Godigo Sęba Tagala Palai Bidigo Po 1:26 - Godigo dwagi yai po buku

²⁶ Tama olama, augwaligo Matias dali Jastus dali sigo nogi yai nai dabe kapde munama, tama begelali, te Matiasgo nogi yai nai hasia asali. Tama tibaso, Matias nogo si olama, sągą deli bidi dabeba wadolai.

Godigo Sęba Tagala Palai Bidigo Po 1:26 Referans Kwoze

Pris Sę Ebo Bomai Po 16:8

“Te agai masigi si sao, me masigi deli e tiwai po elalueibao, ‘Te Genuai Bidigo da,’ te gasa masigide e tiwai po elalueibao, ‘Te Asaselgo dao.’ Te masigi si agai geme dualama, te deli deli guda selama, te ena Genuai Bidigo meme me deli dąį iliyu, te me deli Asasel dąį ilao,” te po wai dao.

Josua 18:10

Tialima, Josuago te tǫ sabo po dodolobo sę elama, te mena tǫ Genuai Bidigo augwalibolo mabowe naga koneainogo yali. Tama nosali agai te tǫ dobolama, te Israel hani deli deli augwaliba te tǫ mani.

Jona 1:7

Tama augwali si holama, te sip ugwadu daide bidiyu, tama te sip sę ebo boskru bidi dabe augwaligo tama po wali, “Tegoba, polo dao! Da deli deligo dena nogi tigidali te pepa dagede asęnama, tama waba bulama, tama dago nogi deli sao. Dago tama tilama, te da dolainu yali sę page te bidi dago koneaibao,” wali. Tialima, augwaligo tama tilama, tama Jonago nogi pedelalio.

Tuni Bidi Dabego Po Elalubo Buku Deli 24:5

Devitgo te pris sę yabo bidi dabe augwali dąį ilainu yali sogo, agai te Eleasargo hanide naga, ma te Itamargo hanide naga te dąį ebaso usu me egobeo. Menio. Agai te bidi hani dabe talua side naga dąį ilaibao, magi baso meni, te hani side te Godigo sę ebo usu yabo bidi dabe naga bidali, tama te Genuai Bidigo bede sę ebo usu yabo bidi dabe bidali. Tama tialima augwa te satu gagali elama, te bidi dabe dąį ilali.

Godigo Sęba Tagala Palai Bidigo Po 2:14

Te bidi Pita dali, te Jisasgo tagala palai bidi nogo si olama, sągą deli dali, augwali dodulaluali. Tama augwali dodulalu, Pitago te sisinagasai we bidigo wali po wei ponai, te po bomona wai, “Dage Juda hani, dagego odiąo, te Jerusalemde bidibo bidi dabego me, odiąo, te dagego te ede subo sę page koneagameo.

Bugagia Bidibo Kolesagade Po Asęai Buku 16:22

Te dwagi yai homu kolesaga bidi elalu da, teda te agaba te bidibo ula mabo ąį tiwai ebao. Tiali goli, te dwagi yai homu elalusiąbo bidi dabe, augwaligo te dobo kolesaga eyu, tama tego augwa digi dolobo dao.

Godigo Sęba Tagala Palai Bidigo Po 13:19

Tama Godigo te Kenan tǫde bidali hani a nogo olama, me badu nogo si wagi solama bidai bidi hani ela silali. Tama ela silama, Godigo te tǫ te Israel hanibolo mani.”

Josua 14:2

Hasia bolo Genuai Bidigo Mosesbolo te po wali gilama eyu, te tobolu bidi dabego te mena hani sibigo te mena tǫ sabo po dodolama, tama te tǫ te a naga olama, me si me si haniba dobayali. Tama augwaligo te tiwai yali.

Nehemia 10:34

“Tama da tigidali we bidi, me te pris dabe, me Livai dabe, dago te bomo yai pogo po wali pelama, tama dago te satu gagali elama, te mena mena hani nigilama, te sia sigi pelama, te selasa asiyu, te dena Genuai Bidi te Godiba sela asali ofa dabe ulabo sia sigi pomainu yaibao.”

Nehemia 11:1

Te sogo te Israel tobolu bidi dabe te Jerusalemde bidali, tama te meba we bidi augwali gasa hanu dabede bidada pali. Tama augwaligo satu gagali yali, te augwa nogo si hani tomode deli deli hani te Jerusalemba bidigi pabo bage sa mumainogo, te Godigo hanu. Tama te gasa hani meba augwali te gasa meba hanu dabede bidada pali.

Bugagia Bidibo Kolesagade Po Asęai Buku 16:33

Te bidi dabego te satu gagali eyu, te augwaligo mena sę yabo te hanilibo sę ebao. Tiali goli, Genuai Bidi deligo da, te satugo augwaligo te hanalubo po wei ponobo dao.

Dwagi Yai Gesi Po Makgo Asęani 6:30

Te Jisasgo tagala palali po sela pali sę bidi dabe augwaligo sę silama, tama ma begasa aselama, tama augwali Jisas dali deliba sisinani. Tama augwaligo te egi pali sę po miani, tama tigidali po augwaligo te we bidibolo ola mani po wai.

Godigo Sęba Tagala Palai Bidigo Po 1:23

Te po obaso, te Jisasde homu dąų wabo we bidi augwaligo bidi sigo nogi muai. Me bidi nogi Josep, agai nogi me si elaluali, me nogi Barsabas, me nogi Jastus. Tama gasa me bidigo nogi Matias.

Kraisgo Geme Dualali Sę Pedelabo Po Jonbolo Ola Mani 21:14

Te hanu obo page dąų walali moni masigi te nogo si olama sągą badu si elaluai, tama te nogo si olama sągą badu si bidi augwali te Kibu Sipsip Waigo po pusigi pabo sę bidi nogi te masigide asęai elaluai.