemsgo te po wai.

Dwagi Yai Gesi Po Makgo Asęani 5:22

Te Juda dabego bomai po odobo lotu be tonalubo tobolu bidi me deli asali, aga nogi te Jairus. Agai te Jisas sulama, tama aga sągą pąba basi gulama kidu sugunagasali.

1 Korin 14:3

Me ma, Godigo po pusubo bidi, agai po te we bidibolo weyu, tama te pogo augwa homugo God dali kęą pabo kolesaga tebolo bomo mabo dao, tama augwaligo kolesaga wiegi yai emainu homu hodolama, tama augwali homu nagame ilibo dao.

Polgo Po Pas Rom Dabeba Asęani 12:8

Bidi mego te bidi dabe augwali homu hodolobo kolesaga elalubaso da, teda agai te augwali homu hodolobo sę mu yao. Te Godigo hani we bidi tau somainogo aga nai dobabo bidi, aga dwagi yai homu eyu agai nai hauwa augwalibolo mao, te agai nai yogo homu elamuo. Te polalubo bidi, te agai homugo te sę mu yao. Te gasa bidi homu dene eyu tau sabo bidi, te bidi me agai homu pemene wiegi yai elama tama aga tau sao.

Godigo Sęba Tagala Palai Bidigo Po 22:1

Te bidi Pol agai augwalibolo te po wali, “Eno ama dedeo, eno aya dedeo, eno wabo po dagego koneao, eno dwai kolesaga yali menio, dagego bugagia odao.”

Godigo Sęba Tagala Palai Bidigo Po 18:17

Augwali te be tagalama, buluba soali. Tede augwaligo te Juda dabego bomo yai po ola mabo be tonalubo bidi nogogo tuali. Te bidi nogi Sostenes. Augwaligo te po tų ebo be sesegede te bidi osogo elali. Tiali goli, Galiogo sulama, tama agai te dwai sę ebode moni homu ebe.

Godigo Sęba Tagala Palai Bidigo Po 13:27

Tama te Jerusalemde bidibo we bidi me, augwaligo tobolu bidi dabe me, augwaligo te bidi Jisas agai yali sę page konebe, agai wali po page me augwaligo konebe. Augwaligo te Godigo po polobadu pusa mani bidi profet dabego wali po tigidali Sabat sogode odama, tama augwaligo te po page bugagia konebe. Tiali goli, augwaligo homugo Jisas elaibao homu e baso, polobadu Godigo po pusubo profet bidi dabego wali po megi nai gilama mu walalio.

Godigo Sęba Tagala Palai Bidigo Po 20:2

Tama te Masedonia tǫ tomode peyu, Jisasgo po wali pabo we bidi hani augwali tau sabo dwagi yai po Pol agai hauwa sogo ola mani. Ola menama, nosali aga te Grik tǫba sabolali.

Godigo Sęba Tagala Palai Bidigo Po 18:8

Tama bidi me deli bidibo, agai nogi Krispus, aga Juda dabego bomo yai po ola mabo be tonalubo genuai tobolu bidi mu dao. Te bidi dali, aga bede bidibo we bidi dabe dali, augwali tigidaligo Jisasba augwa homu tigidali mu muani. Tama Korin we bidi umabo augwaligo Polgo wabo po odama, augwaligo homu Jisasba mu munama, tama augwali tigidali baptais mani.

Godigo Sęba Tagala Palai Bidigo Po 15:7

Pususu pelama, Pita doligulama, te po tama wali, “Ama dede, duga kone dao, Godigo homugo te Juda hani isąwai bidi me augwaligo te Jisasgo dwagi yai po odama, augwa homu te poba mumainu yali. Tama polobadu mu God agai ena dage tomode te dwagi yai po augwalibolo pusumainu sa muani.

Godigo Sęba Tagala Palai Bidigo Po 7:2

Tama agai te po wei ponoyu te po wai, “Ama dede, aya dede, dagego eno po odao. Dago wąį mu Abraham aga te Mesopotemia tǫde bidibadi, te Haran tǫba pisąbadi yaide, te sogode God aga pageba asai. God da, te genuai dwagi yai bomo mu elalubo God dao.

Godigo Sęba Tagala Palai Bidigo Po 2:37

Te we bidi augwaligo te po odobo si, augwali moni homu mu elama, Pitabolo me, tama me badu Jisasgo tagala palai bidi dabebolo me te po wai, “Hani bidi ama dede, da magi egowe?”

Godigo Sęba Tagala Palai Bidigo Po 2:29

Te Pitago te we bidi dabebolo po ma wai, “Ena hani bidi ama dabe, dago wąį mu Devit, te bidide po eno dagebolo hania haninama mu pusa momainu, e po obao. Devit polobadu isali, tama augwaligo aga pubulali. Agai tigi muani pesage te da bidibo digi pąde e elalubao, te ede me munalubuo. Tama tibaso, dago konebo dao, te Devitgo agai wali po agade digi wabe, te Jisasde wali.

Godigo Sęba Tagala Palai Bidigo Po 2:4

Tama Godigo Dwagi Yai Mobogo augwali sali, te tigidali agada weyu, tama augwali tigidaligo gasagi yai gasagi yai konesiąwai po dabe wabo gagalali, te me bidigo me po weyu, tama me bidigo gasa po me weyu yali. Tama Godigo Mobogo augwali te po dabe omainu te sę ilali, augwaligo pedauwalidu.

Godigo Sęba Tagala Palai Bidigo Po 1:16

Pitago te po wai, “Ama dede, Godigo bukude polobadu asęani po mu dią holai dao. Polobadu Godigo Mobogo te Devitgo pedauwalidu po omainu ilai tiwai, te bidi Judasde. E Judasgo te Jisas tuabo sunumi te bidi dabebolo ola mawai bidi da.

Dwagi Yai Gesi Po Lukgo Asęani 16:16

Te Jisasgo te po me wali, “Te polobadu bidali bidi Moses agai Godigo bomo yai po bukude asęani. Tama Godigo wali po pusa mani bage augwaligo agai wali po me bukude asęani. Tama bidaluama, te po kibu be hauwa bidabo po mu dao. Tama te pogo dage ola mani. Tiali goli, te bidi nogi Jon ame nenama, genuai elama, tama agai Godigo po pusa mabo gagalali. Agai te we bidibolo gesi po dwagi yai po ola mayu, God agai we bidi tonaluyu, augwali aga bomode bidaibao, wali. Tama Jongo te po pusa mabo gagalama, hauwa we bidi Godigo be tomoba pai hagede bomo elama, tomoba pabo dao.

Godigo Sęba Tagala Palai Bidigo Po 4:36

Te augwaligo te tobage sę ebadi, te bidi me deli bidali, agai nogi Josep. Augwaligo nogi me poai, te nogi Barnabas. Te nogi page, ‘Abagi pogo bidi tau sabo da.’ Agai hani nogi Livai, agai page bulu te Saiprus tǫde, te tamu ąį tomode elalubo tǫ dao.

2 Korin 3:14

Tiali goli te Israel dabe augwaligo homu mu puna peyu, kone tuą pali. Tama tigidali sogo augwaligo te Godigo te we bidi tau sabo poloba dąų wali po naga te bukude nedeyu iduai, te ugwa nami tiwai me augwa homude elalubadi, te megi e sogoba usu nagasoba. Menio. Te Krais delide naga Godigo te homu mesegaluali ugwa nami dagala sąbo dao.

1 Tesalonaika 2:3

Dago dage dali po ola mobadi, te dago te po doloyu, dwai sę yabo po dali, ili po wabo kolesaga dali, dago te tobage po wabo menio.

Swiv nou:

Lyen patwone

Piblisite

Piblisite