2 Samuel 7:8 - Godigo dwagi yai po buku

⁸ Tama God Genuai Bidigo te po Natanbolo ma weyu, tama po wali, “Te eno sę bidi, Devitbolo, te tiwai po wao,” wali. “‘Ena, Te Tigidali Bomo Elalubo Genuai Bidi, eno nage te sipsip tonalubo sę ebo bidi bidibadi selama, tama eno nage sa muyu, te eno hani bage bidi, te Israel dabego tobolu bidi pedalumainu yai dao.

2 Samuel 7:8 Referans Kwoze

2 Samuel 12:7

Tialima, Natango te tama po Devitbolo walali, “Te mone hauwa elalubo bidi wali, te nage tama dao! Tama God, te Israel dabe dago Genuai Bidigo, te tama tiwai po nagede elalubao, ‘Eno nage tau saligo, tama nage Solgo me dolobeo. Tama eno nage te Israel king bidi pedalumainu nigilali.

2 Samuel 6:21

Tama Devitgo te tiwai po wei ponani, “Eno te sasa mano peyu, te tęąbi yali da, te Genuai Bidigo nogi ugwaba siyu yai. Agai ena sa munama nigilali, te nago aya me hani sibi te hasegeliyu, tama tiali, tama agai ena aga te hani bage dabego tobolu bidi nigilali, te Israel dabede. Tama eno aga genuai nogi mayu, tęąbi mu iduaibao.

Tuni Bidi Dabego Po Elalubo Buku Deli 17:7

Tama Genuai Bidigo po ma daganu Natanbolo tama po wali, “Nago te Devitbolo e po pusao, ‘Ena Tigidali Bomo Elalubo Genuai Bidigo, eno nage te kibu sipsip tonalubo bidi bidali sogo selama, tama eno nage te ena we bidi Israel dabego tobolu bidi pedalumainu sa muyu dąį ilai dao.

1 Samuel 10:1

Tialima, Solgo te sę bidi polasa tagala palai, tama Samuelgo te oliv wel botol dwasianu me deli selama, tama te wel habu te Sol toboluba geliyu, te aga king pedalumainu nigiliyu, sa muani. Tama Samuelgo agaba te gesabidi nono neyu, te e tiwai po wai, “Genuai Bidigo te nage aga we bidi, te Israel dabego king bidi nigilali dao. Tama nago augwali tonalu, tama augwali tau siyu, te boi bidi dabego augwali dolomainu me egobeo. Tama megi eno te nageba nosali pedelabo sę po nagebolo wainogo ebao. Tama nago te sę dabe pedalubo subaso da, te nago koneao, Genuai Bidigo te nage sa muyu, te aga we bidi dabe tonalumainu nigilali dao. Te e tama tiwai sę dabe dao.

1 Samuel 9:16

“Do te tama tobage tebo sogo, te eno te Benjamin hani bidi me deli te nageba tagala palaibao,” wali. “Tama nago aga toboluba te wel geliyu, te aga te eno we bidi Israel dabego king bidi pedalumainu ilao. Eno suali, te Filistia dabego genuai sęgę me, dene me, te tigidali Israel dabeba mobaso, tama te Israel dabego enaba gela weyu, te eno augwali tau sao po wabo odali. Tama tibaso, te bidigo augwali tau siyu, tama te Filistia dabego bomode bidalubo te ma dobola somainu yaibao,” wali.

Godigo Sęba Tagala Palai Bidigo Po 7:46

Tama Devit agai Godigo bidabo mobo dwagi yai sali. Tama Devitgo agai Godibolo hanalu weyu, te po wali, ‘Eno homugo nage bidabo lotu be sę yagawe?’ olama, hanalu wali. ‘Nage God mu dao, eno wąį Jekopgo nageba lotu po wai dao,’ te po wai.

1 Samuel 2:8

Agai te magi doado bage meniama, te sǫą pabo we bidi dabe tau selama, tama augwali bugagia bidaibao. Tama agai augwali te augwa bulu tǫde te genuai pedelama, bidimainu ilama, tama te we bidigo augwaliba genuai nogi mawaibao. Agai te tama tebo, magi baso meni, te e tǫ tolalubo bomai nai dabe augwali te Genuai Bidigo digi nigilai nai dabe, tama aga digi te nai dabe daide ugwadu te tǫ sese nigilama elalubo dao,” wali.

2 Samuel 23:1

Te e da te Devitgo po silagasu pusali po. “Ena Devit, te Jesigo ogwa, eno te tama po wai. Te Jekopgo Godigo ena te king nigilama, te ena bidibao, tama agai enabolo te we bidi gedude genuai nogi mawai. Tama eno te Israel dabego wabo wiegi yai balia hauwa asęani. Eno te tama po obao.”

2 Samuel 24:17

Devitgo te mobo bidi ensel sulama, tama agai Genuai Bidiba te tama po wai, “Eno naga tama eno te dwai sę yali, tama eno dwai sę genuai yalio. Tiali goli, te we bidi dabe augwali, augwa te mena dwai sę ebaso, tama nago augwaliba te dene maniwe? Nago te ena me, ena we wai, dabolo naga te dene magi sogo da, usu igi tama dao,” wali.

Te Israel me Juda Hani Sigo Tuni Bidigo Po Elalubo Buku Deli 3:6

Solomongo po wei ponoyu, te tama po wai, “Eno aya Devitgo te nage wali mu peyu, tama te wiegi yai doloba pai kolesaga yali, tama tiyu, sesemane sogo nago aga godolo mu elama, tama agaba wiegi yai sę bugagia mu yai. Tama megi me, nago te tiwai sę me idu, tama nago ena, te aga ogwago, te aga hasegelama, tama te king bidimainu ilama bidibo dao.

Tuni Bidi Dabego Po Elalubo Buku Deli 21:17

Tama Devitgo Godiba te tiwai gedu haluasa po wali, “Ena digi eno te po obaso, augwaligo te we bidi dabe nedalio. Eno naga eno te sęgę sali, tama eno dwai sę genuai yalio. Tialima te we bidi augwali hobedagi yali, augwaligo mena sę ebaso nago augwaliba te dwai dene maniwe? Augwali da, augwali te olo bidibo sipsip dabe naga tiwai dao. God, eno Genuai Bidi, nago ena te ena we wai dabe daliba te dene mao, tama nago naga we bidi dabe augwali te dwai gasigo dolomainu sula tagaligio,” wali.

2 Samuel 5:2

Polobadu, Sol te king bidali sogo, tialima naga digi te da Israel ami bidi dabe tonalu, tama augwali te hwįbo madiba odasa peyu yai. Tama Genuai Bidigo nageba weyu, te aga we bidi dabe da tonalubo bidi nage pedelama, tama nage dago king pedelaiba po wai dao,” augwaligo te po wai.

2 Samuel 14:13

Tialima, megi da, te wego po hanilama te Devitba walali, “Magi baso naga digi nago te tobage dwai kolesaga te Godigo we bidi dabeba yai dawe? Naga digi nago te naga ogwa sela sąyu, ela gudulama, tama nago aga ma asomainu ebeo. Tama tialima, megi nago enaba te mani pogo, naga digi naga sęgę elalubo po ilali dao.

Amos 7:15

Tiali goli, eno ena sę idu bidibadi, tama Genuai Bidigo ena tedu selama, enabolo te tiwai po wali, ‘Nage pelama, nago eno po te eno we bidi Israel dabeba pusigi pao,’ wali. Tama tibaso, ena asai dao.