2 Samuel 8:16 - Godigo dwagi yai po buku

¹⁶ Joap, te Devit aga abe Seruiago ogwa, te ami dabego polalubo ofisa bidi bidali. Tama Jehosafat, te Ahilutgo ogwa, te polalubo kuskus sę bidi bidiyu, tama te gavman dabego sę ebo buku dabe tonalubo sę bidi bidali.

2 Samuel 8:16 Referans Kwoze

Te Israel me Juda Hani Sigo Tuni Bidigo Po Elalubo Buku Deli 4:3

Elihorep me Ahiya, augwali si te Sisago ogwa si, augwali si te kingo kuskus sę ebo bidi si dao. Jehosafat, te Ahilutgo ogwa, agai te kingo ebo sę po page tigidali te asębo bidi dao.

Tuni Bidi Dabego Po Elalubo Buku Deli 11:6

Devitgo te taunba boi hwįainu yali sogo, agai te tiwai po aga ami dabeba wali, “Niwai bidigo te Jebus bidi me deli te polasa ela mubo bidi yaibaso da, teda aga eno ami dabede te polalubo ofisa bidi pedelaibao,” wali. Tialima Joap, te Seruiago ogwa, te polasa pelama, te boi hwįbo gagalali. Tama tialima, Devitgo aga te amide polalubo ofisa bidi sa muanio.

2 Samuel 19:13

Tama me Devitgo te pris siba po waliyu, te tama po Amasaba omainu yai, “Dadi si te deli kaneme dao. Eno nago te Joapgo pesage selama, tama eno ami dabego polalubo ofisa bidi nigilaibao. Te eno tama tisąbaso da, teda Godigo ena ela mumainu yaibao,” wali.

2 Samuel 2:13

Tialima, Joap te Devitgo ami bidi dabe dali asiyu, augwali te Gibeon sigi ąį pąba te augwali deliba gesabidi sisinanio. Te Isbosetgo hani te sigi wę sesege e badu bidalu, te Devitgo hani dabe te ąį sesege u badu bidalu yali. Te Joap aga ida te Seruia dao.

2 Samuel 8:15

Devitgo te Israel tǫ pedai tigidali badu tonalu, tama agai wiegi yai doloba pai kolesaga te tigidali we bidi dali yalio.

Te Israel me Juda Hani Sigo Tuni Bidigo Po Elalubo Buku Si 18:18

Tama te Asiria hanigo te king Hesekiabolo augwaligo po ola tolali, te aga asao olama po wali. Tama tiali goli, agai te aga sę ebo gavman tobolu bidi sela tagala palama, tama augwaligo te Asiria hani sugi pali. Tama agai te tagala palali bidi dabe nogi da, te bidi me te Eliakim, aga aya Hilkiago ogwa da, te bidi agai sę te kingo be tonalubo bidi da, tama me bidi nogi Sepna, te bidigo sę te king bidigo kuskus bidi da, te bidi me nogi Joa, aga aya te Asap, te bidigo ogwa da, te bidigo agai ebo sę te king bidigo agai te tigidali ebo sę po asębo sę ebo bidi dao.

Te Israel me Juda Hani Sigo Tuni Bidigo Po Elalubo Buku Si 18:37

Tama tialima, te Asiria gavman ofisa bidigo wali pode te Eliakim, tama me te Sepna, tama me te Joa, te bidi sela augwaligo haliga sęgę mu yali. Tama tibaso, augwa bulubo ugwa pibisayali. Tama augwaligo te Asiria gavman ofisa bidigo wali po tigidali po te king Hesekiabolo pusigi pali.

2 Samuel 18:2

Tama agai aga ami bugulama, te genuai hani sela nigilama, tama Joapgo te hani me deli tonalu, tama Abisai, te Joapgo amago, te hani me deli tonalu, tama te Get bulu bidi Itaigo te hani me deli tonalu yali. Tama Devitgo aga hani ami bidi dabeba te tama wai, “Te ena digi ena me te hwįboba dage dali paibao,” wali.