2 Samuel 7:25 - Godigo dwagi yai po buku25 “God, Genuai Bidi, ena te naga sę bidi, megi eno homugo nago enabolo me te eno haniba dąų walali po te tiwai sę pedaliyu, tama nago te tiwai sę sesemane sogo iduao. Gade chapit la |
Ena tau mao. Nago naga dąų wali bomai po te ma homugo koneao. Polobadu nago te po wali, ‘Te eno nage bugagia tonaluaibao,’ wai. ‘Tama eno te nago wąį te wai dabe hauwa menama, tama te bidi dabego augwali nedebo usu me egobeo. Te augwali te węde te masigi sane tiwai pedelaibao,’ nago te po wali,” Jekopgo te po wai.
Tama te we bidi dabego nago te tebo sę ebo dabe sulama, tama sesemane sogo augwaligo nage genuai nogi mayu yaibao. Tama augwa te po weyu, ‘Te Tigidali Bomo Elalubo Genuai Bidi te Israel dabego God da,’ po waibao. Tama nago te eno hani bidi dabede naga te sesemane sogo king bidi pedalumainu ilaibao.”
Genuai Bidigo te bomai po me deli enaba dąų waliyu, tama enabolo te tiwai po wai, ‘Devit, te nago hani ogomanigo te sesemane sogo ena wali pabo bomo eyu, tama augwa homu sese teba muyu, tama eno gedude te bugagia dolo bilibaso da, teda sesemane sogo eno te nago hani me deli te Israelde king pedalumainogo ilaibao.’ Genuai Bidigo te tama po wai. Tama tialima, Solomon, nago agai po tigidali te bugagia wali peyu, tama agai te enaba dąų walali bomai po te togolidali weyu te tama tiao,” Devitgo te po wali.
Tialima, Elkanago Hanabolo te po wali, “Te nago homugo te tiwai ebo wiegi yai da homu ebaso da, teda nage te bulude bidiyu, tama te waigo ame tubo tagalubo si usu nao. Tama Genuai Bidigo te nago dąų walali po te mu pedelama, te agai wali po tiwai gilama emainao,” wali. Tama tiyu, Hana te bulude bidama, tama aga wai bugagia tonaluai.