Godigo Sęba Tagala Palai Bidigo Po 10:33 - Godigo dwagi yai po buku

³³ Tama tibaso, eno nage pageba po polo te tagala palai dao. Tama nago dwagi yai kolesaga mu elama, da pageba sabolalio. Tama megi da tigidali Godigo gedude bidibao. Tama dago homugo Genuai Bidigo nagebolo mani po te dago odaibao,” Korniliusgo Pitabolo te po wai.

Godigo Sęba Tagala Palai Bidigo Po 10:33 Referans Kwoze

Jems 1:19

Eno dwagi yai ama dedeo, dagego e po pagede bugagia kone palama, koneao. Dagego te po odabo homu sisi elama, wabo po odao. Te dagego polo asesa te po weyu, tama dagego polo wado po wabo homu olamu dao. Dua yao, sębę polo egimio.

Galesia 4:14

Tama eno gasi ebadi, dagego ena geseyu, bugagia tonaluai dao. Te sęde dage dene sai dao. Tama tiali goli ena tudiba muyu, tama dagego ena hagela ebo po me wai menio. Te tiwai menio. Tama Godigo ensel bidi me deli aga dage pageba asiyu da, tama dagego aga bugagia gesaibao. Ma, Krais Jisas aga digi aga dage pageba asiyu da, tama dagego aga bugagia gesaibao. Tama te tiwai ena dage pageba asali sogo dwagi yai homu mu eyu, dagego ena bugagia gesai dao.

Jems 1:21

Tama tibaso, dage deli deligo aga me ebo dwai dwai kolesaga tigidali mu sela sąyao. Tigidali dwai sę ebo homu me te tagalama, te tobage sęde digibulu bidao. Tama duga digi duga nogi aiyaba elaluao, te Godigo po dagego homude bulali po sao. Te po aga digi usu elama, dage tau siyu ma saibao.

1 Korin 3:18

Tiyu te bidi me deli agade digi tibo po ola mayabuo. Te dage tomode bidi deli agai te e tǫde homu kolesaga wali peyu tama te tiwai homu eyu, ‘Eno kolesaga koneai elalubo,’ aga te homu eyu da, teda aga hasia bolo aga te tǫde we bidigo gedude te wabo pabo bidi tiwai pedalao. Tama tiyu aga te Godigo gedude te kolesaga koneai bidi mu pedalaibao.

Godigo Sęba Tagala Palai Bidigo Po 28:28

“Tama te po dage dolo mu te waliao. Tiali, dagego koneao. Tama Godigo da we bidi sela pabo tų po tama te Israel hani isąwai we bidibolo tolai yali. Tama te po augwaligo mu odaibao,” Pol agai te po wai.

Dwagi Yai Gesi Po Makgo Asęani 10:15

Eno mu po dagebolo obe dao, te bidi me deli aga te dwasianu wai puluba tiwai gagayu, te God bidibo madi tomoba pabo homu me isiąwani bidi, aga te tomoba painu ebo usu me egobeo. Mu menio,” te po wai.

Matyu 18:4

Te mena bidi aga digi te aga ebo kolesaga dabe dali aga aiyaba elaluama aga nagamea homu eyu, e wai bǫų tiwai gagawali da, te tiwai kolesaga ebo bidi agai te gasa Godigo tonalubo we bidi dabe augwaligo yali kolesaga aiyaba elaluaibao.

Bugagia Bidibo Kolesagade Po Asęai Buku 25:12

Te wiegi yai homu elalubo bidigo, agai te aga abagi dodolobo sę ebaso, tama te abagigo homugo te wiegi yai po da homu ebaso da, teda te abagigo te wiegi yai au ebo gol sabo tiwai ąǫ ebao.

Bugagia Bidibo Kolesagade Po Asęai Buku 1:5

Tama te bukugo te kolesaga koneai bidi dabe tau selama, tama augwaligo kolesaga geninama mu selama, tama agai te gasagi yai bidi dabe te wiegi yai sunumi ola mayu, te augwa wali pomainu ebo dao.

Tuni Bidi Dabego Po Elalubo Buku Si 30:12

Tama God aga digi Juda dabe homu deli elama augwaligo te king aga ofisa dabe dali augwaligo po wali pelama, Jerusalemba sisinagasomainu ilali. Tama augwali Jerusalemba sisinagaselama, tama augwaligo te genuai nai ulali, te bomai pode wali gilama tama tiali.

1 Tesalonaika 2:13

Tama tibaso, sesemane sogo dago Godibolo gedu haluasa po weyu, dago nage usu dao po wabo dao. Magi basowe? Polobadu Godigo po dago pedauwalide wabo po dagego odai. Tama te po odama, tama te olo bidigo po dao homu eyu, dagego te po sai menio. Te meni. Te po Godigo po mu dao. Tama dagego te po odoyu, dagego te homu yai, awe, te Godigo po mu dao. Tama te pogo te Godibolo konealubo po dąų wabo bidigo homu kolesagade sę bomo mu ebo dao. Te Judia tǫde bidibo we bidi meba augwali Godigo we bidi hani mu dao. Augwali te Jisas Kraisde homu dąų wali we bidi dao.

Matyu 19:30

Tiali goli, te megi polasa pali bidi dabe hauwa augwali nosali badu ma igisulama, te nosali badu asali we bidi dabe hauwa te pologi soaibao,” Jisasgo te po wai.

Bugagia Bidibo Kolesagade Po Asęai Buku 18:15

Te wiegi yai homu kolesaga elalubo bidigo, agai te haniani nai dabede homu konea sabo sę bomo ebo dao. Agai olo te aga ola mawainu ebo bidiba bugagia mubo dao.

Godigo Sęba Tagala Palai Bidigo Po 10:32

Megi nago me badu bidi te Jopa buluba tagala palao, bidi me deli oda sigi pomainao, te bidi nogi Saimon, agai nogi me Pita. Te bidi aga nogi sabi bidi Saimongo bede bidibo, te tamu ąį pąde. Te nogi sabi bidi Saimon, agai ebo sę te isai kibu kau wali nagamea dwagi yai pomai hagede sę ebo bidi da,’ te po wai.

Godigo Sęba Tagala Palai Bidigo Po 10:34

Te Pita agai po wabo sę gagalali, “Mu tama dao, megi eno koneanio. God agai deli hani naga homu ebeo. Te mu menio.

Bomai Po 30:13

Tama me ma, te bomai po te tamu wę u badu digibulu elalubeo, tama tibaso dagego me bolo hanalugobeo, ‘Dago te po odama wali pomainogo, de u badu pelama, te bomai po seselama, edaba magasogowe?’