Bib sou entènèt

Paj dakèy
Bib sou entènèt
Godigo Sęba Tagala Palai Bidigo Po 11:26

Godigo Sęba Tagala Palai Bidigo Po 11:26 - Godigo dwagi yai po buku

²⁶ Tama augwali si te Jisasgo po wali pabo we bidi tomode bidama, tama kibu be deli yali. Augwali sigo umabo we bidi Godigo po ola mani. Te Antiok we bidi augwaligo te Jisasgo po wali pabo we bidibolo te ‘Kristen’ nogi pobo gagalali.

Gade chapit la Kopi

tounen moute ⬆

Godigo Sęba Tagala Palai Bidigo Po 11:26
34 Referans Kwoze

1 Pita 4:16

Tiali ma dage te Godigo po wali pabo we bidi bidibaso tama tede augwaligo dage dene mayu da, teda dage hale ilamuo. Woo, te menio. Dagego te nogi te Godigo po wali pabo we bidi nogi elalubaso te Godigo nogi ugwaba siyu, nage usu da po agabolo wao.

Godigo Sęba Tagala Palai Bidigo Po 26:28

Te bidi Agripa agai Polbolo te po wai, “Nago homugo te nago dwasianu wabo pogo ena Jisas wali pabo hani tomoba kegasa paibawe?” te po hanalu wali.

1 Jon 2:27

Tialima dagede, dage Kraisgo aga Mobo Bidi olo mayu tama aga dage dali me bidibao. Tama aga Mobo Bidi dage dali bidibadi, te sogo dage te po ola mabo bidi dage dali me sǫą pabeo. Dagego te gasa po ola mabo bidi dabe sabo homu egio. Menio. Mobo Bidi agai dage tigidali kolesaga ola mabo dao. Tama te Mobogo mu po tama naga wabo dao. Agai tibo po me wabeo. Agai tama tibaso, dagego agai po wali peyu tama Krais dali wadoloyu bidiąo.

1 Pita 4:14

Tama dage Krais wali pobaso augwaligo dage dali te nogi posobo dwai po weyu da, teda dage dwagi yai homu yao, God aga moni ula yai Mobo Bidi aga dage dali bugagia bidibaso.

Efesus 3:15

Tama da tigidali dagalude me tǫde bidibo we bidi hani da wiegi yai bomo dali bidabo ula me te God Aya aga nogode sabo dao.

1 Korin 14:23

Tama tibaso, te dage Godigo po odobo we bidi tigidali dage deli madi sisinama, tama dage te sogo po wabo bage tigidaligo we bidigo konesiąbo gasa gasa pogo po weyu, tama bidi mebago konesiąma, tama Kraisba augwa homu musiąwani bidi dali, augwali te tomoba asiyu da, teda augwaligo dagede te po waibao, “Dage esela pobao” waibao.

1 Korin 12:12

Te bidi Krais da te bidigo tigi me deli tiwai dao, tama te tigigo nogo sągą me, te haniani nai hauwa te elalubao. Tama te tigigo haniani gasagi gasagi yai nai hauwa elaluali goli, te tigi deli naga dao.

1 Korin 11:18

Tede hasia bolo eno te po obao: te dage lotu wainogo sisinibo sogo, dage tedali tedela pabo dao. Eno te tiwai po dagede odobao. Tama eno homu te po meba te mu po dao, dagego te tiwai ebo dao.

1 Korin 4:17

Tama tibaso, te kolesagade naga eno te bidi Timoti dageba tagala palali. Aga te eno ogwa tiwai da, tama eno aga godolo mu eyu aga ena dali te homugo kęą pai bidi dao. Te agai dagego homu ma hodoliyu, te eno Kraisgo kolesagade wali pabo sunumi wali pomainu homu hodolaibao. Eno te tigidali bulude te Godigo po wali pabo we bidi hani tigidaliba te kolesaga naga ola mabo dao.

Godigo Sęba Tagala Palai Bidigo Po 14:27

Tama augwali si Antiokba ma sabolama, augwali sigo Jisasgo po wali pabo we bidi dali deliba sisinagasali. Tama augwali sigo te sę yali po augwalibolo pusali, tigidali nai Godigo augwali si tau sali sę me, tama Godigo te Juda hani isąwai we bidi augwaligo agai po konealubo sunumi dayali.

Matyu 28:19

Tama tibaso, dage pelama, tigidali we bidi hani ena wali asobo we bidi pedelao. Tama dagego augwali te Aya me Ogwa me Mobo Bidigo nogide baptais mao.

Kraisgo Geme Dualali Sę Pedelabo Po Jonbolo Ola Mani 3:18

Tama tibaso, eno e po mobo mabo po nagebolo mobao. Eno te gasagi yai kapa nogi gol te elalubao, te kapa gol te siaba ulama te dwai nai sela sąnama, tama te wiegi yai yai. Tama eno homugo nago te kapa gol abelao, te nago doado bage hauwa elalumainogo yao. Tama nago te tedela yai ugwa te naga tigi haluabo abelao, te bidi dabe augwaligo te nago tigi bolu olo elalubo sulama, tama nage hale idali weyu te tama kolesaga yao. Tama nago te geduba muabo ili yabo marasin me abelao, te nago gedu ma tonono bilibo usu emainogo yao.

Godigo Sęba Tagala Palai Bidigo Po 14:23

Tama tigidali bulude augwali sigo Jisasgo po wali pabo hani we bidi tonaluabo tobolu bidi dąį ilali. Tama nai osogo gisilama, Godibolo po olama, augwali sigo te tobolu bidi dabe Godigo nogode muai, augwaligo aga konealubaso.

Godigo Sęba Tagala Palai Bidigo Po 11:27

Te sogo me, Godigo po pusa mabo bidi te profet dabe me badu Jerusalem taga pelama, augwali Antiok buluba sabolali.

Godigo Sęba Tagala Palai Bidigo Po 11:22

Te Jerusalemde bidali Jisasgo po wali pabo we bidigo te Antiok bulude Godigo genuai sę mu ebo po augwaligo odalio. Tama tibaso, augwaligo te bidi Barnabas tagala palali, te bulu Antiokba.

Godigo Sęba Tagala Palai Bidigo Po 11:20

Tialima, te Saiprus bidi dabe me, te Sairini tǫ bidi dabe me badu augwali Antiok buluba sabolama, tama te Israel hani isąwai bidi dabebolo Jisas Genuai Bidigo dwagi yai po pusa mani.

Godigo Sęba Tagala Palai Bidigo Po 6:5

Te bidi Jisas wali pabo we bidi augwaligo te Jisasgo tagala palai bidi dabego po odama, “Usu da” wali. Tama tibaso, bidi dabe dąį ilali. Hasia bidi agai nogi Stiven, te agai Godigo po mu dąų olama odobo bidi dao, Godigo Dwagi Yai Mobo agai homude mu pągąwai. Bidi mego nogi Filip, bidi mego nogi Prokorus, bidi mego nogi Nikanor, me Timon, me Parmenas, me Nikolas. Te bidi Nikolas, te agai page bulu Antiokdu asali. Polobadu agai te Juda dabego lotu po wabe, tama tamadi te Juda dabego lotu po agai wabo gagalali.

Aisaia 65:15

Te eno hani dabe, te augwa gasa bageba po dwai wabo sogo da, teda augwa te tiwai po waibao, ‘God, Genuai Bidigo dage dolomainu yaibao, te agai te dwai hani dabe dolali tiwai yao,’ waibao. Tama te bidi dabego dage nogi te dwai nai homu tiwai yaibao, tiali goli eno te wiegi yai gesi nogi te ena sę bidi dabeba mawaibao.

Dwagi Yai Gesi Po Jongo Asęani 2:2

Augwaligo Jisas aga bidi dabe dali augwali i wai, Jisas aga bidi dali augwali aselama, te we sabo suagasomainogo, augwaligo te po wai.

Godigo Sęba Tagala Palai Bidigo Po 1:15

Te nosali si sela sogo silibaso, tama te sogo te Jisasde homu dąų wai we bidi dabe deliba sisinagasali. Bidi sese me sela me sela 120 tama bidi sisinagasali. Tama Pita doligulama, te we bidibolo po me wai.

Godigo Sęba Tagala Palai Bidigo Po 6:1

Te nosali Jisas wali pabo we bidi dabe genilama pedelali, dwasianu hani augwa hasi tomode wado po wali. Me hanigo te Grik po weyu, me hanigo te Hibru po weyu yalio, te Juda dabego po mu dao. Tama te hani si da Juda bidi hani da. Tama te Grik po wabo Juda dabego te po wai, “Te dagego nai dobabo sogo, dago bidi isai we nai bugagia mabo meni, deli deli sogo mayu ebo,” te po wai.

Godigo Sęba Tagala Palai Bidigo Po 9:19

Tama nosali Sol agai nai tulama, aga bomo ma sali. Sol agai te Jisas wali pabo we bidi dali agai sela sogo bidali, te Damaskus be nanide.

Godigo Sęba Tagala Palai Bidigo Po 9:38

Tama te be nani Jopa te Lida be nani digibulu meni, pąde mu. Te Jopade bidali Jisasgo po wali pabo we bidigo Pita te Lidade bidibo po odama, augwaligo bidi si Pita pageba tagala palali. Augwali si teba sabolama, Pitabolo te po wai, “Nage polo asao.”

Godigo Sęba Tagala Palai Bidigo Po 11:29

Tama te Jisasgo po wali pabo we bidi augwaligo te po wai, “Bidi deli deli naga masigi munalubaso da, muagasu yao,” wai, “te dago te masigi sisinama, te Judia tǫde bidibo Jisasgo po wali pabo hani dabe augwali nasi ebo, dago augwali tau sinao,” te po wai.

Godigo Sęba Tagala Palai Bidigo Po 14:20

Tialima, te Jisasgo po wali pabo we bidi augwali sisinagaselama, agai tigi bologobea sagasali. Bologobea sagaselama, Pol ma hodolama, te be nani tomoba ma pali. Tama te sogo kigamu aga dali Barnabas dali si te gasa be naniba pali, te be nani nogi Derbe.

Godigo Sęba Tagala Palai Bidigo Po 14:22

Augwali sigo te Jisasgo po wali pabo we bidibolo dwagi yai po mobo mani, augwaligo Jisas konealubo homu dąų walomainu. Augwali sigo te genuai po ola mawai, “Dago te Godigo tųdu pobadi, gasa we bidi augwaligo dabolo haniani sęgę mawaibao, tama nosali Godigo da tonalubo buluba da sabolaibao,” te po wai.

Godigo Sęba Tagala Palai Bidigo Po 14:28

Tama augwali si Jisasgo po wali pabo hani dali bobobage sogo mu bidali.

Godigo Sęba Tagala Palai Bidigo Po 18:27

Tama nosali Apolos agai homugo te Grik po wabo bidi dabego page bulu tǫba pomai hagede homu yali. Tama tibaso, te Efesusde Jisasgo po wali pabo hani we bidigo bugai homu elama, te Grik tǫde bidibo Jisasgo hani dabebolo pas asęani, te Apolos tau somainu yali. Te pas tomode augwaligo te po asęani, “Te bidi Apolos asobo si, dagego aga bugagia tau sao.” Tama Apolos pelama, sabalobo si, tigidali sogo augwali sisinama, po mibo sę yali, augwaligo Godigo po bukude asęani po wali. Te po agai tigidali we bidibolo Jisas ola mani. Aga “Te bidi mu polobadu Godigo agai da tau somainogo sa muai bidi Krais da,” wali. Tama tigidali sogo Apolosgo te Juda hanigo konila po wabo aiyaba elaluali. Tialima, Apolos agai Jisasgo po wali pabo we bidi hani tau mu sali, polobadu Godigo augwali hobede ebo kolesaga olo menama, tau sali.

Godigo Sęba Tagala Palai Bidigo Po 19:9

Tiali goli, augwali me badu bidi dabego augwa homude hagela elama, augwa homugo Jisas konebe. Tama augwali tigidali bidi gedude doligulama, Godigo gesi tųde pabo pobolo augwaligo dwai po wali. Tama tibaso, Pol agai te po odama, agai Jisasba homu muani bidi oda selama, te augwaligo Juda dabego bomo yai po ola mabo be taga pali. Tama tigidali sogo agai augwali dali po miani, te bidi me deli agai nogi Tiranus, tego skul be tiwaiba sisinama, po ola mani.

Godigo Sęba Tagala Palai Bidigo Po 20:1

Te wado po wali dabe sia selama, te hauwa sogonu bugagia bidama, te Polgo Jisasgo po wali pabo we bidi i wali. Tama agai dwagi yai po augwali homude dąų olama bomo sabo po ola mani. Tama nosali dage tao po olama, augwali nogo mani. Tama agai augwali taga pelama, aga moni gebadu Masedonia tǫba pali.

Godigo Sęba Tagala Palai Bidigo Po 20:30

Tama duga digi tomode bidi me badu hodaluama, ili po ola maiabo, augwaligo homugo tigidali Jisasgo po wali pabo we bidi augwali wali asomainu yaibao.

Godigo Sęba Tagala Palai Bidigo Po 21:4

Tama pelama, Jisasgo po wali pabo hani gegelama, augwali dali bidibadi, Sabat deli bidali. Tama te sogo Godigo Dwagi Yai Mobo Bidigo augwalibolo po me deli wali. Augwaligo Polbolo te po tama wali, “Te nage Jerusalemba pelamuo,” wali. “Augwaligo nage elabuo,” wali.

Jems 2:7

God agai dage ma selama, tama agai dageba Jisasgo dwagi yai nogi muai dao. Tiali goli te walu hauwa munalubo bage augwaligo te nogi posobo po wabo dao.

Swiv nou:

Lyen patwone

Piblisite

Piblisite