2 Samuel 3:34 - Godigo dwagi yai po buku

³⁴ Augwaligo te aga nogo sągą me dubeo. Augwaligo aga tibo po weyu, usu selama, te aga elali, te nai wi sabo bidi raskol dabego ebo tiwai yalio.” Devitgo te balia po ola silama, tama tigidali we bidi dabego te Apnerde gela ma wai.

2 Samuel 3:34 Referans Kwoze

Hosea 6:9

Te pris dabe te nai wi sabo bidi dabe tiwai elama, te sunumide geme dualaluyu, te bidi dabe dolama, te augwaligo doado bage wi sainu ebo dao. Tama te augwaligo te bidi dabe te Sekemba pabo sunumi tunu magede ela muyu yali, te lotu wagi pabo pesage dao. Augwali te bidi dwai dabe mu dao.

Jopgo Po Asęani Elalubo Buku 24:14

Te kigamu hulide mu te giliga pedalisiąbadi, te dwai bidi dabe hogodama, te nai meni yai bidi dabe ela muainu pabo dao. Tama hulide da, augwali nai dabe wi sainu bilibo dao.

2 Samuel 1:12

Augwaligo te Sol, me Jonatan, me te gasa Israel dabede homu kone paliyu tiali, te augwali Genuai Bidigo hani bage da homu elama, tama augwa te augwalide homu dene ebo gela weyu, tama nai habu selalubadi, te giliga dega sigulali. Magi baso meni, te hwįani madigi te bidi hauwa isai.

Te Israel Tobolu Bidi Dabe 16:21

Tialima, te Filistia dabego aga pageabi elama, tama agai gedu si guda sąwani. Tama augwaligo aga te Gasaba sela pelama, tama augwaligo aga te brasgo nigai sengo gebelali. Tama augwaligo aga te sia me wit te nai sę ebo be te kalabus be tomode agaga pabo sę emainu ilali.

2 Samuel 3:33

Tama Devitgo Apnerde homu dene ebo balia te tama wali, “Apner te esela me pisąwai bidi. Magi baso aga te tiwai isali dawe?

2 Samuel 3:35

Te silibo si nosali, te we bidi dabego Devitbolo weyu, te aga nai tuao wali. Tiali goli, aga hagela homu elama, tama aga bomai po dąų weyu, te tama po wai, “Ena te nai munu me tusiąbadi, te giliga dega sigulaibao. Tiali goli, eno homugo te giliga dega sigi pisąbadi, te eno nai tubaso da, teda Godigo ena ela mumainao,” Devitgo te po wali.

Esekiel 32:16

“Tama te gasa kantri we sibigo augwaligo te hobedai balia po waibao, augwaligo te dage Isip dabe homu dene eyu, gela wabode te balia po waibao. Ena God Genuai Bidi eno po polo wali dao,” te po wali.