2 Samuel 3:36 - Godigo dwagi yai po buku

³⁶ Te we bidi dabego kingo te po wabo odobo si da, augwali haliga te wiegi yai pemene mu yali. Tiali goli, te sę deligo naga augwali wiegi yai homu pemene me ilibeo. Menio. Augwa te kingo ebo kolesaga tigidalide te wiegi yai homu pemene yai dao.

2 Samuel 3:36 Referans Kwoze

Dwagi Yai Gesi Po Makgo Asęani 7:37

Tama te sę yali po odali we bidi tigidali augwali midigi siyu, tama noma mu sali, tama augwaligo te po wai, “Tigidali sę agai ebo, te agai wiegi yai sę naga ebo dao. Agai te olo degai bidi me, te bidigo po odomainogo iliyu, tama te pedauwali pania sai bidigo po ma omainogo eyu yai dao,” te we bidi dabego te po wai.

Godigo Nogi Ugwaba Sabo Tęąbi Po Wabo Buku Dabe 62:9

Te we bidi da, augwali e tiwai dao. Te olo we bidi dabe te pedauwalide olo mobo pedalubo tiwai te ebao. Tama te genuai namba elalubo bidi dabe augwali me, te olo nai tiwai naga yai. Te augwali dago dagalobaso da, teda augwali te sęgę mu elalusiąbo te dago me suaibao. Te augwaligo sęgę te pedauwalidu pedalubo mobogo sęgę dali usu egobeo.

2 Samuel 15:6

Tama Apsalomgo te bidi dabe augwa sęgę te kingba dodolainu asobo side, te tama naga tialio. Tama te kolesagago, Apsalomgo te Israel bidi dabego homu kekelama, tama augwaligo aga godolo homu yai.

2 Samuel 15:13

Bidi me deli asu, tama king Devitba te tama po wali, “Megi da, te Israel hani bidi tigidali te Apsalomba wali painu sisi elalubao,” wali.

2 Samuel 3:35

Te silibo si nosali, te we bidi dabego Devitbolo weyu, te aga nai tuao wali. Tiali goli, aga hagela homu elama, tama aga bomai po dąų weyu, te tama po wai, “Ena te nai munu me tusiąbadi, te giliga dega sigulaibao. Tiali goli, eno homugo te giliga dega sigi pisąbadi, te eno nai tubaso da, teda Godigo ena ela mumainao,” Devitgo te po wali.

2 Samuel 3:37

Tama te Devitgo we bidigo me, te Israel we bidigo me, te sę dabe te king Devitgo te sogode ebo sulama, tama augwa te tama koneani, te kingo te Nergo ogwa Apner ela muani bidi dali te deli homu me ebe homu yali.