2 Samuel 7:22 - Godigo dwagi yai po buku

²² “Tigidali Nai Tonalubo God, Genuai Bidi, nage te polalubo bidi mu bidibao! Te nage tiwai me elalubeo. Nage deli te God mu bidibo, te dago nǫų wąį dabego pedauwalide odali po tiwai odobo dao.

2 Samuel 7:22 Referans Kwoze

Godigo Nogi Ugwaba Sabo Tęąbi Po Wabo Buku Dabe 86:10

Magi baso meni, nago naga te genuai bomo elaluyu, tama nago te we bidigo isiąbo genuai sę dabe ebo dao. Tama nago naga te haniani wiegi wiegi yai sę ebo dao. Nagaduba deli naga, nage God mu dao.

Godigo Nogi Ugwaba Sabo Tęąbi Po Wabo Buku Dabe 86:8

Genuai Bidi, te God nage tiwai me deli elalubeo. Te Israel hani isąwai dabego augwa god wabo nai dabe da, augwali te tibo god dabe naga dao. Nago augwali aiyaba elaluai. Tama te bidi me deligo te nago ebo sę tobage tiwai me elalubeo.

Ma Dobola Sali 15:11

“Genuai Bidi Yawe, mena gasa god bidibo te nago bomo tiwai dawe? Me deli menio. Nage te polalubo tuni bidi te nage ugwadu tama tigidali wiegi yai tedali mu dao. Tama niwai bidi te nage dali usu tiwai dawe? Me menio. Nago te bidigo isąwai bomai sę eyu, tama genuai sę ebaso, te we bidi augwali nagede wi mu ebo dao.

Maika 7:18

Genuai Bidi, te god me deli nage tiwai me menio. Nago te naga we bidi dabe, te augwali kalabus igi peyu, meba ma asali bage, te augwaligo sęgę nago sela sądubadi gebao. Nago wado po wabo homu sębę te sesemane me elaludubeo. Menio. Sesemane sogo nago wiegi yai pemene eyu, te da godolo mu eyu, tau sabo dao.

Tuni Bidi Dabego Po Elalubo Buku Deli 16:25

Genuai Bidi te polalubo bidi mu da, tama dago agai nogi ugwaba mu sinao. Te gasa god dabe te Genuai Bidi tiwai me elalubeo. Tama tibaso, da te Genuai Bidi dologoba pelama bidinao.

Aisaia 45:5

“‘Enaduba deli naga ena Genuai Bidi da, te gasa god me bidibeo. Sairus, nago ena konesiąwai, tiali goli te eno naga te bomo nageba mabo dao.

Bomai Po 3:24

‘God, Genuai Bidi, eno koneani, nago enabolo nago genuai yabo sęde te sę dwasianu deli naga me nago enabolo ola manio. Te gasa god dagalude me tǫde me bidibeo, te nago te genuai sę nago polo yali, te sę tiwai yabo.

1 Samuel 2:2

Genuai Bidi, nago kolesaga te gasagi yai tedali mu ebo, tama nage wiegi yai gagawai, tama nage tiwai bidi tobage bidi me deli me elalubeo. Mu menio. Nago tigidali mu aiyaba elaluai. God, nage deligo te da tudi badu pogalu, tama da tau sobao. Te niwai bidi me deligo te nago ebo tiwai gilama me egobeo, te dago God nage naga dao,” wali.

Godigo Nogi Ugwaba Sabo Tęąbi Po Wabo Buku Dabe 89:8

Genuai Bidi, nage te Tigidali Bomo Elalubo God dao, te me deligo nago te genuai bomo tiwai me elalubeo. Nago naga po sesemane sogo wali peyu yaibao. Nago po me hasegelama eyu, me egobeo.

Godigo Nogi Ugwaba Sabo Tęąbi Po Wabo Buku Dabe 89:6

Genuai Bidi, te dagalude nage tiwai tobage me deli me elalubeo. Te ensel me te nage tobage tiwai deli me menio.

Godigo Nogi Ugwaba Sabo Tęąbi Po Wabo Buku Dabe 96:4

Genuai Bidigo te genuai nogi elalubao. Dago agai nogi ugwanu mu sidu geao. Da te tibo god dabe wi me igio. Dago te Genuai Bidide naga wi yao.

Bomai Po 4:35

Genuai Bidigo te sę dabe ola mani da, teda dagego konemainu te yali dao, te aga deli digi naga God bidibao olama konemainu te yali dao. Tama te gasa God me bidibeo. Mu menio.

Aisaia 40:18

Tama tialima, God te de mu tiwai dawe? Te elalubo nai me deli te God tonobo tiwai ebo da, agawe?

Godigo Nogi Ugwaba Sabo Tęąbi Po Wabo Buku Dabe 48:1

Genuai Bidigo genuai nogi elalubao. Da te Godigo bulu duba holinao, tama agai taun tomoba pelama, tama dago agai nogi ugwaba mu sinao.

Godigo Nogi Ugwaba Sabo Tęąbi Po Wabo Buku Dabe 145:3

Genuai Bidigo genuai nogi elalubo, tama dago agai nogi ugwaba mu sidu geao. Agai ugwanu mu elaluyu, tama dago agai genuai nogi tigidali koneainogo ebo te usu me egobeo. Magi baso meni, dago homu kolesaga te habuge dao.

Godigo Nogi Ugwaba Sabo Tęąbi Po Wabo Buku Dabe 135:5

Eno koneani, Genuai Bidigo nogi te genuai mu elalubao, tama aga te tibo god tigidali daide ugwadu aga bidibao.

Godigo Nogi Ugwaba Sabo Tęąbi Po Wabo Buku Dabe 44:1

God, te dago wąį nǫų dabego te nago polobadu bomai sę yali po te dabolo pusali, te augwali tǫde bidali sogo. Tama dena digi te po wabo odai dao.

Esekiel 36:22

“Tama tibaso, eno homugo Esekiel, nago eno te po Israel dabebolo pusa mao, ‘Ena God Genuai Bidi, eno po te tama te wali dao. Te gasa meba hanigo dage augwali tomode bidibo sulama, tama augwaligo eno nogi aiyaba elaluali. Tama tialima, eno te megi yainogo ebo sę dabe te eno dage Israel dabe kone palama, me yainu ebeo. Eno dage tobade te sę egobeo. Menio. Eno ena genuai nogiba kone palama, tama eno nogi tobade eno te sę yaibao.

Aisaia 45:22

“Dage tigidali bulu tǫ habu we bidi dabe, dage enaba asiąo, te dage bugagia bidaibao, magi baso meni, enaduba deli ena God, te gasa god munu me bidibeo.

Aisaia 45:18

Genuai Bidi naga te God. Agai te dagalu dali, tǫ dali si nigali bomo mu pedelali. Agai te tǫ olo elalumainu nigibeo. Menio. Agai te tǫ page bugagia dodolama, tama tigidali nai tede elalumainu nigali. Agai te tiwai po obao, “Enaduba deli naga ena Genuai Bidi, te gasa god munu me bidibeo.

Aisaia 40:25

“Ena Genuai Bidi, ena te Wiegi Yai Doloba Pai Kolesaga Tigidali Ebo God dao, tama ena tiwai de dawe? Te eno kolesaga ebo tobage kolesaga ebo bidi tiwai me deli elalu, bidibawe?”

Tuni Bidi Dabego Po Elalubo Buku Si 2:5

Tama eno genuai be mu sę yaibao. Magi baso meni. Dago Godigo genuai nogi mu elaluyu, tama me genuai bomo mu elaluyu, tama agai gasa meba god dabe edelama aiyaba elalubao.

Bomai Po 32:39

Dagego mu koneao, ena deli ena God mu dao. Tama ena tiwai god me menio. Eno bidi dabebolo bidibo ula mabo dao, tama eno bidigo bidibo ula ma sela sąbo dao. Eno bidi mu dolama, tama eno aga ma usu ilibo dao. Eno magi sę me yainogo da, teda eno yaibao, te bidi mego ena hagegobeo.

Esekiel 36:32

“‘Awe, dage Israel we bidi, dagego God Genuai Bidi eno po bugagia odiąo. Te sę page mu eno yainu ebo sę eno dage tobade egobeo. Menio. Eno homugo ena genuai nogiba kone palama yaibao. Tama eno te sę dabe ebo sogo da, eno homugo dagego duga yali dwai kolesaga kone palama, tama dage hale dwai mu yaibao.’ Te po wao.”

Ma Dobola Sali 10:2

Tama eno te sę ebaso, te dagego duga wai dabebolo, me te dagego wąįgo wai dabebolo te eno te bomai sę Isip tomode yali po weyu, tama te Isip bage augwalibolo eno te bidigo isiąbo bomai sę eyu, tama augwaligo homu kolesaga aiyaba mu elaluali. Tama dage Israel dabe tigidaligo te sę ebo koneyu, tama ena digi ena te Genuai Bidi Yawe da, te me dagego mu koneaibao,” Genuai Bidigo Mosesbolo te po wai.

Ma Dobola Sali 8:10

Tama tuni bidigo te po wai, “Gedu haluasa po do wagameo.” Tama Mosesgo te po wali, “Te eno nago po wabo gilama tama tiaibao, tama nago koneyu, te God tiwai Genuai Bidi Yawe me deli meni yai, te aga dago God dao.

Ma Dobola Sali 9:14

Tama nago te we bidi tagala palisiąbaso da, megi eno nagebolo dali, te nago sę ebo tobolu bidi dabe me, te nago we bidi dali, dageba te dene ilibo sę dabe mu mawaibao. Tama dagego te tigidali tǫ habu badu te bidi me deli, me te tibo god te ena tiwai me bidibo meni, te megi dagego mu bugagia konea saibao. Ena te God mu dao.

Te Israel me Juda Hani Sigo Tuni Bidigo Po Elalubo Buku Deli 8:23

tama gedu haluasa po te tiwai wali, “God, Israelgo Genuai Bidio, te nage tiwai god me deli te dagalu ugwadu ma te tǫ aiyadu me bidibeo. Tama da te nago gedude bugagia bilibaso da, tama te dwai kolesaga me yabo homu isiąyu ebaso da, teda nago te naga sę ebo bage da dali te dąų wali bomai po te bugagia wali pomainu elama, tama sesemane sogo nago da godolo mu ebo dao.

Daniel 2:45

Nago suali, te masigi olodali aluasa dulu te tulaluama, tama te piksa augwaligo te ain, me bras, me tǫ, silva, gol, te tama naigo nigali piksa elibo suai. Te masigi te Godigo bomo tiwai nigali. Te Godigo genuai nogi elalubao, agai nageba te nosali pedelabo nai dabede sę ola mawai. Te nade nago te suali nai dabede te sę te eno nagebolo wali po gilama te tiwai sę dolo mu pedelaibao,” Danielgo te po wai.

Ma Dobola Sali 8:6

Tama Arongo nogo dodolama, tama dono ugwaba selama, tama te wę dabe dąį ilai. Tama te gedeli dabe pedelama, tama Isip bagego tǫ tigidali pągąna sai.

Bomai Po 4:39

Tama tialima, dagego te tiali sę gegeda pelamuo. Genuai Bidi aga te dagalude me tǫde God dao. Tama te gasa God me menio. Mu menio.

2 Samuel 22:32

“Genuai Bidi naga te God mu da. Agaduba deligo naga da, te genuai masigigo bagualubo tiwai elalubao.