2 Timoti 2:8 - Godigo dwagi yai po buku

⁸ Tama eno homugo te tigidali bulu bidi dabe augwaligo gedu haluasa po omainogo homu ebao. Eno homugo augwali Godigo kolesaga naga wali pabo bidi dabe bidu, tama haliga sębę me wado po wabo tagaliyu, tama augwa nogo ugwaba siyu, te augwaligo gedu haluasa po omainogo ebo dao. Nago augwalibolo tama tiao po wao.

2 Timoti 2:8 Referans Kwoze

Godigo Nogi Ugwaba Sabo Tęąbi Po Wabo Buku Dabe 134:2

Dagego te tempel be tomode gedu haluasa po bomo elama weyu, tama Genuai Bidigo nogi ugwaba sao.

Godigo Nogi Ugwaba Sabo Tęąbi Po Wabo Buku Dabe 63:4

Te eno nageba usu da weyu, tama nago nogi ugwaba sidubadi, te ena isibo siba usu naibao. Te eno nogo ugwaba selama, tama nageba gedu haluasa po waibao.

Hibru 10:22

Tama elalualigo da, teda da homu mu eyu, tama homu si me esiąyu dago Godiba konealubo po dąų mu olama, tama da aga pąba pinao. Agai dago yali dwai sę sęgę sela sąnama, tama dago homu wiegi yai ma ilali. Me agai dago tigi sese te wiegi yai ąįgo mu telawali.

Taitus 3:8

Te po mu dao. Tama eno homugo nago te po bomo elama ola mao, te Godibolo augwa homu tigidali mani we bidi augwaligo te ola mabo po dali homugo bugagia kone palama, tama augwaligo bomo elama te dwagi yai sę eyu bidimainao. Dwagi yai sę te dwagi yai page elalubao, tama te dwagi yai sę ebogo te tigidali gasa we bidi dabe me tau sabo dao.

Jems 4:8

Tama tiyu, dage God pąba mu peyu tibaso da, aga dage pąba mu aselama, bidaibao. Tama dage te dwai sę me sogo me sogo ebo bidi dabe, duga nogogo dwai sę ebo tagalama, dwagi yai sę naga yao, te bidigo nogo ąįde telabo tiwai te meda meniama dwagi yai tiwai yao. Dagego te Godigo po wabo odobo me te tǫde kolesaga ebo te homu si elalubo, te dwai homu ebo kolesaga dagego homude elalubo te sela sąyao, homu deli naga eyu bidao.

Dwagi Yai Gesi Po Lukgo Asęani 24:50

Te Jisasgo agai bidi dabe augwali odasa, bulu me nogi Betani pąba sabolai. Tama Jisas agai nogo ugwaba selama, tama bugai homu ilabo po augwalibolo wai.

Aisaia 1:15

Te dagego nogo ugwa selama, gedu haluasa po enabolo wabo si da, teda eno dage sugobeo. Tagala, dagego gedu haluasa po hauwa sogo obadi, me teda ena olo palia saibao. Magi baso meni. Te bidi dabe dagego elali bidi dabego kaneme dagego nogode me daganalubao.

1 Pita 3:7

Te dage we sai bidi dabe me, dage Godigo we bidi hani dali dwagi yai homu eyu, tama dage deli deli duga we dali tau sabo homu eyu, abagi homu eyu, bugagia bidao. Tama dagego koneani, te bidi me aga we me augwali sibolo God agai te bidada peyu, bidada pabo bomo olo mawaibao. Tama dagego augwali bomo genuai meni homu ebadi, te bidi agai aga wego nogi ugwaba sao. Bidigo tama tiyu bidibaso da, teda Godigo augwali sigo aga hanalu wabo po odaibao.

2 Timoti 5:14

Tama tibaso, augwaligo tama idali weyu, eno homugo Timoti nago te bidi isai gesi we dabe te augwali bidigo ma sao po wao, tama wai ame nobaso, te augwa hani tonalubo sę yao. Te augwaligo tama tiyu da, teda, te da dali te dwai po wabo boi bidigo tų gegabo usu meni yaibao.

Godigo Sęba Tagala Palai Bidigo Po 21:5

Tiali goli, da tede bidali sogo sia selama, da te bulu tagalama, moni gebaba ma pali. Te Jisasgo po wali pabo we bidi, wai puluba me, augwali da hodobo pelama, tamu ąį sesegeba sabolali. Te kemi tǫde da sisinama, kidu sugunama, Godibolo gedu haluasa po wali.

Godigo Sęba Tagala Palai Bidigo Po 10:4

Agai te ensel bidi gedugo bomonama tonama, wi mu yai. Tama agai te bidibolo hanalu wali, “Eno genuai bidi, nago homugo magi sę yaiwe?” Tama te ensel bidigo te po wei ponoyu, te po wali, “God agai nago agabolo po wabo me, te nai meni yai we bidi tau sabo kolesaga me, te Godigo sulama, bugai homu ebao.

Godigo Sęba Tagala Palai Bidigo Po 10:2

Tama te bidi aga hani dabe dali tigidali sogo te Godibolo lotu po wedu te bidigo te Godigo godolo yabo kolesaga yali. Te bidi aga dali deli bede bidibo bagego tigidali te God dologode bidai. Tama te bidi agai te tigidali Juda tǫde bidibo nai meni yai we bidi agai tigidali sogo tau sabo da. Agai Godibolo hanalubo po hauwa sogo wabo bidi dao.

Godigo Sęba Tagala Palai Bidigo Po 7:60

Aga kidu sugunama, agai Godibolo i bomo elama, te po wai, “Genuai Bidi, nago augwaligo te enabolo ebo dwai sę sęgę nago sela sąyao,” te po wai. Te po olama, aga isai. 8:1a Tama te bidi Sol agai augwaligo Stiven ela mubo sulama, Sol agai te sęde usu da wali.

1 Korin 7:7

Te eno homugo tigidali we bidi te ena digi tiwai bidimainu homu ebo dao. Tiali goli eno koneani, te Godigo tigidali bidi deli delibolo te haniani sę yabo kolesaga mani. Te me deligo te gasa tobage me tiwai tedali siyu, te gasa mego te gasa tiwai tedali sali.

Godigo Sęba Tagala Palai Bidigo Po 10:31

Agai ena nogi olama, te po wai, ‘Kornilius, God agai nago agabolo po wabo me, te nago nai meni yai we bidi tau sabo dwagi yai kolesaga ebo sulama, Godigo bugai homu ebo.

Dwagi Yai Gesi Po Jongo Asęani 4:21

Jisasgo te webolo te po wai, “Nago eno po mu po dao olama, konealuao. Me sogo deli pedaliyu, tama dagego te Ayabolo lotu po te bulu dude wagobeo. Tama dagego Jerusalem tede me lotu po wagobeo.

Dwagi Yai Gesi Po Lukgo Asęani 23:34

Te Jisasgo te po wai, “Aya, nago augwaligo dwai sę yali sęgę sela sąyao. Augwaligo enade ebo sę sęgę augwaligo konebeo.” Tama te ami bidi dabe augwaligo satu gagali elama, Jisasgo gudubo ugwa dabe augwa dobola sai.

Matyu 21:21

Tama Jisasgo po wei ponoyu, augwalibolo te po wai, “Eno mu po dagebolo obao, dagego te Godide konealubo po mu dąų olama, tama dagego homu si me isąbaso da, teda dagego eno e ni kayade yali tiwai sę dagego me ebo te usu yaibao. Tama dagego te sę naga egobeo. Menio. Te dagego e elalubo bulu dubolo te po weyu, ‘Nage hodaluama, nage te tamu ąįba samonao’ po obaso da, teda agai te tiwai yaibao.

Matyu 5:44

Tiali goli megi eno dagebolo obao, dagego duga boi bidi dali dwagi yai homu eyu tama godolo eyu yao. Tama bidi meba augwaligo dagebolo dene mobaso da, teda dagego gedu haluasa po Godibolo wao, te agai augwali dali dwagi yai sę emainogo.

Godigo Nogi Ugwaba Sabo Tęąbi Po Wabo Buku Dabe 66:18

Tiali goli, eno homugo te eno dwai sę ebo kolesaga te olo nai tiwai da wagi sogo da, teda Genuai Bidigo te eno gedu haluasa po wabo te me odogi menigi dao.

Godigo Nogi Ugwaba Sabo Tęąbi Po Wabo Buku Dabe 26:6

Genuai Bidi, eno nogo wę telayu, te eno dwai sę me yali menibaso, te nageba ola mayu tiali. Tama eno nago alta bagulubo sę eyu, tama eno nageba lotu po wabo dao.

Godigo Nogi Ugwaba Sabo Tęąbi Po Wabo Buku Dabe 24:4

Dwai sę isąwai bidi, tama agai homu meda meni yai dwagi yai. Tibo god dalibolo lotu po wasiąwai bidi, tama bidigo gasa bidi tibo dąų wabo po me ola masiąwai bidi. Tiwai bidi aga te usu yaibao.

Jopgo Po Asęani Elalubo Buku 16:17

Eno dwai sę me isąbadi, tiali goli te sęgę dabe eno tigi olo dali mu pedalali. Eno gasa bidi dabe dali dwai sę me ebeo. Tama me ma, eno gedu haluasa po me, ena bilali me, God aga gedude mu elalubadi goli da.” Jopgo te po wali.

Matyu 6:12

Tama dago homugo nago dago dwai sę yali sela sąyao. Te bidi dabe augwaligo da dali dwai sę elama, tama dago augwaligo te dwai sę yali sela sąbo tiwai yali gilama tama nago dago sęgę sela sąyao.

Bugagia Bidibo Kolesagade Po Asęai Buku 21:27

Genuai Bidigo te dwai kolesaga ebo bidigo ofa te wei mu me egobeo, aga tede sębę ebo dao. Tama te bidigo te tibo kolesaga wali peyu, te ofa ebaso da, teda Genuai Bidigo te dwai kugumini yai kolesaga mu da homu ebo dao.

Bugagia Bidibo Kolesagade Po Asęai Buku 15:8

Genuai Bidigo te dwai kolesaga ebo bidigo ofa ebo te wei mu me egobeo. Menio. Agai tede dwai homu mu ebo dao. Tiali goli, agai te doloba pai bidigo gedu haluasa po wabo te wei mu eyu, wiegi yai pemene mu ebo dao.

Godigo Nogi Ugwaba Sabo Tęąbi Po Wabo Buku Dabe 35:13

Tiali goli, eno augwaliba te tiwai sę me ebeo. Mu menio. Te augwali gasi elalubaso, eno homu dene mu elama, tama eno ugwa dwai gudali. Eno te nai tubo me habu selali, tama tego digi enaba sęgę mani. Tama eno usu da weyu, gedu haluasa po te nago augwali tau somainu wali.

Te Israel me Juda Hani Sigo Tuni Bidigo Po Elalubo Buku Deli 3:11

Tama tibaso, Godigo Solomonba te tiwai po wali, “Te nago enaba hanaluyu, te nageba eno te wiegi yai konebo homu kolesaga nageba menama, te nago te Israel dabe bugagia tonaluaibao po hanalu wali, te wiegi yai dao. Tama nago enaba te nage te tǫde sesabi sogo elama bidabo po me hanalubeo, tama nago enaba hanalu, te eno nageba te mone hauwa mao po wabe, tama me nago enabolo te nago boi bidi dabe dolabo po me hanalubeo.

Godigo Nogi Ugwaba Sabo Tęąbi Po Wabo Buku Dabe 28:2

Te eno nageba i weyu, nago ena tau sao wabo sogo, te nago eno gela wabo odao. Eno gedu haluasa po weyu, tama eno nogo ugwaba siyu, te nago wiegi yai be elalubo madiba nogo dų yaibao.

Godigo Nogi Ugwaba Sabo Tęąbi Po Wabo Buku Dabe 141:2

Eno homugo nago eno gedu haluasa po wabo te nageba denami ebo nai hano asobo tiwai emainao. Awe, te eno nogo si ugwaba siyu, nagebolo gedu haluasa po wabo si, eno homugo te ebo te nago gedude te piode mabo ofa tiwai emainao.

2 Korin 2:14

Tiali goli te Masedonia tǫde eno Taitus sulama, tama agai dagede dwagi yai po olama, megi eno usu da weyu Godibolo po odu gebao. Sesemane sogo agai da tau selama, tama dago Kraisgo bomode te wąbi hwįani usu yai. Tama dago sę ebode te Godigo po pusali, tama te bidi dabe augwaligo Krais konea sabo dao. Te koneani kolesaga te pusu ebo nai tiwai denami te tigidali habuba pabo tiwai ebao.

Filipai 1:12

Eno ama dede, eno homugo dagego hania koneao, te enade ede polo pedalali sę, te augwaligo ena kalabus muani sę, te sę ebogo ena te Godigo po pusubo sę tagalamainogo eyu usu ebeo. Menio. Te augwaligo ena kalabusiba mubaso te Godigo po pusubo sę ela pomainogo tiwai, te gasa we bidi augwali te po odisąwani bage, te augwaligo me te po odai dao.

1 Tesalonaika 1:8

Dagego Genuai Bidigo po gasa we bidibolo pusubo te po te digibulu bulude odalio. Te po te Masedonia bulu dali Akaia te bulu side naga te po odai menio. Tigidali bulu bidi augwaligo dagego te Godibolo konealubo po dąų wabo po augwaligo odalio. Tama tibaso, dago dagego te sę ebo po te dago augwalibolo ma wagobeo.