2 Samuel 6:14 - Godigo dwagi yai po buku

¹⁴ Devitgo te prisgo bebo ugwa me deli gudali, te augwa sawi yai name ugwago nigai. Tama aga tęąbi eyu, tama sasa mano pali, te Genuai Bidigo nogi ugwaba siyu tiai dao.

2 Samuel 6:14 Referans Kwoze

1 Samuel 2:18

Augwali sigo te tobage dwai sę tama yali, tiali goli, te sogo me te gesi ogwa wai Samuelgo te Genuai Bidigo sę eyu, tama agai te prisgo sę ebo ugwa gudama, te sę yai.

Ma Dobola Sali 15:20

Tama nosali, Genuai Bidigo po pusubo we Miriam, te Aron aga abe, agai te dwasianu kilikili wabo habili tiwai nai musik sali, te tigidali we dabego me te tobage habili tiwai nai musik selama, te Miriam pabo wali pai. Tama augwaligo te musik dabe eliyu, tęąbi eyu, tigi bebege eyu, danis me yai.

Godigo Nogi Ugwaba Sabo Tęąbi Po Wabo Buku Dabe 150:4

Te tamborin eliyu, te tęąbi weyu, tama aga nogi ugwaba sao. Te gita eliyu, tama te ona eliyu, tama aga nogi ugwaba sao.

Godigo Nogi Ugwaba Sabo Tęąbi Po Wabo Buku Dabe 149:3

Dagego tęąbi weyu, aga nogi ugwaba sao. Mu tama, te habidi dabe, me taborin, me gita, te tama eliyu, te agai nogi ugwaba sao.

Te Israel Tobolu Bidi Dabe 11:34

Tama te Jepta aga bulu te Mispa teba ma begasa asobadi, te aga wegi te bede bidali taga soyu, te aga tiąba asai. Agai homu te wiegi yai pemene elama, tama dwasianu habidi elala asobo sę yai. Tama Jeptago wegi te deli naga tama bidai. Te agai gasa wai me mu meni yai dao.

Kolosi 3:23

Tigidali sę dagego ebo, te sę dagego bomo elama yao. Tama dagego duga sę ebadi e homu yao, “Eno e sę ebo, te bidi naga tau siyu ebo menio, te eno e sę ebogo te Genuai Bidi Krais tau sabo dao,” te homu yao.

Godigo Nogi Ugwaba Sabo Tęąbi Po Wabo Buku Dabe 30:11

Nago eno homu sęgę elaluali te sela sąnama, tama nago ena te wiegi yai homu pemene tęąbi po omainu yali. Hasia ena te bidi isaide gela wabo bidi tiwai yali. Tiali goli, nago eno gela wabo hasegelama, tama eno homu pemene wiegi yai mu ilali.

1 Samuel 2:28

Tama dage te Israel hani tigidali tomode, eno te Arongo hani deli selama, tama augwali eno pris bidi hani nigilali. Tama augwaligo te altade te denami ilibo pauda hano ilibo sę emainu yali, tama ena pąba asobo sogo te prisgo gudubo ugwa gudama, asu yao wali. Tama eno po weyu, augwa te Israel dabego te ofa yainu altaba selasa asobo nai dage te augwa tuao po wai dao.

Dwagi Yai Gesi Po Lukgo Asęani 15:25

“Te bidigo gomunai ogwa gide bidali, te i badu bidi beba asali sogode. Tama te gomunai bidi aga be pąba asiyu, te tęąbi eyu habidi elebo odali.

Kolesaga Koneai Bidigo Pusali Po Elalubo Buku 9:10

Te nago sę me deli ebaso da, teda nago sągą dili tǫde dąų walama dolalu, te sę mu tama yao. Magi baso meni, te nago sę me isiąyu, ma homu kolesagade kone paliyu, ma te wiegi yai homu kolesaga konea sabo sę te isali bidi dabego bulude me egobeo, te nage pabo bulude te tama sę dabe me egobe dao.

Tuni Bidi Dabego Po Elalubo Buku Deli 15:27

Devitgo te bobobage aiyaba tagalalubo ugwa augwaligo te gasa sawi yai nami ugwago nigai ugwa au yalio. Te Dąų Wali Bomai Po Munalubo Halobage tolobo pris dabe me te musik wabo prisgo me, te Kenaia, te sę tonalubo bidi, tigidaligo te Devitgo gudali ugwa au yali tiwai tobage au naga yalio. Te bobage ugwa daide ugwadu, Devitgo te prisgo gudubo nami ugwa me deli te muani, te augwa gasa sawi yai nami ugwago nigai dao.

1 Samuel 22:18

Tama tialima, Solgo te Doekbolo weyu, “Nage pelama, augwali ela mugi pao,” wali. Tialima, Doek pelama, te pris dabe tigidali ela muani. Te side agai te Genuai Bidigo pris bidi dabe te bidi sese me si me si olama, a naga, te 85 bidi elali, te bidi dabe augwali te prisgo gudubo ugwa mumainu nigilali bidi dabe dao.

Te Israel Tobolu Bidi Dabe 21:21

tama tonaludu yao. Te genuai nai daa tubosi pedalubo sogo tama te Silo hanu gesi wegi ogwa we dabe sabolama, te tęąbi ebaso da, teda dage pedelama, tama dage deli deligo te wegi mani deli deli pageabi yao. Tama duga te we dabe selama, tama duga bulu tǫba ma piagameo.

Bomai Po 6:5

Dagego God dago Genuai Bidi deli naga godolo mu iyąo. Dagego aga te duga haligade godolo eyu, me dagego homu kolesagade godolo eyu, me dagego bomogo dali mu aga godolo iyąo.

Ma Dobola Sali 19:6

Tama dage eno te pris sę ebo tuni we bidi hani bidibo tiwai yaibao. Tama dage te eno tedali we bidi mu bidaibao.” Genuai Bidigo Mosesbolo te po te we bidi dabe augwalibolo mao wai.

Ma Dobola Sali 15:21

Tama Miriamgo tęąbi e tiwai augwalibolo wali, “Genuai Bidibolo tęąbi wao, magi basowe, agai genuai wąbi mu hwįani aiyaba elaluai. Agai te hos dabe dali, te hosde duayali bidi dali, augwali te tamu ąį tomoba sąwai dao.”

2 Samuel 6:15

Tama te tama kolesaga yaligo te Devit dali te tigidali Israelgo te Genuai Bidigo Dąų Wali Bomai Po Muani Halobage te Jerusalemba selasa soali. Augwa wiegi yai homu pemene eyu, tama i weyu, tama te bu wabo nai biugel dali pomono pai dao.

2 Samuel 6:20

Tama Devit aga beba ma pelama, te aga hani sibi wiegi yai ilimainu, te Godiba hanalugi peyu pali. Tama Mikal te bedu buluba dia solama, tama aga dali deliba gesabidi ilama, tama agai te po wali, “Ae, te Israel kingo te aga genuai nogi ola mayu, tama te bugagia sasa mano pali. Tama aga ofisa dabego olo sę ebo we dabego gedude te aga hale gagolobo sę ebo sumainu yalio. Nago te tama tiali, te homu kolesaga meni yai bidigo ebo tiwai yali dao,” te we Mikalgo te po wali.

Godigo Nogi Ugwaba Sabo Tęąbi Po Wabo Buku Dabe 87:7

Tama te Jerusalemde bidali we bidi dabe, te augwaligo tęąbi weyu, wiegi yai pemene yaibao. Tama augwa te tama po waibao, “Jerusalem da, te nago dolo mu tama, tama nage te wiegi yai kolesaga tigidali ebo page mu dao,” waibao.

Esekiel 46:10

King aga eno obo tomoba te we bidi tomoba tula pabo sogo tula peyu emainao. Tama agai te we bidigo te obo taga soabode, agai me taga somainao.