2 Samuel 9:9 - Godigo dwagi yai po buku

⁹ Mefiboset pai madigi, tialima te kingo Siba i olama, asobo side tama agabolo te tama po wali, “Te naga genuai bidi Solgo tigidali tǫ dali doado bage me, tama agai hani sibi bage me, megi eno te Mefibosetgo nogoba manio, te Solgo nǫų wąį dao.

2 Samuel 9:9 Referans Kwoze

2 Samuel 19:29

Tama kingo te po wai, “Te usu da, te po ma wagio. Eno homude te tama tiali, nage me Siba dage sigo te duga wąį Solgo tǫ dobayu, te bugulama, te me badu nago siyu, te me badu agai siyu emainu, te tama homu yalio,” wali.

2 Samuel 16:4

King Devitgo te tama po odolama, tama aga te Sibabolo te tama po wai, “Mu da, agawe? Tialima, megi eno te Mefibosetgo doado bage tigidali te nageba mawaibao,” wali. Tialima, Sibago Devitba te tama po wali, “Ei, king, ena te nago olo sę ebo bidi tiwai me deli dao. Tama eno homugo te eno ebo sę tigidaligo te nago homu wiegi yai pemene ilaibao,” wali.

Aisaia 32:8

Tiali goli, bidi wiegi yai dabe augwali genuai nogi elaluaibao. Te tigidali sogo augwaligo doloba pai kolesaga naga ebo dao, tama augwaligo wiegi yai kolesaga naga yabo homu bomo ebo dao.

1 Samuel 9:1

Bidi me deli bidai, te bidi nogi Kis, te Benjamin hani bidi. Kis te Abielgo ogwa, tama Abiel te Serorgo ogwa, tama Seror te Bekoratgo owga, aga te Afiago ogwa dao. Kisgo doado bage hauwa elaluali, tama te gasa bidi dabe tomode te aga nogi elalubo bidi bidai.

2 Samuel 16:3

Tama kingo te tama po wai, “Wiegi yai mu dao. Tiali goli, eno koneainu yai, te naga tonalubo bidi, Mefiboset, aga menade bidibawe?” Tama Sibago te po wai, “Aga te Jerusalemde me bididubao, magi baso meni, aga te homu ebao, megi te Israel dabego aga te king pedalumainu nigilama, tama agai te Israel dabe tonalu, te aga wąį nǫų, te king Solgo, yali tiwai gilama yaibao,” wali.

2 Samuel 19:30

Tiali goli, Mefibosetgo kingba te tama po wai, “Te Sibago tigidali somainu yaibao. Eno tede homu si me ebeo. Eno homugo te nage bugagia bidimaina homu yali, tama te nage ma asali dao.”