2 Timoti 1:11 - Godigo dwagi yai po buku

¹¹ Te dwagi yai ola mabo po da, te ula yai bomo elalubo wiegi yai bidi God agai te po pusao olama enabolo mani gesi wiegi yai po tomode elalubao.

2 Timoti 1:11 Referans Kwoze

Galesia 2:7

Mu menio. Augwaligo koneai, God agai te Pitago agai po te Juda hanibolo pusumainogo yai tiwai gilama, tama megi Godigo ena te Juda hani isiąwai we bidibolo te Godigo po pusumainogo tagala palai bidi dao.

Taitus 1:3

Tama polobadu mu agai te po dąų olama, tama tamadi te sogo aga digi bodolu mawai sogo agai bidi meba homu hodolama, tama agai po aga augwalibolo hania ola mani. Tama elama, tama agai te po pusubo sę eno nogoba muai dao, tama te da ma dobola sabo bidi God agai te po ola mao obaso, tama eno te mu po te we bidibolo ola mabo dao.

2 Timoti 6:15

Aga ma asobo sogo te Godigo aga digi sa muani bodolu sogo elalubo, te sogo te dolo sogo mu naga yaibao. God naga te dwagi yai homu pemene ebo page bidi, tama agaduba deligo naga tigidali sę yabo bomo elalubao. Agai te tǫde tuni bidi dabego Tuni Bidi, tama aga te genuai bidi dabego Genuai Bidi dao.

2 Korin 4:4

Magi baso meni. Te e tǫde tibo god Satan agai te Kraisgo poba augwa homu begi pisąbo bidi dabe augwaligo homu kone tuą palali. Magi baso meni, Krais aga da te God tiwai mu dao, tama agai dabolo Godigo noma mu hanilibo dao. Tama te Kraisgo genuai bomo yai ula waselabo wiegi yai gesi po, te po te giliga nanobo tiwai dao. Tiali goli te hagayabo we bidi augwaligo te pogo nanobo ula suidali weyu, Satan agai augwaligo homu kone puna palama tuą palali.

Polgo Po Pas Rom Dabeba Asęani 2:16

Eno te Godigo wiegi yai gesi po te we bidibolo pusubo si eno e po me pusubo dao. Odao, te Godigo te aga bomai po mani bage me, te bomai po sisąwani bage me augwali tigidali dali Godigo te po tų nosali yaibao. Tama tiyu agai te po tų dodolobo sę te Krais Jisasgo nogoba muyu, tama te bidi dabego geme ebo kolesaga osola suyu yaibao.

Polgo Si Wali Pas Timotiba Asęani - 2TI 2:2

Tama tiyu, te nago eno pedauwalide odali po, te po te bidi hauwa gedude pusali po tigidali nago odali. Tama te po naga nago te Godigo poba homu kęą pai bidi dabe, augwaligo nogoba te po bugagia muao, te augwaligo me usu elama tama te po gasa Godigo poba homu kęą pai bidi dabebolo nosali ola momainu yao.

Polgo Si Wali Pas Timotiba Asęani - 2TI 1:14

Nago te Godigo nagebolo mani dwagi yai po te nago bugagia tonaluao. Tama Godigo Tedali Mobo Bidi te da tomode bidiyu, agai nage te sęde tau saibao.

Polgo Si Wali Pas Timotiba Asęani - 2TI 1:11

Godigo te wiegi yai gesi po pusubo sęba ena mubaso, tama ena te po pusubo bidi bidiyu, tama ena te Godigo sęba tagala palali sę ebo po ola mabo tisa bidi dao.

2 Timoti 6:20

Timoti, Godigo agai po nagebolo mani. Nago te po bugagia tonaluao. Bidi dabe mebago te Godigo kolesaga wali pisąbo olo po dabe wabo dao. Augwaligo homugo augwa wabo po te koneai kolesaga po mu dao. Tiali goli meni, augwaligo wabo po te page meni yai konila ebo po naga dao. Nago te tobage po dabe tudiba muao.

2 Timoti 2:7

Tama tede Godigo ena te agai po sela pabo sę bidi mubaso, tama eno agai po pusubo sę elalubao. Eno mu po naga obao, eno tibo po me wabeo, te Israel hani isiąwai bidi dabebolo po ola mabo tisa bidi agai ena nigilali, te eno augwalibolo te Godigo mu po dali te Kraisde konealubo po augwa homugo dąų wabo kolesaga me eno ola momainogo yali.

1 Tesalonaika 2:4

Te menio. God agai da osola sulama, tama da usu ebaso, tama agai dabolo agai dwagi yai po pusumainogo dabolo te sę mawai. Tama tibaso, dago te po hania hanilama te po pusubo dao. Dago te sę ebo tǫde we bidi augwali da dali homu dwagi yai emainogo te sę ebo menio. God agai deligo naga dago te sę ebo godolo emainogo te sę ebo dao. Tama God aga digi dago homu kolesaga tomode osola subo dao.

Kolosi 1:25

Tama God aga digi ena aga we bidi hanigo sę bidi nigilai dao. Eno dage tau somainogo eyu agai e sę enabolo mani, te Godigo po sese eno gisiga ola mayu, tama we bidi augwaligo te po page kuna konemainogo ebo dao.

Efesus 3:10

Tama polobadu agai homude yabo sę dualaluai. Tiali goli megi agai te agai po wali pabo we bidibolo haninama ola mani. Te gasa we bidi me augwaligo te Godigo po wali pabo we bidigo pedauwalidu te po odama tama Krais wali peyu tama aga hani bage pedalomainogo eyu, agai aga po haninama ola mani. Tama tebogo augwaligo te Godigo wiegi yai sę ebo kolesaga te dagalude bidibo ensel mobo bidi tobolu bidi dali, te polalubo bidi dabe augwalibolo te wiegi yai ebo kolesaga page waselemainogo yai. Tama te wiegi yai kolesaga page te ensel mobo bidi dabebolo tama waselama, tama augwaligo Godigo haniani sę ebode wiegi yai homu kolesaga mu elalubo te augwaligo hania koneaibao.

Efesus 2:7

Agai te sę da dali magi baso yaliwe? Woo, agai da dali dwagi yai homu eyu, da godolo mu ebaso, tama agai Krais Jisas tagala palali, da tau somainogo yai. Agai da olo tau sali, te dago abelegobeo. Tama agai da olo tau sali kolesaga te mu genuai mu tama dao, te we bidi tigidali augwaligo kuna konemainogo, tigidali sogo nosali, te Godigo da Krais dali ma hodolali.

Efesus 1:12

Tama hasia te gasa we bidi augwaligo te kolesaga isiąbadi da Juda we bidi dena homu tigidali te Godigo sa muani nosali asaibao wali bidi Krais te bidiba dena homu muani. Tama dena homu tigidali agaba munama, tama dwagi yai homu eyu, da aga ma asobo bugagia tonaluai dao. Tama da te tobage sę hasia ebo bidi dabe dago Godigo ula yai bomo elalubo nogi ugwaba sao.

Efesus 1:6

Tama Godigo aga ogwa Jisasde dwagi yai homu eyu, tama da aga ogwade wadolo baso, tama agai da dali wiegi yai homu ilibo sę yai dao. Tama God agai da olo mu tau siyu agai te genuai sę ebaso, te dago God aga ula yai bomo elalubo nogi ugwaba sao.

2 Korin 4:6

Magi baso meni, e tiwai dao. Polobadu mu Godigo te po wai, “Te be hulia sai madi ula pedalomainao,” wai. Tama te po wali God aga ula digi da dali bidibao, tama da homu ula mu ilibo. Te ula e dao: dago te Godigo bomo yai ula te Krais gesabidide elalubo koneai dao.

1 Korin 9:17

Te ena homugo digi eno te sę egi da, teda eno te sęde sabo usu egi da. Tiali goli, eno homugo te sę eno yabo homu me isąbaso da, teda Godigo te sę enabolo emainu mawai dao.

Dwagi Yai Gesi Po Lukgo Asęani 2:14

“God agai nogi ugwanu mu kegenanao. Tǫde bidibo we bidi homu tegaluama, bidiąo. Augwalibolo Godigo dwagi yai homu ebao,” te ensel dabego te po wali.

Godigo Nogi Ugwaba Sabo Tęąbi Po Wabo Buku Dabe 138:2

Eno te nago tedali wiegi yai tempel bego gedude kidu sugunama, tama nago nogi ugwaba sobao. Magi baso meni, nago ena sesemane sogo godolo mu elama, tama nago ena bugagia tonalubo dao. Nago dabolo ola manio, nage dali, te nago po dali, te mu polalubo dao.