2 Timoti 2:13 - Godigo dwagi yai po buku

¹³ Magi baso meni. Te tiwai yai: Godigo Adam bolo hasia nigali, tama nosali agai te we Iv nigai dao.

2 Timoti 2:13 Referans Kwoze

Tigidali Nai Gagalama Nigali Side 2:18

Tama Yawe Godigo aga digi homude te po wai, “Tiyu, te bidi agaduba deli naga bididalio, te usugobeo. Te eno te aga tau siyu bidabo abagi me deli nigilaibao,” te homu yai.

Tigidali Nai Gagalama Nigali Side 2:22

Godigo te bidi punali dili sali tego te we me deli nigilama, tama te we te bidi bidibo madi odasa pali.

Tigidali Nai Gagalama Nigali Side 2:7

Tama Yawe Godigo te tǫ meba selama, tama te tǫgo bidi nigai. Tama agai bidibo ula maiabo mobo te bidigo guni tomoba ponama, tama bidi te bidibo ula pedelai.

Tigidali Nai Gagalama Nigali Side 1:27

Tama tialima, Godigo te we bidi nigilama, tama God aga tiwai pedelai. Godigo te augwali meba bidi nigibadi, te meba we nigibadi yali.

Tigidali Nai Gagalama Nigali Side 3:16

Tama Yawe Godigo te webolo te po wai, “Te nage haliga elalubadi, te eno nagebolo genuai sęgę mawaibao. Tama nago wai ame nabo sogo, te nage genuai dene yaibao. Tiali goli, te nago naga bidi godolo mu eyu, tama agai nage tonaluaibao,” wali.

Tigidali Nai Gagalama Nigali Side 3:20

Tama te bidi Adam agai aga we nogi Iv nogi yali, magi baso meni, aga te tigidali bidibo we bidigo wai auwa dalali we mosi dao.