2 Samuel 7:18 - Godigo dwagi yai po buku

¹⁸ King Devitgo Godigo te wali po dabe oda silama da, teda aga te Genuai Bidigo ugwa be tomoba pelama, tama te Genuai Bidigo geduba duagi pelama, tama te tiwai gedu haluasa po wali, “Tigidali Nai Tonalubo God, Genuai Bidi, nago wiegi yai kolesaga hauwa enaba yali. Tiali goli, ena dali, te ena hani sibi dabe, da de dawe? Da te nogi meni yai bage naga dao. Da wiegi yai baso tama nago te tiwai sę me ebeo.

2 Samuel 7:18 Referans Kwoze

Godigo Nogi Ugwaba Sabo Tęąbi Po Wabo Buku Dabe 8:4

eno midigi siyu, tama homu ebo da, ‘Da tǫde bidi te magi nai, tama nago dade homu kone ebo dawe? Da te olo nai tiwai da. Magi baso nago da te bugagia tonalubo dawe?’

Tuni Bidi Dabego Po Elalubo Buku Deli 17:16

King Devitgo Godigo te po dabe wali odobo si da, tialima aga te Genuai Bidigo sel ugwa be tomoba pelama te Genuai Bidigo geduba duagi pelama, te tiwai gedu haluasa po wali, “God, Genuai Bidi, nago te wiegi yai kolesaga hauwa enabolo yalio. Tialima ena dali te eno we wai da hani sibi, da te wiegi yai mu bidibaso nago te tiwai sę ebeo.

1 Samuel 18:18

Tialima, Devitgo Solgo te tama po wabo odama, tama po wei ponoyu, te tiwai po wai, “Tagalao, eno aga me sogobeo. Ena te olo bidi naga dao. Tama ena hani sibi dabe te nogi me elalubeo. Tama tiyu, eno nago wegi me sogobeo,” wali.

Tigidali Nai Gagalama Nigali Side 32:10

Ena nago sę bidi da. Ena wiegi yai bidi meni goli, tiali goli nago wiegi yai kolesagago ena olo tau sali, tama nago ena dali homugo kęą pai kolesaga eyu, tama enade wiegi yai sę mu yai. Te polobadu ena te wę Jordan nogeali sogo, te eno nogode magi nai me elalubeo. Eno peyu tolasa pabo dono naga elaluali. Tiali goli, megi ena te e hani si dali ma asobao.

Ma Dobola Sali 3:11

Tiali goli, Mosesgo Godibolo te po wali, “Ena magi yai bidi, tama ena te Isip tuni bidiba pobaso da, eno te Israel we bidi te Isip bulu tagalama, odasa asobo usu egowe?”

1 Samuel 15:17

Tialima, Samuelgo Solba te tiwai po wai, “Polobadu naga homugo nage te olo nai tiwai homu yali, tiali goli nage te da Israel hanigo polalubo tobolu bidi pedelali. Genuai Bidigo digi nage sa munama, tama nage te king bidi pedelai dao.

Efesus 3:8

Tama Kraisgo we bidi tomode te eno nogi augwali tigidali dologode elaluali goli, God agai enabolo olo tau sabo kolesaga eyu, tama agai ena te wiegi yai po pusubo sę gasa we bidi, te Juda hani isiąwai we bidi augwalibolo te po pusumainogo ena te sęba muai. Tama te wiegi yai po page hagede eno augwalibolo te tobage po pusubo dao, te Krais agai da dali ebo olo tau sabo kolesaga te moni genuai mu, tama bidigo te kolesaga konemainogo eyu gegebo usu egobeo.

Te Israel Tobolu Bidi Dabe 6:15

Tama Gideongo te tiwai po wei ponani, “Tiali goli, Genuai Bidio, te eno Israel dabe mena tama ma dobola sogowe? Eno hanigo bomo menio. Te gasa Manasego hani dabego da aiyaba elaluali. Tama ena da, te ena hanide te olo nai tiwai elalubao,” wali.

1 Samuel 9:21

Tialima, Solgo Samuelbolo te tama po wai, “Ena te Benjamingo hani bidi, tama eno hani te dwasianu hani naga te Israel dago hani tomode elalubao. Tama eno ayago hani sibi te Benjamingo hani tomode nogi me elalubeo. Tama teyu, magi baso nago te tiwai po enabolo obawe?”

Aisaia 37:14

King Hesekiago te pas te Senakeripgo tagala palali bidi dabego nogode salio. Te pasde po agai nedama, tialima agai te Genuai Bidigo tempel be tomoba sela palio. Tama agai te pas te Genuai Bidi bidibo gesabidi badu pąde muani, te agai dinigilama, bugagia dodolama, muai.

2 Samuel 7:17

Tama Natango Genuai Bidigo te wali po dabe odama da, teda tama aga pelama, te Genuai Bidigo te agaba ola mani po dabe tigidali te Devitba wagi palio.

Tigidali Nai Gagalama Nigali Side 32:11

Eno nageba gedu haluasa po obao, nago ena tau selama, te eno ama Isogo bomo aiyaba tamunao. Magi baso meni, ena wi ebo, tiyu agai da dali wąbi hwįagasiyu, tama da tigidali silama, te we wai dabe dali silaibao.

Rutgo Po Elalubo Buku 2:10

Agai po silibo si, tama Rut aga tobolu tǫba mu aiyaba pǫgųlali, te tiwai agai te Boas aga digi aga homu pemene wiegi yai mu emainu te agabolo ola mani. Tama agai Boasbolo te po wali, “Ena gasa bulu we dao. Magi baso nago homugo ena koneama, tama nago wiegi yai sę enabolo bugagia ilibawe?”

2 Samuel 23:5

“Tama Godigo te eno hani sibi bomo ilama, bidimainu ilali, magi baso meni, agai te bomai po me deli te ena dali dąų wali, tama agai te dąų wali po te togolama, me ma bologobeo. Menio. Teda te dąų wali po te sesemane sogo elalueibao. Te eno godolo ebo nai tigidali, te Godigo ena mawaibao. Tama agai te ena te sesemane sogo ugwaba ela holomainu ilali.

Tuni Bidi Dabego Po Elalubo Buku Deli 29:14

Ena dali, te eno we bidi hani dabe dali, dago te tiwai po weyu dago nagebolo te mani nai dabego aya mu da dao po obaso usu egobeo. Menio. Da te olo bidi naga tama, te nai me deli te dena nai dabe dolo mu me elalubeo. Te tigidali nai nago nai naga da. Hasia bolo nago dabolo mani, te megi dago nageba ma mobao.