2 Samuel 8:18 - Godigo dwagi yai po buku

¹⁸ Tama Benaia, te Jehoiadago ogwa, tego te king Devit tonalubo ami bidi dabe te augwa tonalubo sę yali, te augwali Keret me Pelet hani dabe da. Tama te Devitgo ogwa dabe te pris bidi bidai dao.

2 Samuel 8:18 Referans Kwoze

1 Samuel 30:14

Da te saut te Juda tǫ pedai badu pelama, te Keret dabe dali hwįyu, te Juda dabe dali, me te Kalep dabe dali te hwįgi pelama, tama augwaligo doado bage sobadi yali. Tama da te Siklakba pelama, tama te taun siago ulubadi yali,” te po wali.

Tuni Bidi Dabego Po Elalubo Buku Deli 18:17

Te Benaia, te Jehoiadago ogwa, agai te king Devit seselalubo ami dabe tonalubo ofisa bidali, te augwali Keret me Pelet hani dabe da. Tama te Devitgo ogwa dabe augwali te gavmande genuai bidi naga bidai dao.

2 Samuel 20:23

Joap te ami dabego polalubo ofisa bidi, tama te Israel bulu tǫde tigidali ami tonalubo bidi dao. Tama Benaia, te Jehoiadago ogwago, te king tonalubo ami bidi dabe tonalubo bidi bidai, te augwali Kelet me Pelet dabe dao.

2 Samuel 20:7

Tama tialima, Abisaigo te Joapgo ami bidi dabe selama, tama te king tonalubo ami bidi me sali, te augwali Keret me Pelet dabe, tama te tigidali hwįbo bomai bidi me, tama augwa te Jerusalem tagalama, tama pelama, te Seba pobegi pai.

2 Samuel 15:18

Tama king dolaludubadi, tama te ofisa dabe nogo sągą sąyu, tama polasa peyu, te king tonalubo ami bidi hani dabe dali pela wali, te augwali te hani Keret me Pelet hani dabe tama. Tama te Get hanu ami bidi tigidali te 600 bidi me te augwa nogo sągą sąsą pelayu, palio. Polobadu te 600 ami bidi dabe te Get hanude Devit dali bidai, tama augwa te aga wali asali.

Te Israel me Juda Hani Sigo Tuni Bidigo Po Elalubo Buku Deli 1:44

Devitgo te pris Sadok dali, te profet Natan me, Benaia me, te king tonalubo ami bidi dabe me tagala palama, tama augwali te Solomon dali pai. Tama augwali pali sogo, Solomon te king Devitgo donkide digi dugulasa pai.

Te Israel me Juda Hani Sigo Tuni Bidigo Po Elalubo Buku Deli 1:38

Tama tialima, te Sadok, me Natan, me Benaia, me te king tonalubo ami bidi dabe dali, te augwali Keret me Pelet dabe, augwaligo te Solomonba po obaso, tama aga te king Devitgo donkide duagulama, tama augwaligo aga te wę Gihonba odasa pali.

Sefanaia 2:5

Tega, dage Kenan tǫde bidibo Filistia dabe, nambisde bidibo Keret bage, dage me dolaibao! Genuai Bidigo dage po tų ela mawai dao. Tama agai dage dolama, tama bidi deli me bidigobeo.

Esekiel 25:16

Tibaso, megi da, eno te po obao, eno te Filistia dabe augwaliba dwai dene mabo sę mu elama, tama eno te nambisde bidibo we bidi tigidali mu silabo sę yaibao.

Te Israel me Juda Hani Sigo Tuni Bidigo Po Elalubo Buku Deli 4:4

Benaia, te Jehoiadago ogwa, aga te ami dabego polalubo ofisa bidi dao. Sadok dali Abiatar, te pris bidi si dao.

2 Samuel 20:26

tama Jair hani bidi Ira, aga me te Devitgo pris bidi bidai dao.

Te Israel me Juda Hani Sigo Tuni Bidigo Po Elalubo Buku Deli 1:8

Tiali goli, pris Sadok me Benaia, te Jehoiadago ogwa, tama te profet Natan me, Simei me, Rei me, te king tonalubo ami bidi dabe me, augwaligo te Adoniya dali deli homu me ebeo.

Te Israel me Juda Hani Sigo Tuni Bidigo Po Elalubo Buku Deli 2:25

Tialima, king Solomongo te po wali, tama Benaia pelama, te Adoniya ela muani.

Tuni Bidi Dabego Po Elalubo Buku Deli 11:22

Tama Benaia, te Jehoiadago ogwa te Kapsel taun bidi, aga me te bomai ami bidi me deli da. Te hauwa sogo agai te boi bidi dabe dali hwįbo bomo yalio. Me sogo deli agai te Moap moni bomai ami bidi si ela muai. Te me sogo deli, te talua ge tulubage te tǫba tulalubo sogo, Benaia te genuai tǫ dedage me deliba dulama, te bidi elebo bomai hasa laion me deli ela muai dao.

Te Israel me Juda Hani Sigo Tuni Bidigo Po Elalubo Buku Deli 4:5

Asaria, te Natango ogwa, agai te polalubo kiap dabe tonalubo sę elaluai. Pris Sabut, te Natango ogwa, agai te kingba wiegi yai homu kolesaga mabo sę ebo bidi bidai.

Te Israel me Juda Hani Sigo Tuni Bidigo Po Elalubo Buku Si 11:4

Tiali goli, te Atalia aga te kwin we nigilama bidibadi, te nogo a olama, me badu nogo si, te kibu be bidali, tialima te pris bidi Jehoiadago agai te gavman ofisa bidi dabebolo, te ami soldia bidi te kwin tonalubo soldia bidi me, te kwingo be tonalubo soldia bidi dabe, augwalibolo e tama po ola tolai. Tama agai augwalibolo e tama po wali, “Dage te Genuai Bidigo tempel beba asiąo,” wali. Te po obaso, augwali teba asai, awe, tama te Jehoiada agai te augwali dali te bomai po mu e tama olama, dąų wali. Agai te po me deli augwali dali polali, tama augwaligo te bomai po mu te Genuai Bidigo nogide polama, tama augwaligo te tigidali sę agai augwalibolo e tama sę yao wabo sę po te wali mu paibao wali. Tama nosali agai te Joas odasa asali, Ahasiago ogwa da, tama te asama, augwalibolo ola magasali.