2 Samuel 5:4 - Godigo dwagi yai po buku

⁴ Devitgo kibu be te bidi sese deli olama, nogo si, te 30 kibu be elalubadi, tama aga te king pedelali. Tama aga te king sęde bidibadi, te kibu be bidi sese si, te 40 kibu be bidai dao.

2 Samuel 5:4 Referans Kwoze

Dwagi Yai Gesi Po Lukgo Asęani 3:23

Te bidi Jisas agai kibu be bidi sese deli olama, me bidigo nogo si wagi sobadi, te 30 yia wabode aga sę ebo gagalalio. Tigidali we bidigo homugo Jisas Josepgo ogwa daba homu yali. Tama Josep aga aya Heli. Heli aga aya Matat, Matat aga aya Livai.

Tuni Bidi Dabego Po Elalubo Buku Deli 29:27

Aga te kibu be bidi sese si, 40 yia, king bidalio. Aga hasia bolo te Hebronde king bidali kibu be te 7 yia bidali, te Jerusalemde king bidali kibu be te 33 kibu be bidai dao.

Tuni Bidi Dabego Po Elalubo Buku Deli 26:31

Jeria te tobolu bidi augwa hani tigidalide bidali, te Hebrongo wai dabe da. Te kibu be bidi sese si 40 te Devit king bidali sogo, augwaligo te Hebrongo hani tigidali gegebo sę yai. Tama augwaligo te hani bidi hauwa te taun Jaser te Gileat tǫde bidibo sualio. Te Jaser bidi dabe te augwaligo haniani sę ebo mu koneai bidi dabe mu bidalio.

Te Israel me Juda Hani Sigo Tuni Bidigo Po Elalubo Buku Deli 2:11

Aga te Israel tǫde te king bidibadi, te kibu be bidi sese si, te 40 yia bidai. Aga hasia bolo te Hebronde king bidibadi, te kibu be a naga olama, me si elama, tama nosali te Jerusalemde king bidibadi, te 33 kibu be bidali.

Tuni Bidi Dabego Po Elalubo Buku Deli 3:4

Devitgo ogwa dabe te 6 tama ogwa dabe aga te Hebronde king bidali sogo ame nani. Te aga Hebronde king bidali kibu be nogo a naga si, me polua a naga me deli tama bidai dao. Tama nosali aga Jerusalemde king bidibadi te kibu be 33 kibu be bidai dao.

Tigidali Nai Gagalama Nigali Side 41:46

Josepgo kibu be te 30 kibu be elalubadi, tama aga te Isip tuni bidi Ferogo sę gagalama yali. Tama Josepgo te Fero taga peyu, aga te Isip tǫ pedai sesede usu nama bilali.

Israel Hanigo Namba 4:3

Dagego te e tobage Kohat hani bidi dabego nogi sao, te augwaligo kibu be te 30 dąį gagalasa, tama te kibu be 50 te dąįba usu nagasobo bage, te augwaligo nogi sao. Te gesi ogwa bidi dali, te monu dabe dali si, te tagalao. Te nogi sali bidi augwali te eno name ugwa bede sę yabo usu yai bidi dabe dao.