Godigo Sęba Tagala Palai Bidigo Po 12:23 - Godigo dwagi yai po buku

²³ Tama Herot agai Godigo nogi ugwaba sisąbaso, Godigo ensel bidi me deli agai Herotgo tigide elali. Tama te dwai gasi agai tigide pedelama, te dwai osoganigo agai tigide tudu pedelama, te nosali aga mu isali.

Godigo Sęba Tagala Palai Bidigo Po 12:23 Referans Kwoze

2 Tesalonaika 2:4

Tama te bidi mu dwai bidi mu dao. Tǫde we bidi augwaligo haniani naibolo lotu po wabo dao. Tama te bidi agai te nai tigidali dali boi bidi elama, tama te bidi aga God tiwai mu yaibao. Tama te bidi aga digi aga nogi ugwaba mu siyu, te tigidali lotu po wabo nai aiyaba elalu dolama, tama te bidi aga Godigo Moni Lotu Be tempel tomode bidiyu, tama agai po weyu te po waibao, “Ena digi ena God dao,” te bomo yai po sela sąbo bidi agai te po waibao.

Godigo Nogi Ugwaba Sabo Tęąbi Po Wabo Buku Dabe 115:1

Genuai Bidi, sesemane sogo nago da wei mu ebo da, tama nago da me tagalubo menio. Tama tialima, dago nago genuai nogi naga ugwaba saibao. Dago digi dena nogi ugwaba me sogobeo.

1 Samuel 25:38

Tama te tiwai te nogo si sogo bidama da, tama Genuai Bidigo te Nabal ela muanio.

Esekiel 28:2

“Tǫde bidi, eno homugo nago Tair kingbolo ena God Genuai Bidigo eno po aga dali pusainogo ebo po pusigi pao. Eno po e dao. Tair king bidi, nago naga nogi ugwaba siyu, te po wali, nage god me deli dao, wali. Tama nago bulu te god dabego bulu yali gilama tamu ąį tomode elalubao. Mu tama, nago te po wali, tiali goli, nage god menio, nage olo bidi dao.

Aisaia 66:24

Te augwa eno be tagalobo sogo, te augwa hagoma elama, eno po sela sąwani hani dabe tigi, te tǫde pila muna muna pabo sueibao. Te dwasianu sawi dabego augwa tigi dabe tuyu, te bidada paibao. Te isigo augwa tigi deyu, te me siligobeo. Te tigidali we bidigo te bidi hani dabego tigi sueibao, te damua pai dwai nai mu tiwai yaibao,” God Genuai Bidigo te po wai dao.

Aisaia 51:8

Te hani dabe te ugwa asobago tologolama, te silibo tiwai eyu dolaibao. Tiali goli, eno te we bidi dabe tau siyu ma sabo kolesaga, te me sia sogobeo. Menio. Te sesemane sogo elalua pidu elalueibao,” wali.

Ma Dobola Sali 12:29

Tama huli tomode mu, Genuai Bidigo te Isip dabego gomunai ogwa tigidali ela silai. Agai te tuni bidigo gomunai ogwade elebo gagalama, tama ela pelama, tama te kalabus bidi dabego gomunai ogwa dabeba me usu nigi pai. Tama agai te haniani kibu hani dabego gomunai wai dabe me elai.

Esekiel 28:9

Te augwaligo nage elainogo ebode nago augwalibolo po weyu, ‘Te ena god me da,’ nago te po waiba homu eba, agawe? Mu menio. Te nago koneaibao, nage olo bidi yabo homu yaibao. Tama nage te gasa tǫ kantridu asali bidi dabego nogode elalubadi, nage god menio homu yaibao.

Aisaia 37:23

Senakerip, nago posobo po weyu, te po dwai weyu, te naga digi naga nogi ugwaba siyu, hagoma po wali sogo, nago homugo te nago de dali yali da homu yaliwe? Nago ena dali tama yalio, te Israelgo God, ena te Wiegi Yai Doloba Pai Kolesaga Ebo God dao.

Aisaia 14:11

Polobadu nago haniani aubo nai dabe muai dao. Tama te we bidigo gita dabe eliyu, nago genuai nogi ugwaba sainu yai dao. Tiali goli, megi da, te sawede nago pibo sai tiwai dao. Tama te osogane dabego nage tigi bolama, tama te ugwa banunobo ąǫ yaibao,’ te gų pagede bidibo bagego te po waibao.”

Jopgo Po Asęani Elalubo Buku 19:26

Eno e tigiwali da, hasia dolaibao. Tiali goli, ena tigiwali dali me bididu da, teda eno God sueibao.

Jopgo Po Asęani Elalubo Buku 7:5

Eno tigi tigide elalubo kenide te sawi pulai elalubo. Bomai tigi waligo te keni halubo dao, tama te keni dabe olo tigi wali pepeda pelama, tigidali tigide tilama, keni di pedalobo dao.

Tuni Bidi Dabego Po Elalubo Buku Si 32:21

Tama Genuai Bidigo augwali sigo gedu haluasa po wabo odama, tama agai ensel bidi me deli tagala palama, Asiria dabego bidibo pesagede agai ofisa bidi dabe me kepten bidi dabe me bomai ami bidi dabe tama ela wialali. Tama tialima, king Senakerip aga hale dwai mu elama, tama aga te aga kantriba ma pali. Tama nosali aga tibo godigo lotu be tomoba pali, te aga godiba lotu po wainogo, tama aga ogwa mebago augwa bainat hwągo aga ela muagasali, tama aga isali.

Te Israel me Juda Hani Sigo Tuni Bidigo Po Elalubo Buku Si 19:35

Tialima, megi hulide tama, te Genuai Bidigo sę ebo ensel mobo bidi me deli te Asiria hani bidibo pesageba pelama, tama te 185,000 ami soldia bidi elama, isilali. Tama te do kigamu mu te king Senakerip aga hodaluama, te ami soldia bidi dabe isali tigi suali.

Ma Dobola Sali 12:23

Tama nosali Genuai Bidi te Isip tǫ habu tigidali teba pelama, te Isip bagego gomunai ogwa dabe elaibao. Tama agai te kaneme dagego be tų sesegede elalubo sulama, tama agai dage ela soyu, tama te ensel mobo bidi dabe augwaligo te be tomoba pelama, dagego gomunai wai dabe elegobeo,” wali.

Ma Dobola Sali 12:12

“Tama te sogo hulide tama, ena te Isip tǫ tigidaliba pelama, tama te Isip we bidigo tigidali te gomunai ogwa ela muyu, tama augwaligo kibu dabe me elaibao. Ena digi ena te Genuai Bidi Yawe, tama eno te Isip bage augwaligo tibo god tigidali augwali te bomo meni yai bage mu dao hanilama, ola mawaibao.

Ma Dobola Sali 10:3

Tama Moses de Aron si pelama, te tuni bidi agabolo te po wagi pali, “Da Hibru bagego God, Genuai Bidi Yawe, agai te po wai, ‘Nisu naga sogo nago te po sela sąyu, tama nage ena dologode bidigobewe? Te eno we bidi hani tagala palao, te augwaligo lotu po enaba wagasomainao.

Ma Dobola Sali 9:17

Tiali goli, nago eno we bidi dali te boi bidi homu eyu, tama nago augwali tagala palobeo.

Godigo Sęba Tagala Palai Bidigo Po 5:19

Tiali goli, te hulide Godigo ensel bidi deligo te kalabus be tų dayagasali. Tų dayagaselama, te Jisasgo tagala palai bidi dabe buluba tagala palama, augwalibolo te po wai,

Godigo Sęba Tagala Palai Bidigo Po 12:22

Augwaligo agai po odama, tama augwaligo te po bomo elama, i hae weyu, te po wai, “Te po wabo bidi, bidi mugo wabe. Te po te god me deligo obao,” wali. Te po olama, augwaligo nogo bada olama, Herotgo nogi ugwaba sai.

Bugagia Bidibo Kolesagade Po Asęai Buku 12:8

Te wiegi yai homu elalubo bidi yai baso da, teda te we bidi dabego aga nogi ugwaba saibao. Tiali goli, te homu kolesaga gagea pai bidi da, augwaligo te aga nogi aiyaba elalubo dao.