2 Samuel 9:1 - Godigo dwagi yai po buku

¹ Devitgo te tama po te bidi dabebolo hanalu wali, “Te Solgo hani sibi bage meba elalubawe, ma meniwe? Te elalubaso da, teda eno augwali wiegi yai bugagia ilainu homu yali, te Jonatango wiegi yai kolesaga enaba yali te wei ponainu tiaibao,” wali.

2 Samuel 9:1 Referans Kwoze

1 Samuel 20:42

Tialima, Jonatango Devitbolo te po wai, “Nage te wiegi yai homu nagame dali pao. Dago te Genuai Bidigo nogide te po dąų waliyu, te dena digi dena bugagia wiegi yai sesemane sogo ilao, tama nago hani me eno hani nosali pedalubo bage me, augwa me te tobage deli kolesaga emainu yaibao. Tama Genuai Bidigo dago te dąų walubo po odali, tama dago wali paibao.” Agai po ola siminama, tama Devit gasaba peyu, tama Jonatan te taunba ma begasa palio.

Matyu 25:40

Tama tuni bidigo po wei ponoyu, augwalibolo te po waibao, ‘Eno mu po dagebolo obao, te tigidali sę dagego te eno amanu e tiwai te nogi meni yai bidi dali yali wiegi yai sę, te sę dabe te dagego ena dali te yali dao.’ Tuni bidigo te po waibao.”

1 Pita 3:8

Te eno po silagasu po obao. Dage tigidali deli homu naga eyu bidiąo. Tama teyu, hobede eyu, te dage Godigo hani we bidi bidiyu, duga hasi dwagi yai homu eyu godolo mu yao. Tigidali we bidi dali homu dene eyu, tama nagamea pai homu ebadi bidao.

Dwagi Yai Gesi Po Makgo Asęani 9:41

Te bidi me deligo dage sulama, tama agai te homu elama, ‘Eno te Kraisgo bidi dabe tau saiba’ homu elama, tama agai te kapde wę dage mobaso da, teda eno mu po dagebolo obao, te bidigo nosali sabo wiegi yai nai da, te me hagagobeo,” Jisasgo te po wai.

Te Israel me Juda Hani Sigo Tuni Bidigo Po Elalubo Buku Deli 2:7

“Tiali goli, nago te Gileat bulu bidi Barsilaigo ogomani te bugagia wiegi yai ilama, tama augwali te nago hani dabe dali duayagaselama, te nai tumainu yao. Magi baso meni, te ena nago ama Apsalomde wi pali sogo, te augwaligo ena bugagia nai mayu, geseyu yai dao,” wali.

2 Samuel 1:26

Eno ama, Jonatan, nagede eno homu dene mu ebao. Eno nage godolo mu eyu, tama nago ena me godolo mu yai. Nago godolo ebo homu te bomo mu eyu, tama te wego bidi godolo ebo homu te aiyaba elalualio.

Bugagia Bidibo Kolesagade Po Asęai Buku 27:10

Nago naga abagi dabe, me naga we wai sibi te homu gegeda palama, tama augwali tudiba me munamuo. Tama te dwai sę mego nage gegebaso da, teda naga amago nage tau somai da homu elama, te nage digibulu pelama, agaba munu me hanalugi pelamuo. Te nage pąde bidibo bidigo te nage tau sabo usu yaibao.

Matyu 10:42

Tama bidigo te ena wali pabo olo nogi meni yai bidi me deli ąį nogone ebo sulama, tama aga tau siyu. tama te kedau wai wę naga mabo bidi da, teda eno mu po dagebolo obao, Godigo te bidibolo te wiegi yai nai mu mawaibao, te nai te munu me hagagobeo,” wali.

2 Samuel 9:7

Tama Devitgo te tama po wali, “Nage wi munu me elamuo. Eno nago aya Jonatan te homu kone me elalubadi geani, tama tiyu, eno te wiegi yai kolesaga nageba yabo homu ebao. Te eno nageba te nago nǫų wąį Solgo tǫ tigidali te nageba mawaibao. Tama tigidali sogo nage te enaba naga aselama, nai tuagasu yagameo,” wali.

2 Samuel 21:7

Te Genuai Bidigo nogide, Devitgo te Solgo ogwa Jonatan dali te bomai po dąų wali, tama megi da, agai te dąų wali bomai po te homu kone ma palali. Tama tiyu, agai te Mefiboset sabeo, te Jonatango ogwa, tama te Solgo wąį, tama te Gibeon dabeba mabeo. Menio.