2 Samuel 5:7 - Godigo dwagi yai po buku

⁷ Tiali goli, augwaligo po te geda muani, magi baso meni, Devit dali, te aga ami bidi dabe dali, hwįgi pelama, tama te bomai masigigo bagulai obo elaluali taun salio. Te taun nogi Saion, te Jerusalem bulu me badu pedai dao. Tiali goli, nosali te we bidi dabego te tiwai nogi polali, Devitgo Taun da wali.

2 Samuel 5:7 Referans Kwoze

Te Israel me Juda Hani Sigo Tuni Bidigo Po Elalubo Buku Deli 2:10

Tama nosali, Devit isilama, tama augwaligo aga te Jerusalemde pubulali, te hanu pedai augwa te tama nogi poali “Te Devitgo Hanu da,” wali.

2 Samuel 6:16

Te halobage augwa te Devitgo taun tomoba sela asali sogo, Mikal, te Solgo wegi, te sigi be windodu aba tonalubadi, tama augwali suali. Tama agai te aga bidi suali, te king Devit, te tęąbi eyu, te sasa mano bilu, te Genuai Bidigo nogi ugwaba sali. Tama Mikalgo Devitgo te tama tebo kolesaga te aga hagela homu yai, tama aga haliga dwai aga dali yalio.

2 Samuel 6:12

Tama nosali, king Devitgo te tama po odali, Genuai Bidigo te Obetidom dali te aga hani sibi me tigidali doado bage te wiegi yai bugagia ilibo po wali, magi baso meni, te halobage augwali dali munaluai. Tama tialima, Devit te Obetidomgo beba pelama, te Godigo halobage te Jerusalemba selasa asainu yai. Tama te we bidi dabe augwa homu wiegi yai pemene mu yai.

Kraisgo Geme Dualali Sę Pedelabo Po Jonbolo Ola Mani 14:1

Te eno ma tonono ebadi, te eno te Kibu Sipsip Wai te Saion bulu dude dolaluali, tama we bidi hauwa umabo mu te 144,000, augwali aga dali dolalubo eno suali. Tama te Kibu Sipsip Waigo nogi dali te aga Ayago nogi dali si, te nogi te we bidi gebode asęai elaluali.

Hibru 12:22

Tiali goli dage, dage te tiwai naiba me asobeo. Menio. Dage te Saion bulu duba asai dao, tama te bidibo ula mabo God bidibo moni hanu te dao. Te bulu da te dagalude elalubo Jerusalem hanu dao. Te moni umabo ensel mobo bidi dabe augwali sisinama te wiegi yai homu pemene ebo madi, teba dage asai dao.

Polgo Po Pas Rom Dabeba Asęani 9:33

Te tiwai po me deli te Godigo po bukude polobadu asęani, te po e tama wai, “Odao. Te Saion hanude eno te bidi sągą dani tuą palama tulaluabo masigi me deli mubao. Eno te bidi me deli tede mubao, tama we bidi augwaligo aga dali dwai homu yaibao, te augwali dani tuą palama tulaluabo masigi tiwai dao. Tama tiali goli we bidigo agaba konealubo po dąų wabo bage, agai augwali tau mu sabo usu mu yaibao, te augwali tulaluama hale me sogobeo,” te po asęani.

Maika 4:2

Tialima, augwa te po waibao, “Asiąo, da te Saion bulu duba holinao, te Genuai Bidigo bulu du dao. Da te Israelgo Godigo beba pelama, te agai dago emainu homu ebo kolesaga ola momainao, tialima te aga digi sa muani sunumidu da bilaibao.” Augwaligo te po waibao. Te magi eyu, augwaligo te tama po waibawe, Jerusalem da, te Genuai Bidigo agai bomai po te we bidi dabe ola mayu, te agai po augwaliba pusa mabo pesage dao.

Aisaia 59:20

Genuai Bidigo te po wai, “Ena te dage posolalu, te dage tau sabo God, ena te Jerusalemba aselama, te tigidali we bidi te Jekopgo hani te augwa dwai kolesaga ebo tagalali bage ma sagasaibao.

Aisaia 12:6

Israel dabego God aga te Wiegi Yai Doloba Pai Kolesaga Naga Ebo God dao. Aga genuai nogi elalubo. Tama aga dage Saion we bidi dabe dali bidibao. Tama tibaso, dage wiegi yai homu iyąo. Tama i bomona weyu, agaba balia po wao.” Te aga hani we bidi ma sisinibo sogo dagego te balia po waibao.

Godigo Nogi Ugwaba Sabo Tęąbi Po Wabo Buku Dabe 132:13

Genuai Bidigo te Saion sa muanio, tama aga tede sesemane bidainu yai.

Godigo Nogi Ugwaba Sabo Tęąbi Po Wabo Buku Dabe 87:2

Genuai Bidigo Israelde gasa tigidali elalubo bulu te wei homu yali, tiali goli agai te Jerusalem te wei mu yai dao.

Godigo Nogi Ugwaba Sabo Tęąbi Po Wabo Buku Dabe 51:18

Naga homu kolesagago digi, te Saion we bidi dwagi yai homu ma ilao. Naga digi Jerusalem genuai hanu moni masigigo nigali obo ma dodolao.

Godigo Nogi Ugwaba Sabo Tęąbi Po Wabo Buku Dabe 48:12

Dage we bidi, dage te Saion bulu dude biliyu, tama te taun obo baguliyu, tama tede elalubo bobobage be taua dabe nedao.

Godigo Nogi Ugwaba Sabo Tęąbi Po Wabo Buku Dabe 9:11

Genuai Bidi God te Saion hanude king bidibao. Dagego te aga nogi ugwaba siyu, te tęąbi waiyąo. Tama dagego te tigidali Israel hani isąwai bidiba po hanilama weyu, te agai yali tigidali bomai sę po waiyąo.

Godigo Nogi Ugwaba Sabo Tęąbi Po Wabo Buku Dabe 2:6

Tama te agai augwaliba te tama po obao, “Ena eno te bidi me deli nigilama, te king bidimainu yai, tama eno aga te Saionde munama bidimainu yali, te eno tedali gasagi yai wiegi yai bulu du dao,” agai te po obao.

Tuni Bidi Dabego Po Elalubo Buku Si 24:16

Tama te we bidi augwaligo te Jehoiadago Godigo gedude wiegi yai sę dabe yali kone palali. Agai te we bidi tau sabo sę hauwa mu eyu, me Godigo be tau sabo sę me hauwa mu yali. Tama tibaso, augwaligo aga te king dabego gų pagede pubulali, te Devitgo Taunde.

Tuni Bidi Dabego Po Elalubo Buku Si 5:2

Te king Solomongo te tigidali genuai wąįgo hani tobolu bidi dabeba, me te dwasianu hani wai dabebolo me, agai augwali te Jerusalemba sisinagasao po wali. Agai homugo augwali te Devitgo hanu Saionba painogo homu yali, te da te Jerusalem hanu pedai me deli dao. Tama te Dąų Wali Bomai Po Muani Halobage, te selama tama Genuai Bidigo tempel beba sesemainao homu yali.

Tuni Bidi Dabego Po Elalubo Buku Deli 11:7

Tama nosali Devit pelama, te Saionba bidigi pai. Tama tialima, te we bidi augwaligo te taun nogi e tama wali, Devitgo Taun Dao.

Te Israel me Juda Hani Sigo Tuni Bidigo Po Elalubo Buku Deli 8:1

King Solomongo te tigidali te Israel dabe te polalubo bidi tigidali dali, te tigidali hani sibi tobolu bidi dabe dali, te genuai haniba po ola tolali, tama te dwasianu hanigo tobolu bidi dabeba me po weyu, tama agai augwaliba po waliyu, te augwali aselama, te aga bidibo Jerusalemba sisinagasao po wai. Agai augwali te Saionba pomainu homu yali, te Devitgo Taun Hanuba pelama, tama te Genuai Bidigo Dąų Wali Bomai Po Muani Halobage sigi pelama, tama Genuai Bidigo tempel beba tolasa asao po wai dao.

Te Israel me Juda Hani Sigo Tuni Bidigo Po Elalubo Buku Deli 3:1

Solomongo te Isip king bidigo wegi sai, tama te kolesaga yaligo agai te Isip king bidi dali te bomai po dąų walali, tama te bulu tǫ pedai kantri si te bugagia bidiyu, tama te hwįyu me ebeo. Solomongo aga we te Jerusalem te Devitgo Hanuba odasa asali. Tama te Solomongo te aga be me, te Genuai Bidigo tempel be me, te Jerusalem obo bagulu, tama te sę dabe ebadi yali sogo, te we aga dali te sogo tede bidali.

2 Samuel 6:10

Tama tibaso, Devitgo te halobage te Devitgo taunba sela pabo hagela homu yali, te Jerusalem, tama aga te Jerusalemba pabo sunumi tagalama, tama te halobage te Get taun bidi me deli, te Obetidomgo beba sela pali.

2 Samuel 5:9

Tama nosali, Devit te Saionba bidigi pelama, tama te taunba te tiwai nogi mawai, Te Devitgo Taun da wali. Tama Devitgo te po wali, tama te sę bidi dabego te taun bagulama, be dabe sę yao po wai. Augwaligo te be dabe sę ebo gagalu, te tǫgo pągąnani bulu me deli odogode te be dabe sę yani.

2 Samuel 5:8

Tama Devitgo te taun me sisąbadi, hasia bolo agai te aga ami bidi dabebolo te tiwai po wai, “Dago te taun sainogo da, teda da te Jebus dabe augwa hanu tomoba asobo wę dedage nigalidu geme paibao,” wai. “Tama dago te dedage wali pidu genama, tama da te taun tomoba sabolaibao. Tama dago te u gedu widai bidi dabe dali, me te sągą dwai bidi dabe dali hwįaibao. Eno te tobage bidi wei eyu, godolo me ebeo,” wali. Megi da, Devitgo te wali po homude kone elaluama, tama augwa te tiwai po weyu yai, “Te gedu widai bidi me sągą dwai bidi dabe te genuai bidi kingo be tomoba munu me pelamu da,” po wabo dao.

Te Israel me Juda Hani Sigo Tuni Bidigo Po Elalubo Buku Deli 9:24

Te Solomongo wego te Devitgo hanude bidali tagalama, te Solomongo aga gesi sę yani beba pelama, bidigi pali. Te we te Isip kingo wegi dao. Tama te tudi badu nosali, Solomongo te bidi dabebolo te po weyu, te Jerusalem odogo elalubo pesage badu te pągąnao po wai dao.

Jeremaia 21:13

“Jerusalem, ena Genuai Bidi, eno po dolo nageba obao, eno nageba boi bidi ebao. Nage ugwadu bidu, nago te bulu odogoba aiyaba tononobo dao. Nage te daide ugwadu mu elalubo genuai masigi tiwai elalubao. Te dage Jerusalem we bidi, dagego te po obao, ‘Dego daba hwįagasaibawe?’, tama ‘De te dago taun tomoba asaibawe?’

Nehemia 3:15

Tama Salum, te Kolhesego ogwa, aga te Mispa tǫ pedaide polalubo bidi dao. Aga dali te bidi meba daligo te obo banis wadolama sę eyu, te sunumi nogi augwaligo te Ulu Wę Elalubo Madi Sunumi da walio. Tama augwaligo te ni nami meba selama, tama te sunumi ugwadu daide te be pedu tiwai nigali. Tama te sunumi aga muani pesagede muai, tama bomai lok munama, te sunumi palibo bobage ain dili muani. Tama augwaligo te obo banis dage Te Sela Sigi Aį sesegede wadoa selama nigalio. Te obo banis te polobadu bidali kingo gi pąde elaluai. Tama augwaligo te obo banis sę wadoasa pabo te Devitgo Taunba pabo togobiliba usu nigi pai dao.

Godigo Nogi Ugwaba Sabo Tęąbi Po Wabo Buku Dabe 48:3

God te taun tomode bidiyu, tama agai te we bidi dabego hwįbo sogo tau siyu yai. Tama tiyu, augwali bugagia bidai.