2 Samuel 3:39 - Godigo dwagi yai po buku

³⁹ Te mu tama, Godigo ena sa munama, tama ena te king pedelali. Tiali goli, eno digi eno te Seruiago ogwa sigo yali dwai kolesaga wei ponabo bomo menio. Augwali si te bomo elalubao. God Genuai Bidigo digi te augwaliba dene mayu, te augwa yali dwai kolesaga usu niyu tiaibao,” king Devitgo te po wali.

2 Samuel 3:39 Referans Kwoze

Godigo Nogi Ugwaba Sabo Tęąbi Po Wabo Buku Dabe 101:8

Tigidali side eno te dwai sę ebo bidi te dago bulu tǫ pedaide dolaibao. Eno te dwai sę ebo bidi dabe sela sąyu, tama augwali te Genuai Bidigo taunde bidimainu me egobeo.

Godigo Nogi Ugwaba Sabo Tęąbi Po Wabo Buku Dabe 28:4

Te augwa yali kolesagade usu nama, te augwali dene mao. Te dwai dene augwaliba wei ponao. Te augwa yali sęgę tigidali usu nao.

Polgo Si Wali Pas Timotiba Asęani - 2TI 4:14

Te bidi nogi Aleksander, agai mone ge sabo sę da te haniani nai te aga kapago nigibo bidi, te bidi agai enabolo dwai sę mu ilali. Nosali te Genuai Bidigo agabolo te dwai dene wei ponoyu, te aga yali dwai kolesaga usu nama te dene mawaibao.

Polgo Po Pas Rom Dabeba Asęani 13:4

Tama aga dali wi ebo page elalugobeo. Magi baso meni, aga te Godigo sę bidi te agai nage tau siyu, tama nage bugagia bidaibao. Tiali goli, nago dwai kolesaga ebaso da, teda nage aga wi yao. Nago koneani, te gavman enesigi bidi agai te poa pai genuai hwą ge tolalubo, tama agai te olo me tolalubo menio. Te gavman genuai bidi aga da te Godigo sę bidi, tama te dwai kolesaga ebo bidibolo te Godigo nogide te wei ponama dene mabo dao.

Bugagia Bidibo Kolesagade Po Asęai Buku 25:5

Tama tiwai naga, te augwaligo te dwai kolesaga ebo bidi dabe sela sąyu, tama augwali te king dali munu ma bididali weyu tibaso da, teda te kingo doloba pai kolesaga mu eyu, tama te bulu tǫ pedai kantri te bomai bulu pedelaibao.

Godigo Nogi Ugwaba Sabo Tęąbi Po Wabo Buku Dabe 62:12

“Tama sesemane sogo eno te tigidali we bidi godolo mu ebao.” Te po wabo si eno mu odalio. Genuai Bidi, nago te da tigidali we bidigo ebo kolesagade usu nama, te sę wei si ma ilibo dao.

Aisaia 7:4

Te tuni bidibolo aga homu dąų olama bidao, tama te haniani po dabego agai homu elalumainu elamo dao po walao. Aga yaide dua bidama, tama te tuni bidi Resin aga hani dali, me te Israel dabego tuni bidi dabe dali, wi igio po wao. Te tuni bidi sigo sębę te isi pąde sula sainu dabo tiwai ebao. Te sula sainu hano naga holobo tiwai te ebao.

Bugagia Bidibo Kolesagade Po Asęai Buku 20:8

Te king po tų odainu dugulalubo sogo, agai te po tųba asobo bidi dabego kolesaga te bugagia dagala subo dao.

Godigo Nogi Ugwaba Sabo Tęąbi Po Wabo Buku Dabe 75:10

Te Godigo te dwai sę ebo bidi dabego bomo silimainu yaibao, tiali goli, agai te doloba pai bidi dabebolo te genuai bomo mu mawaibao.

Godigo Nogi Ugwaba Sabo Tęąbi Po Wabo Buku Dabe 7:16

Te tiwai naga aga te yali dwai sę tiali aga pageba ma asobo dao. Tama agai te gasa bidiba te wado me hwįyu ebogo begelama, tama aga digi aga dolaibao.

Tuni Bidi Dabego Po Elalubo Buku Deli 22:5

Te Devit isisąbadi, agai te Genuai Bidigo be sę yabo nai hauwa sisinanio. Agai te tiwai po wali, “Eno ogwa, Solomon, aga te gesi ogwa bidi mu elalubaso, tama agai te be sę ebo kolesaga kuna konesąwai elalubao. Tiali goli eno homugo Solomongo te Genuai Bidigo be wiegi yai sawi yai mu sę emaina homu elama, tama te tigidali bulu tǫ kantri we bidi augwaligo sulama, te wiegi yai pemene genuai mu eyu, te Genuai Bidiba genuai nogi mawaibao. Tama tiyu, ena digi eno Solomongo te be sę yabo nai doado bage sisinaibao,” wali.

2 Samuel 19:13

Tama me Devitgo te pris siba po waliyu, te tama po Amasaba omainu yai, “Dadi si te deli kaneme dao. Eno nago te Joapgo pesage selama, tama eno ami dabego polalubo ofisa bidi nigilaibao. Te eno tama tisąbaso da, teda Godigo ena ela mumainu yaibao,” wali.

Ma Dobola Sali 21:12

“Bidi me deligo gasa bidi bomonama elai digi, tama te bidi isai baso da, teda dagego te bidi elali te bidi aga me ela muao.

2 Samuel 3:38

Tama kingo te aga ofisa dabebolo te tiwai po wali, “Odiąo. Te e sogode da Israelgo bomai bidi mu me deli te isali dao.

2 Samuel 16:10

Tiali goli, kingo Abisaibolo me, te aga ama Joapba me, te tama po wai, “Te dage sigo sę me menio. Te aga gogola tagalao. Te Genuai Bidigo te bidiba po walobaso, te agai enaba te dwai po waibaso da, teda dego agaba hanalu waibawe, ‘Magi baso nago te tobage po obawe?’”

2 Samuel 19:22

Tiali goli, Devitgo te Abisaide, te aga ama Joap dali siba te tama po wai, “Te dage sigo sę menio,” wali. “Dage si te Seruiago ogwa si da, magi baso megi dage sigo enaba boi bidi yabo homu ebawe? Megi eno koneani, ena te tigidali Israelgo king bidibao, tama te tobage sogo, dago te Israel bidi deli me ela mugobeo. Mu menio!”

Te Israel me Juda Hani Sigo Tuni Bidigo Po Elalubo Buku Deli 2:32

Genuai Bidigo te wei ponobo dwai kolesaga te Joapba me iduaibao, te aga yali dwai sęde te tama tiaibao. Joapgo te Nergo ogwa, Apner, te olo dali elali, tama te Amasa, te Jetergo ogwa me elali. Apner te Israelde ami bidi dabego polaluali ofisa bidi, tama Amasa te Juda bage ami bidi dabego polaluali ofisa bidi da. Te bidi si te wiegi yai bidi si, tama te magi dwai sę me isiąwai, tama augwali sigo kolesagago te Joapgo kolesaga aiyaba elaluali. Tiali goli, Joapgo te eno ayabolo po me wasiąma, tama agai te aga homugo digi te bidi si ela muai dao.

Tuni Bidi Dabego Po Elalubo Buku Deli 29:1

Tialima king Devitgo tigidali we bidiba te tiwai po wai, “Godigo eno ogwa Solomon dąį ilali, tiali goli aga gesi ogwa bidi mu elalubaso, te sę yabo kolesaga hauwa kuna konebeo. Te Genuai Bidi Godigo be sę ebo sę, te bidi dabe dago be sę eyu dua ebo tiwai sę gilama me egobeo. Menio, te genuai sę mu dao.

Tuni Bidi Dabego Po Elalubo Buku Si 13:7

Tama haniani dwai dwai kolesaga ebo bidi dabego Jeroboam dali age nama kisa selama bilali. Tama augwaligo Solomongo ogwa Rehoboamgo augwaligo homu kolesaga wali pomainogo bomo yali. Te sogo te Rehoboam aga gesi bidi mu, tama agai te kantri tonalubo kolesaga bugagia konesiąma ebadi. Tama tialima, agai augwaligo po sela sąyabo usu isąwai.

Jeremaia 38:5

Tialima, king Sedekaiago augwaliba te tiwai po wei ponani, “Te dage nogode bidibao. Eno dage me paligobeo,” wali.

Daniel 6:16

Tialima, kingo te gasa bidi dabebolo te Daniel sao po olama, tama aga te laion dabe bidibo tǫ dedageba tula palali. Tama agai Danielba te tiwai po wai, “Eno homugo te nago konealubo homu dąų mu olama, agaba sesemane sogo te lotu po udubo Godigo, agai nage tau somainao,” te po wai dao.

Israel Hanigo Namba 32:23

“Megi eno po bomona dage dali te obao, dagego duga dąų wali po wali pisiąbaso da, teda dagego Genuai Bidi dali sęgę saibao. Tama dagego te tama koneao, Genuai Bidigo dagego dwai sęgę kone palama, tama dage ela silaibao.

Te Israel Tobolu Bidi Dabe 9:57

Tama Godigo te Sekem dabe augwa dwai kolesaga yali sę wei ponani. Polobadu Jotam, te Jerubalgo ogwago te Sekem dabe augwali dolaibao po wali, tama megi da te tiwai sę pedelalio.

Te Israel me Juda Hani Sigo Tuni Bidigo Po Elalubo Buku Deli 2:9

Tiali goli, te nago agaba te dwai dene mao. Nago homu kolesaga te wiegi yai elama, te nago aga ela muainogo te mena sunumi wali pabo te konebaso, te aga ela muao,” te po wai.

Aisaia 3:11

Tiali goli, dwai bidi dabe da, dolaibao. Augwali te dwai pe te augwa yali dwai sęde saibao.