2 Samuel 9:13 - Godigo dwagi yai po buku

¹³ Tiali goli, Mefiboset te Jerusalemde bidali, magi baso meni, tigidali sogo bidibo dononama, te aga king Devitgo bede nai tudali. Te Mefibosetgo sągą si te penelama, dwai elaluai dao.

2 Samuel 9:13 Referans Kwoze

2 Samuel 9:7

Tama Devitgo te tama po wali, “Nage wi munu me elamuo. Eno nago aya Jonatan te homu kone me elalubadi geani, tama tiyu, eno te wiegi yai kolesaga nageba yabo homu ebao. Te eno nageba te nago nǫų wąį Solgo tǫ tigidali te nageba mawaibao. Tama tigidali sogo nage te enaba naga aselama, nai tuagasu yagameo,” wali.

2 Samuel 9:3

Tama te kingo agaba ma hanalu wali, “Te Solgo hani sibi bage meba elalubawe, ma meniwe? Te elalubaso da, teda eno augwali wiegi yai bugagia ilaibao, te eno Godiba bomai po dąų wali gilama tiainu obao,” wali. Tialima, Sibago Devitba po walali, “Te Jonatango ogwa me deli bidibadi goli, te aga sągą penelama, dwai bidibao,” po wali.

2 Samuel 9:12

Mefibosetgo ogwa me deli te ogwa bidi bidali, aga nogi te Mika. Te sogo te Sibago hani sibi bage bidi me we, te Mefibosetgo tǫde sę iduali.

Jeremaia 52:33

Tama tialima, te Jehoiakingo te kalabus bidi dabego mubo ugwa munu ma mubeo. Te tigidali sogo aga te Babilon king dali deli madi dugulama, nai tudu genama, te Jehoiakin aga isibo sogoba usu nigi pai dao.

2 Samuel 4:4

Jonatan, te Solgo ogwago, te ogwa me deli elaluali, aga nogi te Mefiboset. Te Sol me Jonatan isali sogo, te Jesril dabego te Jonatango hani sibiba po ola tolali. Te sogo te Mefibosetgo kibu be a naga elaluali. Augwa te po odobo si da, teda te Mefiboset tonaluali wego te Mefiboset ąųwą selama, wi pali. Tiali goli, aga asesa polo mu udawali digi, tama Mefiboset tulaluama, tama dolama, te sągą dwai pedelali.

2 Samuel 19:27

Tama aga nage wali peyu, tama ena nogi te aiyaba elalubo tibo po walio. Tiali goli, genuai bidi, nage te Genuai Bidigo mobo bidi ensel tiwai dao. Tama nago mena wiegi yai sę enaba yabo te wiegi yai da homu eyu da, nago te sę naga tama yao.