2 Samuel 9:10 - Godigo dwagi yai po buku

¹⁰ Tama tibaso, nage dali, te naga ogwa dabe me, te naga sę ebo bidi dabe me, te tǫde gi buluiąo. Tama dagego te gide inayu tau yai nai selama, tama selasa asiąo. Tama tiyu da, te Solgo hani sibi te augwa nai elalueibao. Tiali goli, Mefiboset aga da te ena dali sesemane sogo nai tuagasu daibao,” Devitgo te po wali. Te bidi Sibago ogwa te 15 elaluyu, me te sę bidi dabe te bidi sese tama elaluali.

2 Samuel 9:10 Referans Kwoze

2 Samuel 9:7

Tama Devitgo te tama po wali, “Nage wi munu me elamuo. Eno nago aya Jonatan te homu kone me elalubadi geani, tama tiyu, eno te wiegi yai kolesaga nageba yabo homu ebao. Te eno nageba te nago nǫų wąį Solgo tǫ tigidali te nageba mawaibao. Tama tigidali sogo nage te enaba naga aselama, nai tuagasu yagameo,” wali.

2 Samuel 19:28

Nago te eno ayago hani we bidi tigidali eligi da. Tiali goli nago olo tau sabo wiegi yai homu ebo kolesaga enaba eyu, tama nago ena te nago bede sesemane sogo nai tuagasomainu ilali. Tama tibaso, te eno nageba te gasa nai me ma enaba mao olama, me hanalugobeo,” Mefibosetgo te po wali.

Dwagi Yai Gesi Po Lukgo Asęani 14:15

Te nai tuabo saide duga yali bidi mego Jisasgo ola mani po odama, te bidigo Jisasbolo te po wali, “Te bidi me Godigo we bidi tonalubo madi tomoba pelama, tede nai tubaso da, teda dwagi yai homu pemene elama, tama bugagia bidada peyu, bidada paibao,” wali.

Te Israel me Juda Hani Sigo Tuni Bidigo Po Elalubo Buku Si 25:29

Tama teyu, te king Jehoiakin agai te kalabus bidigo bulubo ogwa ma bulube. Tama tigidali sogo te Babilon hani king bidi dali nai tuyu bidai, tama aga te nai tuyu bidada pelama, te king Jehoiakin isibo bodoluba usu nigi pali.

2 Samuel 16:3

Tama kingo te tama po wai, “Wiegi yai mu dao. Tiali goli, eno koneainu yai, te naga tonalubo bidi, Mefiboset, aga menade bidibawe?” Tama Sibago te po wai, “Aga te Jerusalemde me bididubao, magi baso meni, aga te homu ebao, megi te Israel dabego aga te king pedalumainu nigilama, tama agai te Israel dabe tonalu, te aga wąį nǫų, te king Solgo, yali tiwai gilama yaibao,” wali.

2 Samuel 21:7

Te Genuai Bidigo nogide, Devitgo te Solgo ogwa Jonatan dali te bomai po dąų wali, tama megi da, agai te dąų wali bomai po te homu kone ma palali. Tama tiyu, agai te Mefiboset sabeo, te Jonatango ogwa, tama te Solgo wąį, tama te Gibeon dabeba mabeo. Menio.

Te Israel me Juda Hani Sigo Tuni Bidigo Po Elalubo Buku Deli 2:7

“Tiali goli, nago te Gileat bulu bidi Barsilaigo ogomani te bugagia wiegi yai ilama, tama augwali te nago hani dabe dali duayagaselama, te nai tumainu yao. Magi baso meni, te ena nago ama Apsalomde wi pali sogo, te augwaligo ena bugagia nai mayu, geseyu yai dao,” wali.

Jeremaia 52:34

Te Babilon kingo po obaso, te augwaligo tigidali side Jehoiakinba mone maduali, te Jehoiakin aga bugagia bidimainogo tiali. Te augwaligo te tiwai sę ela pidubadi, te Jehoiakin aga isibo sogoba usu nai dao.

2 Samuel 19:18

Tama augwa te kingo we wai hani sibi dabe te wędu edaba nogebo te tau sainu yali. Tama augwa te tigidali sę yali te kingo homugo emainu ebo sę naga te augwaligo yalio. Te king aga wę nogeainu sisi ebo sogo, tama Simei aga aselama, te aga gesabidi te king pąde te tǫba pǫgulali.