2 Samuel 9:11 - Godigo dwagi yai po buku

¹¹ Tialima, Sibago te tiwai po Devitba wali, “King o, te nago wali po tiwai gilama te tigidali sę eno yaibao,” wali. Te sę dabe elama, nosali Mefiboset te king Devit dali nai tugi peyu yali, te king aga ogwa me deli tiwai mu gagawai dao.

2 Samuel 9:11 Referans Kwoze

2 Samuel 19:26

Tama Mefibosetgo te tama po wei ponai, “Eno genuai bidi, nago koneani, ena sągą dwai elalubao. Tama te sogo nago te Jerusalem taga pali sogo, te eno augwaliba weyu, te eno donki dodolao po wali, te donkiba ena duagulama, te ena nage dali painogo yai. Tiali goli, ena sę bidigo ena tibo po ola mawai dao.

2 Samuel 19:17

Tama te Benjamingo hani bidi 1,000 te aga dali asai. Tama me, Siba, te Solgo hani sibi dabego sę bidi me, te aga ogwa dabe te 15 ogomani, me te aga sę bidi te bidi sese deli badi, tama augwa bolo asesa pelama, te king Devit asisąbadi, te wę Jordanba polasa sabolai.

2 Samuel 9:10

Tama tibaso, nage dali, te naga ogwa dabe me, te naga sę ebo bidi dabe me, te tǫde gi buluiąo. Tama dagego te gide inayu tau yai nai selama, tama selasa asiąo. Tama tiyu da, te Solgo hani sibi te augwa nai elalueibao. Tiali goli, Mefiboset aga da te ena dali sesemane sogo nai tuagasu daibao,” Devitgo te po wali. Te bidi Sibago ogwa te 15 elaluyu, me te sę bidi dabe te bidi sese tama elaluali.

2 Samuel 9:12

Mefibosetgo ogwa me deli te ogwa bidi bidali, aga nogi te Mika. Te sogo te Sibago hani sibi bage bidi me we, te Mefibosetgo tǫde sę iduali.

2 Samuel 9:13

Tiali goli, Mefiboset te Jerusalemde bidali, magi baso meni, tigidali sogo bidibo dononama, te aga king Devitgo bede nai tudali. Te Mefibosetgo sągą si te penelama, dwai elaluai dao.

2 Samuel 19:24

Tama Mefiboset, te Solgo ogwago ogwa, te wai, aga me aselama, te king dali deliba gesabidi ununani. Te Devitgo te Jerusalem taga soali sogo gagalasa, tama te king ma asobo sogoba usu nagasu, te Mefiboset te aga sągą wę me telasiąbadi, tama aga penane nisi me togosiąma, tama aga ugwa me wę me telayu isiąbadi te Devit Jerusalemba ma asobo sogoba usu nanio.

2 Samuel 15:15

Tialima, te kingo ofisa dabego te tama po wei ponani, “King o, te nago mena sę yainogo ebo, dago te nage wali pabo naga te sisi elalubao,” wali.