2 Samuel 5:1 - Godigo dwagi yai po buku

¹ Te sę dabe elama nosali badu, te tigidali Israel hanigo te Devit Hebronba suagasali. Tama augwa te tama po Devitba wai, “Da tigidali te deli kaneme dao.

2 Samuel 5:1 Referans Kwoze

Efesus 5:30

Da te nogo, sągą, gedu te nai dabe te Kraisgo tigi dagi tiwai dao.

2 Samuel 19:13

Tama me Devitgo te pris siba po waliyu, te tama po Amasaba omainu yai, “Dadi si te deli kaneme dao. Eno nago te Joapgo pesage selama, tama eno ami dabego polalubo ofisa bidi nigilaibao. Te eno tama tisąbaso da, teda Godigo ena ela mumainu yaibao,” wali.

Tigidali Nai Gagalama Nigali Side 29:14

Tama Labango agabolo te po wai, “Awe, te mu tama, da si te deli kaneme mu dao.” Tama Jekop aga dali bidibadi, te polua deli bidai.

Hibru 2:14

Tama te agai “wai dabe” wabo we bidi dabe augwali te tǫde we bidi bidai, te da tigidali tiwai yai. Augwali tama bidaligo da, Jisas me te bidi augwali tiwai mu gilama pedalai, te aga tigi isimainogo yali, tama te isibogo agai te bomo elalubo bidi agai te bidi isimainogo ebo bidi te agai bomo dolaibao. Te bomo elaluali bidi te Satan dao.

Te Israel Tobolu Bidi Dabe 9:2

te tiwai po te Sekem we bidibolo hanalu omainu wali, “Dagego homude te mena nai usu yaiba homu ebo dawe? Dagego homugo te Jerubalgo ogwa dabe te 70 bidi tigidali te dagego tobolu bidi bidimainu homu ebo dawe, ma dagego homugo te bidi deli naga te tobolu bidi bidimainao homu ebawe? Tama ena me homu kone palao, ena te dage dali deli kanemego nigai mu dao.” Abimelekgo te po wai.

Bomai Po 17:15

Tialima, teda te sogo dagego Genuai Bidi aga digi te bidi me deli te king tuni bidi pedalomainogo sa mumainao. Dagego duga homugo me sa munamo dao, tama me ma duga hani bidi me deli te tuni bidi pedalomainogo yao. Dagego gasa hani bidi te tuni bidi nigimainogo sa mugio.

Josua 10:36

Te silama nosali, Josua aga ami bidi dabe dali augwaligo te Eklon hanu tagalama, tama te Hebron hanuba pai. Tama augwaligo te Hebron hanude bidali bidi dabe dali hwįnama,

2 Samuel 19:12

Da tigidali te deli kaneme dao. Tama tiyu, magi baso dagego te gasa bidi dabe te dageba poligi somainu elama, tama ena ma odasa asomainu ebo po omainu ebo dawe?”

2 Samuel 19:43

Tama te Israel bidi dabego po wei ponoyu, te tama po wai, “Te bidi me deli king pedalubaso da, teda aga te dago tǫ pedai tonalubo king bidaibao. Tama te bulu tǫ pedai tomode, te da Israel te nogo si hani elalubao, tama dage Juda bagego hani te deli naga elalubao. Mu tama, Devit te dagego hanidu king bidibao, tama da nogo si hanigo te dage aiyaba elaluali. Tama tiyu, magi baso dagego da begela dolobawe? Dagego bugagia homu kone palao, dago digi te king edaba odasa asabo te homu kolesaga yabo page te dade elalubao,” wali. Tiali goli, te Juda dabego konila po te bomonama mu olama, tama te Israel dabego po aiyaba elaluai dao.

2 Samuel 2:32

Tialima, Joap te aga bidi dabe dali augwa te Asahel tigi sela pelama, te Betlehemba pubaligi pali, te aga ayago gų pageba. Augwaligo aga pubulama da, teda augwali hulide pelama, tama augwali te Hebronba be posobadi sabolalio.

2 Samuel 19:14

Tialima, Devitgo te wali pogo te Juda bidi dabe tigidaligo homu kekebaso, tama augwaligo agaba te tama po ola tolali, “Dago homugo te nage naga hani dabe dali, dage tigidali te Jerusalemba ma asomainu homu ebao,” wai.