2 Samuel 9:6 - Godigo dwagi yai po buku

⁶ Te bidi aga nogi te Mefiboset dao. Aga te Jonatango ogwa, tama te king Solgo ogwago wai, te aga nǫų wąį dao. Te aga sabalubo sogode, teda aga kidu sugunugulama, tama aga gesabidi tǫba pogulama, te Devitgo nogi ugwaba siyu tama tiali. Tama Devitgo agabolo te tama po wali, “Mefiboset, siade dao.” Tama Mefibosetgo te tama po wali, “King o, ena naga sę bidi naga dao.”

2 Samuel 9:6 Referans Kwoze

Tuni Bidi Dabego Po Elalubo Buku Deli 9:40

Jonatan te Meribalgo aya, agai gasa nogi me Mefiboset. Tama Meribal te Maikago aya dao.

Tuni Bidi Dabego Po Elalubo Buku Deli 8:34

Jonatan te Meribalgo aya, aga gasa nogi me da Mefiboset. Tama Meribal te Maikago aya dao.

2 Samuel 16:4

King Devitgo te tama po odolama, tama aga te Sibabolo te tama po wai, “Mu da, agawe? Tialima, megi eno te Mefibosetgo doado bage tigidali te nageba mawaibao,” wali. Tialima, Sibago Devitba te tama po wali, “Ei, king, ena te nago olo sę ebo bidi tiwai me deli dao. Tama eno homugo te eno ebo sę tigidaligo te nago homu wiegi yai pemene ilaibao,” wali.

1 Samuel 25:23

Abigelgo Devit sulama, tama polo tama aga te donki dulaluali tagalu, tama te tǫba samonani.

1 Samuel 20:41

Te ogwa pai madi, teda Devit hogodama, tama te masigi tudi badu geme dualaluali taga soyu asama, tama Jonatan pąba kidu sugunagaselama, tama aga tobolu tǫba sela sogo basi gulali. Tama aga dolugulama, tama augwa si nono nenama, tama gela wai. Tama Devitgo homu dene eyu, hobede ebo homugo te Jonatango homu dene eyu hobede ebo homu te aiyaba elalualio.

Tigidali Nai Gagalama Nigali Side 33:3

Jekop digi aga hani asobadi, te aga polasa pali. Tama agai kidu tǫba susugunu pidubadi geani, te nogo a naga olama, me badu si sogo te usu nigi peyu, te aga ama pageba pedelali.

Tigidali Nai Gagalama Nigali Side 18:2

Agai tonono pobadi, tama bidi sela dolalubo suali. Agai augwali sulama, tama aga ugwa be tagalama, tama udada pelama, augwali pageba sabolali. Aga kidu sugunu gulama, tama aga gesabi te tǫba mu pogiluama,

2 Samuel 4:4

Jonatan, te Solgo ogwago, te ogwa me deli elaluali, aga nogi te Mefiboset. Te Sol me Jonatan isali sogo, te Jesril dabego te Jonatango hani sibiba po ola tolali. Te sogo te Mefibosetgo kibu be a naga elaluali. Augwa te po odobo si da, teda te Mefiboset tonaluali wego te Mefiboset ąųwą selama, wi pali. Tiali goli, aga asesa polo mu udawali digi, tama Mefiboset tulaluama, tama dolama, te sągą dwai pedelali.

2 Samuel 9:5

Kingo te tama po odama, tama agai te bidi meba tagala palama, te Jonatango ogwa odasa asomainu yai.

2 Samuel 1:7

Tama Sol begelama, tama ena sulama, te ena i wali. Tama eno te po wali, ‘Awe, genuai bidio,’ wali.

2 Samuel 21:7

Te Genuai Bidigo nogide, Devitgo te Solgo ogwa Jonatan dali te bomai po dąų wali, tama megi da, agai te dąų wali bomai po te homu kone ma palali. Tama tiyu, agai te Mefiboset sabeo, te Jonatango ogwa, tama te Solgo wąį, tama te Gibeon dabeba mabeo. Menio.