2 Timoti 2:11 - Godigo dwagi yai po buku

¹¹ Te we dabe sibi augwa digi aiyaba elaluama, tama pedauwali pania selama, tama po ola mabo bidigo wabo po sao.

2 Timoti 2:11 Referans Kwoze

1 Korin 11:3

Me ma, te dagego ena te po hanalu wali, “Te da deliba sisinama tama Godibolo po weyu, tama Godigo po odoyu tebo sogo, te dago we dabe sibi augwaligo augwa tobolu te nami ugwago haluaibawe ma meniwe?” te po dagego ena hanalu wai dao. Tiali goli eno homugo hasia dagego te po konemainogo obao: te bidi Kraisgo tobolu bidi te God dao, tama tigidali bidigo tobolu bidi te Krais dao, tama wego tobolu te aga bidi dao.

1 Pita 3:1

Te da te tigidali tuni bidi dologode bidabo po tama wali peyu, tama dage we dabe sibi dage deli deli duga bidi dologode bidiyu aga po odao. Tama tiyu, te bidi meba augwaligo Godigo dwagi yai po odobo hagela yai digi, augwaligo wego wiegi yai kolesaga ebo suyu, te wego po mobo masiąwaį goli te bidi augwa homu begelaibao.

Taitus 2:5

Gasa we bidi augwaligo te gesi we dabego ebo kolesaga sulama, tama augwaligo Godigo po dali dwai posobo po waidali weyu, tama te mosi dabe yai we augwaligo te gesi we dabebolo e po me ola mao: “Dagego duga digi bidibo homu kolesaga bugagia tonaluao, tama dwai penane sę ebo homu egimio, tama dagego bidibo be tonalubo sę bugagia yao, tama dagego duga bidi dali wai dabe dali dwagi yai sę eyu bidao. Dage duga bidi dologode bidao,” te tobage po te augwaligo te gesi we dabebolo ola mao wao.

Kolosi 3:18

Dage bidigo sai we dabe sibi, dage deli deli duga bidi dologode bidiyu agai po odao. Dage dago Genuai Bidi Krais wali pabo we bidibaso tama tiao.

Tigidali Nai Gagalama Nigali Side 3:16

Tama Yawe Godigo te webolo te po wai, “Te nage haliga elalubadi, te eno nagebolo genuai sęgę mawaibao. Tama nago wai ame nabo sogo, te nage genuai dene yaibao. Tiali goli, te nago naga bidi godolo mu eyu, tama agai nage tonaluaibao,” wali.

Esta 1:20

Nosali nago te po te nago tonalubo bulu tigidaliba te po bila silai madi, te tigidali wego te augwa bidigo po bugagia odomainogo, te nogi elalubo bidi, ma te nogi meni yai bidigo me, te augwa wego po odomainu yaibao,” Memukango te po wai.

2 Timoti 2:10

Menio. Te we dabe sibi augwaligo te Godigo homu wali pabo homu eyu da, te augwaligo we bidi tau sabo haniani wiegi yai sę yao. Te da te augwa au ilibo nai tiwai mu dao.