2 Samuel 3:20 - Godigo dwagi yai po buku

²⁰ Tialima, Apnergo te we Mikal selama, tama aga bidi dabe te bidi sese deli bidi dali pelama, te Devit bidibo bulu Hebronba sabolali, tama Devitgo genuai naa te augwaliba ula mani.

2 Samuel 3:20 Referans Kwoze

Esta 1:3

Te kibu be selade te aga tuni bidi king bidiyu, agai te tigidali tǫde bidibo kiap dabe badi, tigidali provins polalubo gavman bidi dabe sisinao po olama, te genuai nai daa tuaibao wai. Tama te Persia ami dabe badi, te Midia ami dabe badi, te genuai nai daa tuboba aselama, bidai. Tama tonalubo bidi dabe badi, te tigidali provinsdu asali genuai bidi dabe, augwali me bidalio.

Tigidali Nai Gagalama Nigali Side 31:54

Agai te kibu sipsip me deli elama, te bulu dude Godibolo ofa mani. Tama agai aga hani dabe aselama, te nai be piode tuagasomainu i wai. Augwaligo te nai tula silama, tama hulide augwali te bulu dude piai.

Tigidali Nai Gagalama Nigali Side 26:30

Aisakgo te augwali nai genuai me ulama, tama augwali nai me wę tuai.

2 Samuel 3:19

Tama Apnergo te Benjamingo hani dabe dali me po miani. Tama nosali aga te Hebronba pelama, te Devitba te Benjamingo hani dabego me te Israel dabego yainogo yali sę po te Devitbolo wagi pali.

2 Samuel 3:21

Tama nosali Apnergo Devitbolo te tama po wai, “Te ena pelama, tama te Israel tigidali odasa aselama, tama augwali te nage dologode bidabo bomai po dąų walumainu yaibao. Tama nage te tigidali bulu tǫ pedai king bidi pedalu, te nago godolo ebo sę tiwai yagameo,” wali. Tama Devitgo te aga hani dabeba hanilibo po wali, te augwaligo Apnerbolo te dwai sę me elamu da po wai. Tama nosali agai te Apner tagala palama, tama Apner bugagia ma soalio.

1 Samuel 25:36

Tialima, Abigel te Nabalba ma geasa pali. Tama aga te beba sabolama suali, Nabalgo te nai daa tuali, te kingo genuai wiegi yai nai daa tiwai tobage tualio. Tama Nabal te gęǫ page mu eyu, tama wiegi yai homu pemene eyu bidali, tama tibaso, te Abigelgo po me deli te agabolo me wasiąma te kigamuba usu nani.