2 Samuel 3:15 - Godigo dwagi yai po buku

¹⁵ Isbosetgo te po odolama, tama agai te bidi meba te aga bidi Paltielba tagala palama, tama te Mikal sigi pali, te bidi Laisgo ogwa dao.

2 Samuel 3:15 Referans Kwoze

1 Samuel 25:44

Tama Mikal, te Solgo wegi, aga me te Devitgo we bidali. Tiali goli, Solgo aga te wegi ma oda selama, tama aga te bidi Paltielba mani, te Laisgo ogwa, te taun Galim bidi dao.

Israel Hanigo Namba 34:26

Te Isakar hanide, te Asango ogwa Paltiel magi ilali.

2 Samuel 2:8

Te Filistia dabego te Sol elali sogo, Apner, te Nergo ogwago, te Isboset oda sali, te Solgo ogwa da, tama augwa peyu, te wę Jordan nogelama, tama te taun Mahanaimba sabolai. Apner te Solgo amide te polaluali ofisa bidi dao.

2 Samuel 3:14

Tama nosali Devitgo te Isbosetba po ola toliyu, tama po wai, “Eno homugo te nago eno we, Mikal, te enaba ma tagala palao. Eno aga te Filistia dabe te bidi sese a naga 100 bidigo gasa tigi waligo abelali. Tama aga te eno we mu tama dao,” wali.

2 Samuel 3:16

Tiali goli, te Mikal augwaligo te Devitba ma odasa soabo sogo, Paltiel te Mikal wali peyu, gela wabo sę ela pali. Tialima, augwali te taun Bahunimba sabalubo si, tama Apnergo te Paltielbolo walali, “Nage te naga buluba ma geasa pao,” wai. Tialima, Paltielgo te po odama, tama aga ma geasa palio.