2 Samuel 6:18 - Godigo dwagi yai po buku

¹⁸ Augwa te ofa ela silibo si da, teda Devitgo te we bidi dabeba te tiwai po wai, “Te Tigidali Bomo Elalubo Genuai Bidigo te dage wiegi yai bugagia ilimainu yao,” wali.

2 Samuel 6:18 Referans Kwoze

Tuni Bidi Dabego Po Elalubo Buku Deli 16:2

Devitgo te ofa dabe ela silama da, teda agai te tiwai po te we bidi dabeba wali, “Eno homugo te Genuai Bidigo wiegi yai sę dagebolo emainao,” wali.

Te Israel me Juda Hani Sigo Tuni Bidigo Po Elalubo Buku Deli 8:55

tama agai bomonama i weyu, te tigidali we bidigo bugagia odomainu yali, tama agai Godiba hanaluyu, te Israel we bidi tigidali bugagia wiegi yai ilao po hanalu wai. Solomongo te tiwai wali,

Godigo Sęba Tagala Palai Bidigo Po 3:26

Tama te sę emai hagede, Godigo aga sę ebo bidi sa munama, dabolo hasia tagala palali. Agai homugo dage tigidaligo dwai kolesaga tagalama, dage bugagia bidaibao,” Pitago te po wai.

Tuni Bidi Dabego Po Elalubo Buku Si 30:27

Tama nosali te Livai hanigo pris bidi dabe doligiluama, tama Godibolo te we bidi wiegi yai sę ilao olama hanalu wali. Tama God dagalude bidiyu, aga wiegi yai bulude bidiyu, tama agai te pris dabego gedu haluasa po wabo odali.

Tuni Bidi Dabego Po Elalubo Buku Si 6:3

King Solomon aga gedu haluasa po ola silama, begelama subadi, tama agai te we bidi dolalubo suali. Tama agai Godibolo augwali dali wiegi yai sę yao po hanalu wali.

Te Israel me Juda Hani Sigo Tuni Bidigo Po Elalubo Buku Deli 8:14

King Solomongo gedu haluasa po olama da, teda aga begegi solama, tama te we bidi dabeba tonagasu, tama Godiba hanalu, te augwali bugagia wiegi yai ilao po wali.

Ma Dobola Sali 39:43

Tialima, Mosesgo augwaligo te nigali nai tigidali bugagia tonono bilama, osola sulama, tama agai koneani, te Genuai Bidigo agabolo po weyu, te nigao wali nai te tigidali te tiwai naga nigai. Agai sulama, tama agai augwalibolo te po wai, “Genuai Bidigo wiegi yai sę bugagia mu dagego te sę yalio. Tama tibaso, eno homugo agai dage dali dwagi yai sę emainao,” Mosesgo te po wai.

Tigidali Nai Gagalama Nigali Side 14:19

Tama Melkisedekgo dwagi yai po e tiwai te Abrambolo wali, “Eno homugo te God Ugwadu Mu Bidibo Bidigo te dagalu dali tǫ dali nigali, agai te wiegi yai sę nage dali yao.

Josua 22:6

Tama Josua te wiegi yai po mobo augwali menama, tama agai augwali te Jordan wę boloyu, augwa beba ma pomainu tagala palali.

2 Samuel 6:19

Tama Devitgo te we bidi tigidali nai mani. Te tigidali we me bidi deli deligo te bret deli me, augwa te siade ulai sipsip kibu mi me, te augwa te siade olali wain wai duani me, te augwa salio. Augwa te selama da, teda augwa pesageba digi ma geasa peyu yai.

Te Israel me Juda Hani Sigo Tuni Bidigo Po Elalubo Buku Deli 8:15

Tialima, agai te tama po wali, “Te Godigo nogi ugwaba sao,” wali, “te Israel dabe dago Genuai Bidi dao. Magi baso meni. Aga digi agai te eno aya Devit dali dąų wali po te bugagia wali pali. Devitgo homugo te we bidi God pąba sisinagasabo be me deli sę emainu homu yai, te dago Genuai Bidi, te agaba lotu po omainu yali. Tiali goli, Genuai Bidigo agabolo te tama po wai, ‘Te eno ena we bidi te Isipde gagalasa sela asali, te megi sogoba usu nagasu, eno te Israel dabe augwaligo enaba lotu omainu ebo be sę yabo te hani me deligo hanu me deli te eno sa me musiąwai dao. Tiali goli, Devit, eno nage sa muani, te eno we bidi nago tonalumainu yali. Nago te eno genuai be me deli sę yabo homu ebo, tama nago te ebo homu te wiegi yai homu dao.

Tuni Bidi Dabego Po Elalubo Buku Si 31:8

Tama nosali Hesekia me te tobolu bidi dabe augwaligo te nai dabe sugi pali, te we bidigo sesali nai dabe, tama augwaligo Genuai Bidigo nogi ugwaba siyu elama, tama augwaligo te Israel we bidi dabe dali wiegi yai homu pemene yali.

Godigo Nogi Ugwaba Sabo Tęąbi Po Wabo Buku Dabe 129:8

Tama te we bidi dabe augwali pąba pobaso, te augwaligo te tama po me wagobeo, “Te dago homugo Genuai Bidigo nage wiegi yai sę yaibao. Te Genuai Bidigo nogide, dago dagebolo te tobage wiegi yai po mobao,” augwaligo te tobage po wagobeo.