2 Samuel 5:21 - Godigo dwagi yai po buku

²¹ Te Filistia dabe wi peyu, te augwa tibo god dabe taga pali. Tama Devit dali te aga ami bidi dabego te doado bage selasa palio.

2 Samuel 5:21 Referans Kwoze

Bomai Po 7:5

Dage te bidi hani dali abagi igimio. Menio. Dagego augwaligo alta togoyu, me augwaligo tibo god noma elalubo masigi pos ni toga sąyu, me te tibo god we nogi Aserago noma elalubo ni pos toga sąyu elama, me augwaligo tibo god piksa sia uluyu yao.

Jeremaia 43:12

Te eno Isip dabego lotu be siago ulaibao. Te lotu be dabede te Isipgo tibo god piksa dabe elalubao. Te Nebukatnesargo te piksa meba siaba ulama, te meba aga tǫ kantriba sela paibao. Te agai Isip kantride nai tigidali sela sąwaibao, te sipsip tonalubo bidigo aga gudali ugwade te kibu tugunu sela sąbo tiwai yaibao. Te agai Isip dabe mu elalueibao. Tama aga te tǫ kantri tagalama, paibao.

Aisaia 37:19

Tama te king augwaligo te hani we bidi dabe augwa god dabe sela sąyu, te tigidali siaba ulali. Te god dabe dolali, magi baso meni, augwali te tibo god naga dao. Te bidi augwa digi te ni me masigi selama, augwa nogogo nigai dao.

Bomai Po 7:25

Dagego augwaligo tibo god dabe sese tama isi ula silao. Tama me dagego augwaligo te augwa te tibo god au ilali gol me silva, te nai dabe godolo me elamuo. Dagego te nai dabe me selamuo. Magi baso menio, Genuai Bidigo te tibo god dabede dwai homu mu ebo dao. Tiyu, dagego sai madi dagego Genuai Bidiba lotu po wabo kolesaga tagalamu dao.

Jeremaia 48:7

“Moap, nago te yali sę dabede me, mone dabe me, homu kone palobo sę bomo elalu, te nago homugo te nai dabego nage tau selama, te nage bugagia bidaiba homu ebao. Tialima, nago te homu ebo te wiegi yai menio. Tibaso da, te boi bidi dabego te boi hwįbaso, te nage aiyaba elalueibao. Tama nago tibo god Kemos te augwaligo selama, te gasa bulu kantriba kalabus igibu sela paibao, te aga pris bidi dabe me, te Moap tobolu bidi dabe dali sela paibao.

Daniel 11:8

Agai te augwaligo tibo god dabego piksa dali, te tibo god augwa wiegi yai doado bage dabe dali, tigidali saibao, te augwaligo gol me silvago nigali. Tama agai te tigidali nai doado bage te Isipba sela paibao. Te hwįsąbadi kibu be meba bidaibao,