Godigo Sęba Tagala Palai Bidigo Po 1:2 - Godigo dwagi yai po buku

² Jisasgo te tiwai yai, te aga sę gagalobo sogo pelama, Godigo aga dagaluba odasa pali sogoba dąį egi pai. Tama Godigo aga dagaluba odasa pesiąwai madi, Jisas agai sa muani tagala palai bidi dabebolo po pusa mawai. Tama agai Godigo Dwagi Yai Mobogo bomogo te po augwalibolo pusa mawai.

Godigo Sęba Tagala Palai Bidigo Po 1:2 Referans Kwoze

Godigo Sęba Tagala Palai Bidigo Po 1:9

Tama Jisasgo te po olama, Godigo aga te dagaluba odasa sai, te augwaligo tonalubadi. Tama aga hodaluama, pǫgo aga halua sagasali, te augwaligo aga ma subeo.

Hibru 9:24

Dago koneao, Krais aga te Tedali Gasagi Yai Be habu tomoba peyu, aga te bidi dabe augwaligo nogogo sę yai be tomoba pelama, tama te Godigo be mu tiwai elama te piksa tiwai naga ebeo. Menio. Aga te dagaluba digi tomoba dolo mu pai. Tama megi aga te God gedude hania bidibao, tama agai da tau sabo sę megi ebo dao.

Godigo Sęba Tagala Palai Bidigo Po 10:38

Te po duga digi koneai dao. God agai te Nasaret bulu bidi Jisas sa muai. Tama Godigo agai Dwagi yai Mobo Bidi dali, bomo dali si agabolo mawai dao. Tama Jisas aga tigidali bulu bilama, dwagi yai sę ela bilali, tama agai Satango dolai we bidi agai dwagi yai ma ilali. God aga dali bidibaso, te tobage sę yali.

Dwagi Yai Gesi Po Jongo Asęani 20:21

Tama Jisasgo augwalibolo te po ma wai, “Dage dwagi yai homu elama, bidao,” te po wai. “Tama Ayago ena tagala palobaso, ena asai dao. Tama tialigia, eno me dage tagala palobao,” Jisasgo te po aga wali bilali bidi dabe dali wai.

Dwagi Yai Gesi Po Jongo Asęani 13:18

Te agai po me weyu, te po wai, “Dage tigidali dali eno te po wabeo. Ena digi te ena sa muai bidi dabe, te eno konealubao. Tialima, te Godigo po bukude polobadu wali po te nai egilama, mu pedalaibao. Te polobadu asęani po te dao, ‘Ena dali nai tuali bidi te bidi agai megi ena dali boi bidi yaibao.’

Dwagi Yai Gesi Po Jongo Asęani 13:3

Tama Jisasgo koneai, ‘God agai tigidali bomo enabolo mawai dao. God agai ena tǫba tagala palai, te ena God aga pageba ma paibao,’ te me aga koneai.

Aisaia 48:16

“Megi da, dage ena pąba aselama, eno po odiąo. Polobadu digi gagalasa asali, megi sogoba usu nagasu, ena te sesąwai pesagede geme dualalu, augwaliba te nai pedelaibao po pusubeo. Menio. Te sę dabe pedalisiąbadi, eno te tonalu, te sę mena tama pedelabo te eno digi dodolobo sę yali,” te po wali. God Genuai Bidigo aga bomo yai mobo bidi dali ena tagala palai dao.

Kraisgo Geme Dualali Sę Pedelabo Po Jonbolo Ola Mani 21:14

Te hanu obo page dąų walali moni masigi te nogo si olama sągą badu si elaluai, tama te nogo si olama sągą badu si bidi augwali te Kibu Sipsip Waigo po pusigi pabo sę bidi nogi te masigide asęai elaluai.

Kraisgo Geme Dualali Sę Pedelabo Po Jonbolo Ola Mani 3:22

“Olo elalubo bidi, agai te Godigo Mobo Bidi agai Godigo po odobo we bidi hani dabebolo wabo po bugagia odao,” te eno suali bidigo enabolo wai.

Kraisgo Geme Dualali Sę Pedelabo Po Jonbolo Ola Mani 3:16

Tiali goli nage te kolesaga si tomode bidibaso, nage eno pedauwalidu bugulabo homu ebao, te bidi mego te pusu meni yai ąį bugulubo tiwai yaibao.

Kraisgo Geme Dualali Sę Pedelabo Po Jonbolo Ola Mani 3:13

“Olo elalubo bidi, agai te Godigo Mobo Bidi agai Godigo po odobo we bidi hani dabebolo wabo po bugagia odao,” te bidigo enabolo wai.

Kraisgo Geme Dualali Sę Pedelabo Po Jonbolo Ola Mani 2:29

“Olo elalubo bidi, agai te Godigo Mobo Bidi agai Godigo po odobo we bidi hani dabebolo wabo po bugagia odao.”

Kraisgo Geme Dualali Sę Pedelabo Po Jonbolo Ola Mani 2:11

“Olo elalubo bidi, agai te Godigo Mobo Bidi agai Godigo po odobo we bidi hani dabebolo e wabo po bugagia odao: ‘Niwai bidi agai bomogo te dwai sę ebo kolesagago bomo aiyaba elaluyu da, te si sogo isibogo te bidi munu me dologobeo. Mu menio.’”

Kraisgo Geme Dualali Sę Pedelabo Po Jonbolo Ola Mani 2:7

“Te olo elalubo bidi, agai te Godigo Mobo Bidi agai Godigo po odobo we bidi hani dabebolo e wabo po bugagia odao: ‘Niwai bidi agai bomogo te dwai sę ebo kolesagago bomo aiyaba elaluyu da, te bidibolo eno aga usu da weyu, tama agai te bidi bidibo ula mabo ni du sela tumainao waibao. Tama te bidi bidibo ula maiabo ni te God aga gide elalubo dao.’”

Kraisgo Geme Dualali Sę Pedelabo Po Jonbolo Ola Mani 1:1

Te eno megi asęna tolobo po, polobadu te po geme dulaluai, tama Godigo te po Jisas Kraisbolo waselama ola mani. Te Kraisgo aga sę ebo bidi dabebolo te nosali gana pedalobo sę hania hanilainogo tama Godigo agabolo te sę ola mani. Tama agai aga ensel mobo bidi me deli te Jon enabolo tagala palama, tama ena agai sę bidi, tama te tagala palali ensel mobo bidigo te waselali po enabolo ola magasai.

2 Pita 3:2

Tama eno homugo dagego te nosali pedalabo nai po ma konemainogo homu eyu, te wiegi yai tedali profet bidi dabego pusali po dao. Tama te Genuai Bidi te da ma sali bidi agai aga bomo yai po olama, tama te dugaba tagala palali sę bidi dabego pedauwalidu wali po odoyu, tama te po me dagego homude dąų olama ma koneiąo.

1 Pita 3:22

Tama te Jisas Krais aga te gų pagede ma hodolama, tama Godigo dagalude bidibo madiba sabolama tama genuai nogi sobaso, aga te Godigo dolo nogo badu megi bidibao. Tama aga tede bidiyu, tama ensel mobo bidi dabe tigidali dali, te noma bidi tuni bidi dabe dali, te bomo yai noma bidi dabe dali, augwali tigidali Krais aga dologode bidibo dao.

2 Timoti 3:16

Awe, mu tama, te polobadu geme dualali po, te Godigo dabolo waselali konealuabo po page te genuai mu elalubo, tama bidigo te pode te po mu menio wabo te usu me egobeo. Te konealuabo po e dao: Aga te tigi elalubo bidi mu pedalali, tama hania hanilai. Tedali Mobo Bidigo we bidibolo ola mani, te bidi aga dolo mu yali. Te dagalude mobo bidi ensel dabego aga suai. Tama po pusubo bidi augwaligo agade po te tigidali we bidi hanibolo pusigi pali. Te tǫde bidi dabe augwaligo konealubo po agade dąų wai. Te Godigo aga dagaluba odasa holama, tama megi aga bomo dali, genuai nogi dali selama bidibo dao.

Efesus 2:20

Tama eno te be sę ebo po pagede te po digi po begelama te po megi obao. Te Krais aga digi aga te be dąų wabo page ni tiwai dao. Tama agai tagala palali bidi dabe augwaligo dagebolo pusali po me, te Godigo po ola mabo bidi augwaligo dagebolo ola mani po me, te wiegi yai po te be kau ni dabe tiwai dao. Tama dage da, te be kele ni dabe tiwai dao, te be dąų wabo page ni dali te be kau ni dali si tede dage bugagia dąų olama elalubao.

Galesia 1:1

Ena da Pol da. God agai ena tagala palali, eno agai po wagi pomainogo yai. Bidigo ena tagala palobeo, bidi mego ena te po wagi pabo sęba mubeo. Te menio. Te God dago Aya dali te agai te gų pagede ma hodolai bidi Jisas Krais dali, augwali sigo ena te sęba muai dao.

Godigo Sęba Tagala Palai Bidigo Po 1:13

Tama augwali Jerusalem tomoba pelama, beba sabolama, augwa osogo bidigi pabo be habuba ugwaba holali. Tama te bidi dabego nogi e dao, te Pita, Jon, Jems, Andru, te Filip me, Tomas me, te Bartolomyu me, Matyu me, te gasa me Jems, aga aya nogi Alfius, te Saimon, te independes sainu ebo hani bidi me, te gasa Judas me, aga aya nogi Jems.

Godigo Sęba Tagala Palai Bidigo Po 1:11

Tama augwali sigo te po hanalu wai, “Dage Galili tǫ bidi dabe, dage te ugwaba dagaluba magi baso tonalu dolalubawe? U bidi Jisas, te Godigo dagaluba odasa holali bidi, te bidi ma asaibao, te aga dagaluba pabo yaligia ma asiyu me tiaibao, te dagego tonalubadi megi pabo yaligia tiwai yaibao, ma asobo sogode,” te po wali. Tama te po olama, tega si ma pali.

Dwagi Yai Gesi Po Jongo Asęani 20:17

Jisasgo Maria dali te po wai, “Nago ena diągio. Ena eno Aya God bidibo digi dagaluba me pabeo. Tama tibaso, nago ena dąų ola sigio. Tialima, nage eno ama dabe bidibo digi pelama, augwali dali te po tama wagibao, ‘Ena eno Aya bidibo madigi dagaluba holobao, tama te aga dagego Aya me dao. Tama eno ena God bidibo digi pobao, tama te God dagego God me dao,’ te po eno ama dabebolo pusigi pao,” Jisasgo Maria dali te po wai.

Dwagi Yai Gesi Po Jongo Asęani 17:13

“Megi ena nage pageba asobao. Tama eno te po e tǫde nage dali obao, te eno dwagi yai homu eno bidi dabe augwalide pągąnalumainogo augwali dwagi yai homu mu emainogo ebao.

Dwagi Yai Gesi Po Jongo Asęani 16:28

Polobadu ena Aya dali bidai, tama eno aga taga soyu, ena e tǫba dulai. Tama megi ma eno e tǫ taga peyu, Aya God bidibo digi painogo ebao,” Jisasgo te po aga bidi dabe dali wai.

Dwagi Yai Gesi Po Jongo Asęani 13:1

Te olo bidibo si nogi Pasova pedalisiąbadi, deli sogo naga elalubadi, tama Jisasgo koneai, aga e tǫ tagalama, Aya pageba pabo sogo te pąba yagasai. Tama Jisas agai aga te tǫde bidibo we bidi tigidali sogo godolo mu eyu bidai. Megi agai te godolo mu ebo sę tagalobeo. Agai augwali godolo mu ela pidubadi te aga isibo sogoba usu nai dao.

Dwagi Yai Gesi Po Jongo Asęani 6:70

Jisasgo te po wei ponoyu, te po wai, “Eno dage nogo si bidi selama, sągą badu si bidi dage eno sai dao. Tialima, dage tomode me deli dwai haubo bidi te bidibao,” Jisasgo te po aga bidi dali wai.

Dwagi Yai Gesi Po Jongo Asęani 6:62

Tialima, dagego suali ma te Godigo Bidi Mu aga polobadu bidali buluba hodobo suyu da, magi yaibawe?” Jisasgo te po wai.

Dwagi Yai Gesi Po Jongo Asęani 3:34

Te bidi Godigo tagala palali bidi, te bidi agai Godigo po pusubo dao. Magi basowe? Godigo agai Dwagi Yai Mobo Bidi agabolo habuge me mabeo, sese mu mawai. Tama mobaso, te bidigo Godigo po pusubo dao.

Dwagi Yai Gesi Po Jongo Asęani 1:16

Aga te olo tau sabo sę hauwa mu ebo dao. Tama dabolo agai ma eyu, ma eyu idu gebo dao.

Dwagi Yai Gesi Po Lukgo Asęani 24:51

Tama agai te bidi dabebolo te po madubadi, tama Jisasgo augwali taga pai, tama Godigo Jisas dagaluba sela holai.

Dwagi Yai Gesi Po Lukgo Asęani 9:51

Te Godigo Jisas dagaluba odasa holabo magabadi yaide, Jisasgo koneama, aga te Jerusalemba pabo homu mu elama, pabo gagalali.

Dwagi Yai Gesi Po Makgo Asęani 6:30

Te Jisasgo tagala palali po sela pali sę bidi dabe augwaligo sę silama, tama ma begasa aselama, tama augwali Jisas dali deliba sisinani. Tama augwaligo te egi pali sę po miani, tama tigidali po augwaligo te we bidibolo ola mani po wai.

Matyu 12:28

Tiali goli, Godigo Mobo Bidigo ena te dwai haubo mobo bidi sela sąyabo bomo mabo dao. Tama tibaso dagego koneiąo, te Godigo we bidi tonalubo kolesaga te dageba asai dao.

Matyu 3:16

Tama Jisas baptais selama, tama polo aga te wę tagalama te wę sesegeba holai. Tama dagalu tomode buga palima, te Godigo Mobo Bidi te aiyaba dulubo te agai suali, te ba hi tiwai tama aselama, te Jisasgo tigiba bidagasali.

Aisaia 61:1

Tigidali Bomo Elalubo Godigo Mobo Noma Bidi enaba bidagasali, magi baso meni, Genuai Bidi aga digi eno toboluba wel gelali, te ena dąį sa muyu, te aga wiegi yai po te magi doado bage meni yai bidi dabe selasa pomainu yai. Te agai ena tagala palali, te haliga sęgę genuai elalubo bidi dabego sęgę silimainu yai, te kalabuside bidibo bidi dabeba po pusu, te augwa kalabus tagalama, olo pao po omainogo yai.

Aisaia 42:1

Genuai Bidigo e tiwai po wai, “Suao, eno sę bidi e dao. Sesemane sogo eno aga dąų walobao. Ena eno aga sa munama, dąį ilali, tama sesemane sogo eno agade wiegi yai homu pemene geninama, idubao. Eno ena mobo noma bidi agaba muani, tama agai te doloba pai kolesaga naga igidali te tǫde we bidi haniba selasa asaibao wali.

Kraisgo Geme Dualali Sę Pedelabo Po Jonbolo Ola Mani 2:17

“Olo elalubo bidi, agai te Godigo Mobo Bidi agai Godigo po odobo we bidi hani dabebolo e wabo po bugagia odao: ‘Niwai bidi agai bomogo te dwai sę ebo kolesagago bomo aiyaba elalubo bidi, te bidibolo eno megi geme dulalubo tubo nai nogi mana meba mayu, tama eno te tedela yai dwasianu masigi me agabolo mawaibao. Tama te masigide gesi nogi asęai, tama niwai bidi mego te nogi konegobeo. Te masigi sali bidi, aga naga te nogi koneaibao.’”