2 Samuel 4:8 - Godigo dwagi yai po buku

⁸ augwali te Hebronba sabolali. Tama augwali sigo te Isboset tobolu sela peyu, te king Devitba tama agabolo waseligi pai. Tama augwali sigo te tama po kingbolo wali, “King o, suao! Te e da Isbosetgo tobolu da, te naga boi bidi, Solgo ogwa da. Polobadu te Solgo nage elainu usu sesa bilali, tama tialima, te Genuai Bidigo nage tau siyu, te Sol dali, te aga hani ogomani dabe daligo te dwai sę yali kolesaga wei ponani da,” te po wai.

2 Samuel 4:8 Referans Kwoze

1 Samuel 25:29

Te bidi meba aselama, nage dali hwįagasu, te nage elainu ebaso da, teda God, dago Genuai Bidigo, te nage bugagia tonaluyu, te bidigo aga wiegi yai doado bage bugagia tonalubo tiwai yaibao. Tiali goli, te agai nago boi bidi ela gudulu, te bidigo masigi te katapelde munama, tama te masigi enebo tiwai gilama yaibao.

2 Samuel 22:48

Godigo te eno boi bidi dabego dwai kolesaga wei ponani. Tama agai te gasa hani bage te ena dologoba muani.

Kraisgo Geme Dualali Sę Pedelabo Po Jonbolo Ola Mani 18:20

Nage te dagalu, nage dali te Godigo we bidi dali, tama dage te Godigo po pusigi pabo bidi dabe me, te Godigo nosali yabo sę po ola mabo bidi dali, dage tigidaligo te genuai hanude megi pedalobo sęde wiegi yai homu yao! Godigo aga dagalama, tama agabolo te dwai dene sabo wei ponai dao. Tama te kolesagade agai te hanu agai dwai kolesaga dage dali yali wei ponai dao!

Kraisgo Geme Dualali Sę Pedelabo Po Jonbolo Ola Mani 6:10

Tama te noma bidi augwaligo i bomonama weyu tama wai, “Tigidali nai tonalubo Genuai Bidi, nage magi sę me esiąyu wiegi yai mu bidibo, tama nago kolesaga te mu naga ebo dao. Te tǫde we bidi augwaligo dwai sę da dali elama, tama da ela muani. Tede dago homugo nago augwali dali po tų eyu, dago kanemede augwalibolo wei ponao. Nisu naga sogo bidai madigi tama nago augwalibolo wei nisu ponaibawe?” te po wai.

Matyu 2:20

Tama agai te po wai, “Nage hogodolama, te wai aga ida dali selama, tama nage te Israel tǫba ma pao. Te wai elainogo yali bidi dabe, augwali isai dao,” te po wai.

Godigo Nogi Ugwaba Sabo Tęąbi Po Wabo Buku Dabe 71:24

Tama tialima, tigidali sogo te eno te we bidi dabeba te nago doloba pai kolesagade po hanilama pusaibao. Magi baso meni, te bidi dabego ena dolainu usu sali, tiali goli, nago augwali aiyaba elaluama, tama augwali hale mu ilali.

2 Samuel 18:31

Tialima, polo tama te Sudan bidi te sabolagaselama, tama kingba te tama po wai, “King, nage eno genuai bidi da, eno nageba maiabo wiegi yai po sela asali elalubao. Te nage dali hwįnama te nage sela sąwainu yali bidi dabe da, tiali goli te sogode megi te Genuai Bidigo nage tau selama, tama augwaligo magi dwai sę nage dali ma egobeo,” te po wai.

2 Samuel 18:19

Te Apsalom isai madi nosali, Ahimas, te Sadokgo ogwago, te Joapbolo te tama po wai, “Te nago ena te kingba udulama pomainu elama, tama te wiegi yai po agaba magi pomainu eyu, te Genuai Bidigo aga boi bidi dabego bomo te togwa sąwani po wagi pomainu yabo, te usu da po waibawe?” te po wali.

1 Samuel 24:4

Tialima, te Devitgo aga bidi dabego agabolo weyu, te po wali, “Te dao. Megi te nago wiegi yai sogo dao. Genuai Bidigo nagebolo waliyu, te agai te boi bidi nage mawaibao po wai, tama nago mena sę agade yainogo da, teda nago te sę yao. Megi da, te sę ebo sogo dao. Ae, nage pao.” Tialima, Devit te dua dua peyu, te Sol pąba pelama, tama te Solgo bobage ugwa aiyadu dwasianu pedainu togwa sali, tiali goli Solgo me konebeo.

1 Samuel 23:15

Solgo te Devit ela muabo homu ebaso, tama tiyu Devit wi yai. Tama te sogo Devit pelama, te Sif bulu pąde te Hores bulude bidai.

1 Samuel 20:1

Sol te bulu Naiotba sabalubo si, te Devitgo te bulu taga soyu, tama Jonatan bidibo madi wi ma soali. Tama agai Jonatanbolo te tiwai po wali, “Ei, Jonatan! Magi baso nago ayago ena ela muainu ebawe? Eno magi dwai sę me deli isiąyu, ma dwai kolesaga me deli agaba me ebeo. Mu tama, eno magi dwai sę me deli me ebeo,” wali.

1 Samuel 19:15

Tialima, augwali te Solba ma pelama, tama agabolo wagi pali. Tiali goli, agai augwaliba te po wali, “Dage ma geasa pelama, tama te be tomoba pelama, tama Devit suao. Tama dage aga te betde selama, tama aga odasa aselama, tama eno aga ela muaibao.”

1 Samuel 18:11

tama te tiwai homu yali, ‘Megi da, te eno Devit te sesemone enego enama, tama aga ela muaibao,’ homu yai. Tialima, agai te sesemone ene te Devitba sąnama enani, tiali goli Devitgo te sesemone ene geda munama, ela soali. Tama Solgo te tiwai si sogo yali.

2 Samuel 2:8

Te Filistia dabego te Sol elali sogo, Apner, te Nergo ogwago, te Isboset oda sali, te Solgo ogwa da, tama augwa peyu, te wę Jordan nogelama, tama te taun Mahanaimba sabolai. Apner te Solgo amide te polaluali ofisa bidi dao.

1 Samuel 19:1

Te Solgo te Devit ela muabo homu elama, tama agai te po aga ogwa Jonatanbolo walali, tama aga ofisa dabebolo me wali. Tiali goli, Jonatango te Devit godolo homu mu yai,