2 Samuel 3:25 - Godigo dwagi yai po buku

²⁵ Te nago Apnergo kolesaga konesiąyu, te tama tiali da, agawe? Aga asali, te agai tibo po naga nageba ola magasali, te nage tau sagasu me ebeo. Menio. Aga asali, te nage pabo bulu tigidali te menaba pabo me, te nago sę ebo tigidali me, te bugagia sula sainu naga yali, te nageba ma aselama, hwįagasainu yali dao,” wai.

2 Samuel 3:25 Referans Kwoze

Aisaia 37:28

Tialima, eno nage bugagia mu koneanio. Eno nago homu kolesaga, me te eno nago ebo kolesaga te nage pabo bulu tigidali me konea pali. Tama nago enade genuai haliga sębę elalubo me, te eno koneai dao.

Bomai Po 28:6

“Godigo dagego ebo sę dabe wiegi yai pedalomainu yaibao.”

Polgo Po Pas Rom Dabeba Asęani 2:1

Te Godigo te tobage dwai dwai kolesaga ebo we bidi dabe dali sębę ebo dao. Tama agai te sębę ebo homu haninanigo da, teda dage tigidali bidi dabego gasa bagebolo po ela palobo da, eno dage deli delibolo e po obao, nago te naga yali dwai sę te geme dualobo usu me egobeo. Nago po wei ponainogo yali usu egobeo. Odao, nago gasa bidi dali naga po weyu yali, tama tebo kolesagago nago po nagaba digi te po obao. Magi baso meni, nago gasa bidi agabolo naga “Nago dwai kolesaga yai,” po wai, tiali goli naga digi nago me te tobage dwai kolesaga ebo dao.

Dwagi Yai Gesi Po Jongo Asęani 7:47

Tama tialima, te Farisi bagego dwai homu eyu, augwalibolo po wei ponoyu, te po wai, “Agai dage me ili po ola maniwe?

Dwagi Yai Gesi Po Jongo Asęani 7:12

Tama te we bidi augwa hasi pomu po hauwa Jisasde wali. Mebago te po wai, “Te dwagi yai bidi dao,” wai. Tialima, mebago te po wai, “Agai augwali we bidi ili po ola mabo dao,” Jisasde te we bidi augwa hasi te pomu po wai.

Godigo Nogi Ugwaba Sabo Tęąbi Po Wabo Buku Dabe 121:8

Te nago be taga pabo sogo, te Genuai Bidigo nage tonaluaibao. Tama te nago ma asobo sogo me, te agai nage tonalubao, tama megi me, te tigidali sogo nosali bidibode me, te tiaibao.

Te Israel me Juda Hani Sigo Tuni Bidigo Po Elalubo Buku Si 18:32

‘Tama dage bugagia bidada pedubadi yaide, tama ena asama, tama dage selama, tama te gasa bulu meba tagalama, te bulu te duga bulu tiwaide bidaibao. Te bulu da, te du tubo ni wain gi me umabo mu ebo dao, tama me te sia gagawai nai wit, te bret nigibo nai gi me te bulude umabo mu elalubao. Tama te ni oliv me, tama me te ganama bunu me te bulude umabo elalubo bulu dao,’ wali. ‘Tialima, dagego eno po wali peyu da, tea dage bugagia bidiyu, tama dage me isigobeo. Tama Hesekiago agai dage ili po ola mayu, e tama po wabo da, Genuai Bidigo dage tau selama, tama da aiyaba elaluaibao wabo po. Tiali goli, dagego homugo agai po mu da olama, dago te boi hwįaibao olama, dagego genuai homugo konealugio,’ te po wali.

2 Samuel 10:3

te Amon bulu tǫ pedai tobolu bidi dabego te augwa kingba te tama tiwai po wali, “Nago homugo Devitgo te bidi dabego te nago ayabolo homu dene eyu, te genuai nogi magasu asali da, homu eyu teba, agawe? Mu menio. Agai augwali tagala palali, te dago hanu taun te bugagia sula selama, tama nosali te aga ami bidi dabe dali aselama, te da dolagasainu yalio,” tama po wali.

2 Samuel 3:27

Te Apner aselama, te Hebronba sabolali sogo, Joapgo aga sela pelama, te taun genuai sunumi elalubo pąba doligi pelama, tama aga dali te geme po miainu ebo tiwai gilama yai. Tiali goli, augwali si te sunumide dolaluali sogo, Joapgo te aga pęwadage hwą ge selama, tama Apner te haligade enani, tama Apner isalio. Joapgo Apner elali, te Asahel isali te wei ponani, te Joapgo ama dao.

Israel Hanigo Namba 27:17

Te augwali bugagia bidimainogo tau siyu, me wąbi hwįbode augwali bugagia tonaluyu yabo. Tama naga hani te sipsip kibu aga tolalubo bidi meni yai tiwai bidigobeo,” Mosesgo te po wali.

Tigidali Nai Gagalama Nigali Side 42:16

Tama dage te kalabuside e bidibadi, te dage me deli tagala palama, tama duga amanu sigi pelama, odasa asao. Tama tiyu, te dago sulama koneainu, te dagego po te mu po we, ma tibo po we, te eno koneaibao. Te dagego po tigidali te mu po menibaso da, eno koneama, te dage sa asai bidi dabe da po waibao. Eno mu po mu te Ferogo nogide obao,” wali.

Tigidali Nai Gagalama Nigali Side 42:12

Tiali goli, Josepgo augwalibolo te po wali, “Menio! Dagego te dago tǫ hanu pedai mena badu te hwįbo bomo meniwe naga susa bilibao,” te po wai.

Tigidali Nai Gagalama Nigali Side 42:9

Agai te na yali dabe te aga ama dede dabe dali na polobadu yali te ma homugo kone palama, tama agai te po wai, “Dage te daba sa asobo bidi dabe dao. Dagego te dago tǫ pedai te mena badu mu te hwįbo bomo meniwe naga sueinu gege bilibao,” wali.

2 Samuel 3:24

Tama tialima, Joap pelama, te king sugi pelama, tama agabolo te tiwai po wali, “Augwaligo te tama po walio, Apnergo nage suagasu aselama, tama nago aga olo mu pomainu tagala palali po walio. Magi baso nago tama tialiwe? Nago te kolesaga yali te dolo ebeo.

2 Samuel 3:26

Joapgo te po ola silama da, teda aga te Devit tagalama, palio. Tama agai bidi meba tagala palama, te Apner pali wali pobeasa peyu, te agaba hanalu omainu elama, te ma geasa asomainu yai. Tama te bidi dabe te Apner pidubadi, te ulu wę nogi te Sira teba sabolama, tama augwaligo aga ma odasa asai. Tiali goli, Devitgo te Joapgo yali sę te agai me konebeo.