2 Samuel 6:10 - Godigo dwagi yai po buku

¹⁰ Tama tibaso, Devitgo te halobage te Devitgo taunba sela pabo hagela homu yali, te Jerusalem, tama aga te Jerusalemba pabo sunumi tagalama, tama te halobage te Get taun bidi me deli, te Obetidomgo beba sela pali.

2 Samuel 6:10 Referans Kwoze

Tuni Bidi Dabego Po Elalubo Buku Deli 16:5

Devitgo te hanigo tobolu bidi te Asap dąį ilali, te Sekaraia te Asap tudi badu daganalubo si wali bidi da. Te gasa bidi meba nogi e tama da, Jeiel, me Semiramot, me Jehiel, me Matitia, me Eliap, me Benaia, me Obetidom, me gasa Jeiel da. Te bidi dabego sę da te gita elebo sę elaluali. Te Asapgo te brasgo nigali pou pletba elebo sę yai dao.

2 Samuel 18:2

Tama agai aga ami bugulama, te genuai hani sela nigilama, tama Joapgo te hani me deli tonalu, tama Abisai, te Joapgo amago, te hani me deli tonalu, tama te Get bulu bidi Itaigo te hani me deli tonalu yali. Tama Devitgo aga hani ami bidi dabeba te tama wai, “Te ena digi ena me te hwįboba dage dali paibao,” wali.

2 Samuel 15:19

Tama kingo te tama po Itaibolo wai, te Get hanu ami bidi augwa polalubo bidibolo, te tama po wai, “Magi baso nage te da dali painogowe? Nage te ma geasa pelama, tama te king Apsalom dali bidigi pao,” wai. “Magi baso meni, nage te gasa badu bidi dao, tama nage eba bidagasali, te naga bulu tǫ pedai digibulu taga soyu, bidagasai dao.

2 Samuel 4:3

Te Berot taun bulu bidi hani bage mu te wi pelama, tama megi da augwali te bulu Gitaimde bidiba, te augwa page bulu me menio wai.

Josua 19:45

Jehut, Beneberak, Gatrimon,

2 Samuel 5:7

Tiali goli, augwaligo po te geda muani, magi baso meni, Devit dali, te aga ami bidi dabe dali, hwįgi pelama, tama te bomai masigigo bagulai obo elaluali taun salio. Te taun nogi Saion, te Jerusalem bulu me badu pedai dao. Tiali goli, nosali te we bidi dabego te tiwai nogi polali, Devitgo Taun da wali.

2 Samuel 5:9

Tama nosali, Devit te Saionba bidigi pelama, tama te taunba te tiwai nogi mawai, Te Devitgo Taun da wali. Tama Devitgo te po wali, tama te sę bidi dabego te taun bagulama, be dabe sę yao po wai. Augwaligo te be dabe sę ebo gagalu, te tǫgo pągąnani bulu me deli odogode te be dabe sę yani.