2 Samuel 5:18 - Godigo dwagi yai po buku

¹⁸ Tama te Filistia dabe aselama, augwali te bulu pesage Refaim odogoba sabolama, tama augwali tede bidaluai.

2 Samuel 5:18 Referans Kwoze

Josua 15:8

tama te Hinomgo ogwago te odogo tǫ tedu wali pelama, te Jebusgo bulu du te a badu sabolali. Te Jerusalem te badu elaluali. Tama dąį pidubadi geanima, te bulu duba sabolali, tama te giliga dega sigi pabo badu te Hinomgo malu elaluali, te badu dąį igi pali. Te dąį yali te Refaim dabego te tǫ odogo sesege badu tede elaluali.

2 Samuel 23:13

Te Devitgo ami bidi dabego tobolu bidi meba elaluali, tama augwa te hani dabe nogi poyu, te 30 bomai ami bidi dabe da po wali. Tama me sogo deli Devit te genuai tǫ dedage te Adulam bulu dude bidibadi, tama te 30 wali bomai ami bidi dabede te ami bidi me selago te Devit aga sugi pali. Te nai inilama tau yai sabo sogo tama tiali. Tama te sogo me te Filistia ami bidi meba te Refaim bulu odogoba dulama, tama augwa bidibo pesage tede nigilama bidali.

Josua 17:15

Tama Josuago te po wei ponani, “Te dage hauwa mu, tama te Efraimgo te bulu dude bidabo te dage usu meni baso da, teda dage te moni ni sili bulu tomoba pelama, tama duga bidabo digi penama, te Peres me Refaim dabego te tǫde bidao,” wali.

Aisaia 17:5

Megi te Israel dabe te wit nai hauwa te odogo malu Refaimde bulubo wit hauwa holobo ąǫ te ebao. Tiali goli, augwali boi bidigo dabego elebo si da, teda augwali te wit dili bidigo togai deli deli dolalua pabo tiwai yaibao, te wit gide.

Josua 18:16

Tama te dulali te bulu du dolalubo sesege badu te Hinomgo ogwago tǫ malu elalubo pąba pedelali. Te bulu du te not badu te Refaim dabego malu tǫ sesege badu elaluali. Tama dąį pali te saut badu te Hinomgo tǫ malu bolama, tama te Jebus dabego dwasianu bulu du togolama, tama palima, te Enrogel te pedai badu dąį igi pali.

Tuni Bidi Dabego Po Elalubo Buku Deli 11:15

Te Devitgo ami dabede te ami tobolu bidi dabe elaluali, te hani dabe nogi augwaligo te tiwai nogi yalio, te Bidi Sese Deli Olama Nogo Si 30 Ami Tobolu Bidi Da, wali. Me sogo deli Devit te bulu Adulam genuai masigi ola bede bidibadi, tama Bidi Sese Deli Olama Nogo Si wali ami bidi dabe tomode te ami tobolu bidi selago Devit aga suagasali. Te tama tebo sogode me te ami dabe te bulu Refaimba dulama bidabo pesage nigilama bidai dao.

2 Samuel 5:22

Tiali goli, nosali te Filistia dabe ma geasa aselama, te Refaim bulu odogode bidali.