2 Samuel 5:11 - Godigo dwagi yai po buku

¹¹ Te king Hiram te Tair taun bidigo te polalubo bidi meba te Devitba tagala palali. Tama agai te wiegi yai ni bǫ tigi dabe me, te be sę ebo kamda bidi me, te masigide sę ebo koneai bidi dabe augwali tagala palama, te king Devitgo genuai be sę emainu yai.

2 Samuel 5:11 Referans Kwoze

Tuni Bidi Dabego Po Elalubo Buku Deli 14:1

Te king Hiram te taun Tair bidigo te agai gavman ofisa bidi meba te Devitba tagala palali. Tama me agai te ni bǫ tigi dabe me te kapenda bidi dabe dali, te masigigo be nigibo sę yabo bidi dabe me tagala palali, te augwaligo king Devitgo genuai wiegi yai be sę emainogo yai dao.

Te Israel me Juda Hani Sigo Tuni Bidigo Po Elalubo Buku Deli 5:18

Tama te be sę ebo koneani bidi dabe te Solomongo me Hiramgo sę ebo bidi dabe tomode bidali, tama augwa te Biblos hanu bidi dabe dali te Genuai Bidigo be sę yabo nai te masigi me ni name dabe dulama, tama dodolobo sę yai dao.

2 Samuel 7:2

Tama kingo profet Natanbolo te tiwai po wali, “Ena te augwaligo te ni bǫgo sęwai wiegi yai genuai be me delide bidibao, tiali goli te Godigo Dąų Wali Bomai Po Muani Halobage te ugwa bede naga munalubao. Te dolo meni da, homu ebao,” wali.

2 Samuel 5:12

Devitgo te nai dabe te doado bage te agaba sabalubo te tiwai aga sulama, tama koneani, te Genuai Bidigo aga te king mu pedalumainu yai. Tama agai te tama koneani, te Genuai Bidigo te aga we bidi tau sabo homu yali homu yai, tama tiyu, Genuai Bidigo te Israel bulu tǫ pedai te bugagia mu pedalumainu ilibo sę yai dao.

Esra 3:7

Te Sairus te Persia tuni bidi kingo te Israel dabebolo te ni bǫ dabe te Lebanon tǫde sao po usu da po walio. Tama te we bidi dabego te nai mayu, te ni oliv du wel me te augwa tobolu bidi dabeba menama, tama augwaligo te bidi dabe te taun Tair me Saidonba tagala palama, te Lebanon dabego ni bǫ abelimainu yai. Tama te Lebanon dabego te ni dabe te tamu węba munama, tama te tamu węgo tolasa aselama, te Jopa taunba homugi palio. Tama me, te Israel dabego te mone te tobolu bidi dabeba menama, te masigi togobo sę ebo bidi me te kapenda bidi dabe te monego abelimainu tiai dao.

Godigo Nogi Ugwaba Sabo Tęąbi Po Wabo Buku Dabe 30:1

Genuai Bidi, nago ena ma selama, tama nago ena te boi bidi dabego aiyaba elaluama, te kęnę omainu me ebeo. Tama tibaso, eno nago nogi te ugwaba mu sobao.

Esekiel 26:2

“Tǫde bidio, eno te tamu ąį tomode elalubo tǫde elalubo taun Tair we bidide po elalubao, te tǫ te tamu ąį sesege pąde elalubao. Te Tair taunde bidibo we bidigo homu pemene eyu, e tiwai i hae obao, ‘Jerusalem dolobaso, te gasa tǫ kantri bidi dabe teba pelama, te mone sabo bisnis sę yali te ma igi pabo usu me egobeo. Megi da, te augwali aselama, da dali naga te nai dabe dobu si ebo bisnis sę yagasaibao, tama tiyu dago doado bage hauwa saibao,’ po wabo dao, te Tair we bidi.”

Josua 19:29

Tama te dąį begelama, te Rama teba pelama, tama te Tairba pedelali, te hanude te dila pai obo masigigo bagulai elaluali. Tama te dąį begelalima, te Hosaba pelama, tama pali, te Mediterenian Tamu Ąį te badu sabolali. Te tǫ pedaigo te Mahalap, me Aksip sobadi,

2 Samuel 7:1

King Devit aga bede bidiyu, tama bugagia dulaluali, magi baso meni, Genuai Bidigo te boi bidi dabego te Israel dabeba hwįagasomainu me ilibeo.

Te Israel me Juda Hani Sigo Tuni Bidigo Po Elalubo Buku Deli 5:15

Tama Solomongo te masigi togwabo te 80,000 bidi me selama, tama augwali te bulu du pesagede te masigi togobo sę yali. Tama agai te masigi dabe tolabo bidi te 70,000 bidi salio.