2 Samuel 8:8 - Godigo dwagi yai po buku

⁸ Tama me, agai te Beta taunde, me Berotai taun side te bras umabo hauwa sali, te Hadatesergo taun si dao.

2 Samuel 8:8 Referans Kwoze

Tuni Bidi Dabego Po Elalubo Buku Deli 18:8

Tama me, agai te bras hauwa te taun Tiphat me taun Kunde sali, te taun si te Hadatesergo taun da. Nosali, Solomongo te bras dabego te Godigo tempel bede muabo nai dabe nigainu salio, te genuai ąį tank me te bobobage pos si, te dis dabe me plet dabe, te tama nai nigalio.

Tuni Bidi Dabego Po Elalubo Buku Deli 29:7

Te augwaligo mani nai dabego sęgę te tiwai pedelalio, golgo te sęgę 170,000 kilogram igulali, te silvago sęgę 340,000 kilogram igulali, te brasgo sęgę 620,000 kilogram igulali, tama aingo sęgę da te 340,000 kilogram igulai dao.

Tuni Bidi Dabego Po Elalubo Buku Deli 22:16

te tama nai dabego haniani nai nigibo koneai bidi hauwa elalubao. Nago sę hodolao, tama te Genuai Bidi nage dali bidaibao,” Devitgo te po wali.

Tuni Bidi Dabego Po Elalubo Buku Deli 22:14

“Ena te sę dene mu elama, te tama nai sisinani, te 3,500 ton golgo sęgę, me te 35,000 ton silva, te tama sęgę elalubo nai sisinani, te Genuai Bidigo be sę yabo nai da. Tama eno te ain me bras hauwa umabo sisinani, te nai dabego sęgę te bidi dabego te skel ebaso usu egobeo. Tama me, eno te ni dabe me masigi dabe sisinani, tiali goli te nago umabo mu ma sao.” Devitgo te po Solomon dali wai dao.

2 Samuel 8:7

Tama Devitgo te Hadatesergo ofisa dabego te golgo nigai hwįbo sabele tolasa asobo suali. Tama agai te wiegi yai sabele dabe selama, tama te sabele dabe te Jerusalemba selasa palio.

Te Israel me Juda Hani Sigo Tuni Bidigo Po Elalubo Buku Deli 11:23

Te Godigo te Solomonba boi bidi yabo gasa bidi me deli ma pedalumainu ilali. Te bidi aga nogi Reson, te Eliadago ogwa dao. Polobadu Reson te king Hadateser te Soba bulu tǫ bidide sę yali, tiali goli aga wi pelama, tama aga te hwįbo hani bidi, me te nai wi sabo bidi, te polalubo bidi pedelama bidali.

Tuni Bidi Dabego Po Elalubo Buku Deli 18:1

Me sogo nosali, Devit dali aga ami bidi dabego dali te Filistia dabeba boi hwįgi pali. Augwaligo te Filistia dabe aiyaba elaluama, tama augwaligo te taun Get dali, te pąde elaluali bulu dabe dali sai dao.