2 Samuel 3:19 - Godigo dwagi yai po buku

¹⁹ Tama Apnergo te Benjamingo hani dabe dali me po miani. Tama nosali aga te Hebronba pelama, te Devitba te Benjamingo hani dabego me te Israel dabego yainogo yali sę po te Devitbolo wagi pali.

2 Samuel 3:19 Referans Kwoze

Tuni Bidi Dabego Po Elalubo Buku Deli 12:29

Te Benjamin hani da, te augwali Solgo deli hani dabe da, augwaligo ami bidi dabe te bidi sese umabo mu 3,000 bidai. Hasia mu te hani bidi hauwa te Sol wali pali, tiali goli megi da augwali te Devitba asalio.

Godigo Nogi Ugwaba Sabo Tęąbi Po Wabo Buku Dabe 68:27

Te Benjamingo dwasianu hani dabe augwali polasa pai. Tama te Juda tobolu bidi dabe dali, te Juda we bidi dabe dali, augwali te Benjamin wali pai. Tama te Sebulungo tobolu bidi dabe me, te Naptaligo tobolu bidi dabe me, te augwali nosali pali.

2 Samuel 3:20

Tialima, Apnergo te we Mikal selama, tama aga bidi dabe te bidi sese deli bidi dali pelama, te Devit bidibo bulu Hebronba sabolali, tama Devitgo genuai naa te augwaliba ula mani.

Tuni Bidi Dabego Po Elalubo Buku Deli 12:30

Te Efraim hanigo bidi hauwa umabo mu te 20,800 ami bidi bidali. Augwali te wiegi yai ami dabe mu, te augwa deli hani tomode digi te genuai nogi elalualio.