2 Timoti 4:13 - Godigo dwagi yai po buku

¹³ Ena nago bidibo digi nosali asaibao. Te sogo nago ena tonaludu digi, nago te Godigo bukude asęani po aga hani we bidibolo nedebo sę yao. Tama augwalibolo Godigo po pusuyu tama ola mayu bidaluao.

2 Timoti 4:13 Referans Kwoze

Godigo Sęba Tagala Palai Bidigo Po 6:4

Tiali goli, dena te sę egobe. Da da, tigidali sogo Godibolo gedu haluasa po wabo sę dali, Godigo po pusa mabo sę dali, te sę si naga yaibao,” augwaligo te po wai.

Taitus 2:15

Nago eno megi wali ola mabo po te po te we bidi dabe dali nago te po ola mao. Nago augwali te pogo hodolama, tama augwaligo te po wali pomainao. Tama nago te po sela sąnama wali pisąbo bidi augwaligo homu begelemainu nago augwali dali po bomo elama wao. Te bidi dabe augwaligo nage olo bidi yaliwe te homu idali weyu tama nago te ola mabo po bugagia bomonama augwalibolo ola mao.

2 Timoti 4:16

Tama naga digi ebo kolesaga me, te we bidi ola mabo sę te bugagia tonaluao. Tama tiduao. Nago tama tiyu da, teda naga sęgo digi nage dali nago po odobo we bidi dali ma dobola saibao.

2 Timoti 4:6

Nago te eno megi asęani po te dago ama dedebolo mobaso da, teda nage te Jisasgo wiegi yai sę bidi bidaibao. Tama tiyu, te konealubo pode me, te nago wali pabo tigidali wiegi yai kolesaga ola mabo po me, te po side nago genuai bomo bugagia sidu bideibao.

Godigo Sęba Tagala Palai Bidigo Po 17:11

Te Beria bidi dabe te Tesalonaika be nani bidi hani tiwai meni. Te polobadu te Tesalonaika bagego tega sigo po polo sela sąwai dao. Tiali goli, te Beria bidi hani augwaligo da bugai homu elama, te po odali. Tama tigidali sogode Godigo po asęai bukude nedali, Polgo wali po usu niba pabo wenama suali.

Dwagi Yai Gesi Po Jongo Asęani 5:39

“Dagego te homu ebo dao, Godigo asęani po tego dagebolo te bidabo bomo menama, tama dage bidada peyu, bidada paibao. Tama te homu eyu, dagego te po tigidali sogo gegeyu, nedebo dao. Tama te asęani po aga digi enade po page ola mabo dao.

Josua 1:8

Nago te bomai po elalubo bukugo po munu me homugo gegeda pelamuo. Te nago bugagia tonaluyu, tama te bomai pode elalubo tigidali po mu wali pomainogo eyu, nago te giligade me, hulide me, nago te bomai pode bugagia skul elama, konea sao. Te nago tama tiyu da, te nago gasa sę tigidali ebo te wiegi yai naga ilaibao.

Bomai Po 17:19

Agai te buku aga pagede munama, tama agai te tigidali po page agai tede nedemainogo yao. Tama tiyu da, agai Godigo bomai po wali peyu, aga tigidali sogo Genuai Bidi dologode elaluyu, tama agai te bukude elalubo po dolo wali paibao.

1 Korin 14:26

Ama dedeo, dagego magi yaibawe? Dage lotu po wainogo eyu sisinibo sogo, dage tigidali deli deligo te duga hasi tau sabo sę elalubao. Me deligo te Godigo nogi ugwaba sabo balia weyu, tama me deligo te dage po ola mabo sę eyu, tama me deligo te Godigo agabolo tamadi mani po, tama agai te po pusaibao. Tama me deligo te dago konesiąbo gasa pogo po weyu, tama mego te po begelebo sę elalubao. Dagego ebo sę tigidali ebogo te dage Godigo po odobo we bidi tau siyu bomo momainogo iyąo.

1 Korin 14:3

Me ma, Godigo po pusubo bidi, agai po te we bidibolo weyu, tama te pogo augwa homugo God dali kęą pabo kolesaga tebolo bomo mabo dao, tama augwaligo kolesaga wiegi yai emainu homu hodolama, tama augwali homu nagame ilibo dao.

1 Korin 14:6

Eno ama dedeo, dagego te po homugo bugagia koneao. Ena te dage bidibo madi aselama, tama eno po te we bidigo konesiąbo gasa pogo naga wainogo eyu da, tiali goli te Godigo enabolo waselali po meba te eno dagebolo wasiąyu, ma eno wiegi yai kolesaga dagebolo masiąma, ma te Godigo po eno pususiąma, te eno dage me po ola masiąbaso da, teda eno te we bidi konesiąbo pogo wabogo dage bugagia tau sogobeo. Mu menio.

Polgo Po Pas Rom Dabeba Asęani 12:8

Bidi mego te bidi dabe augwali homu hodolobo kolesaga elalubaso da, teda agai te augwali homu hodolobo sę mu yao. Te Godigo hani we bidi tau somainogo aga nai dobabo bidi, aga dwagi yai homu eyu agai nai hauwa augwalibolo mao, te agai nai yogo homu elamuo. Te polalubo bidi, te agai homugo te sę mu yao. Te gasa bidi homu dene eyu tau sabo bidi, te bidi me agai homu pemene wiegi yai elama tama aga tau sao.

Polgo Si Wali Pas Timotiba Asęani - 2TI 3:15

Tama e me nago koneani, polobadu nage te dwasianu wai bǫų elalubadi tama nago te tedali gasagi yai wiegi yai bukude po konebo sę gagalama sai. Te tedali bukude pogo te dwagi yai homu kolesaga nagebolo mabo usu yali. Tama nago te dwagi yai homu kolesagago eyu, tama konealubo po Krais Jisasba dąų obaso da, teda Godigo nage ma saibao.