2 Samuel 3:1 - Godigo dwagi yai po buku

¹ Te tudi badu nosali side, te Devitgo hanide Solgo hani si tomode te wąbi hwįani sesabi mu elaluali. Tama Devitgo hani te bomo yai mu pedelama, tama augwaligo te Solgo hanigo bomo tamonobo sę mu yalio.

2 Samuel 3:1 Referans Kwoze

Te Israel me Juda Hani Sigo Tuni Bidigo Po Elalubo Buku Deli 14:30

Te king Rehoboam me, me te king Jeroboam dali, augwali si bidibo sogo, te bulu hani bidi si tigidali sogo tama boi naga hwįduai dao.

Jopgo Po Asęani Elalubo Buku 8:7

Tama agai nagebolo nai dabe hauwa mu mawaibao, te polobadu nago elaluali nai mu edelaibao.

2 Samuel 2:17

Tama te sogo te genuai wąbi te hani si tomode hodolama, hwįanio. Tama Devitgo hanigo te Apnergo hani, me te Israel hani dabe aiyaba elaluai dao.

Efesus 6:12

Magi baso menio. Te da Krais wali pabo we bidi hani, dago te dwai sę ebo kolesaga dali hwįyu tama dago e tǫde bidibo bidi dali hwįbo meni. Dago te dwai sę ebo kolesaga dali hwįbadi, tama dago te dwai haubo noma bidi ugwadu te dagalude bidibo bage dali me hwįbo dao. Augwali da te megi hulia side dwai sę ebo tobolu bidi dabe me, te polalubo bidi dabe me, te we bidi tonalubo dwai noma bidi dabe dao.

Godigo Nogi Ugwaba Sabo Tęąbi Po Wabo Buku Dabe 84:7

Te bidi dabe bilama, te bomo yai pedelaibao. Te augwali pelama, te Saionba sabolama, tama te God bidibo sueibao. Aga te tigidali tibo godide te ugwadu elalubo God dao.

Jopgo Po Asęani Elalubo Buku 17:9

Tiali goli, tagala. Te doloba pai bidi dabego augwa dwagi yai kolesaga tagalogobeo. Menio. Augwa doloba pai kolesaga naga yainu bomo mu yaibao,” wali.

Galesia 5:17

Tama te dago tigigo ebo dwai tǫde kolesaga te Godigo Mobo Bidigo ebo dwagi yai kolesaga tiwai menio. Te gasagi yai dao, tedali dao. Tama augwali sigo augwa hasi hwįyu, tama augwali si konila eyu, mego kolesagago me kolesaga te aiyaba elaluainogo eyu, te kolesaga augwa si boi bidi tiwai ebo dao. Tama te Godigo Mobo Bidigo ebo kolesaga dali, te dago tigigo tǫde ebo dwai kolesaga dali, te kolesaga si augwali dagego homude hwįbaso, tama dagego te yainogo yali te sę egobeo.

Esta 6:13

Tama agai aga webolo, me te aga abagi dede dabe dalibolo te agaba pedelali sę po tigidali wali. Tialima, we Seres dali, te abagi dede augwali daligo te kolesaga hauwa koneai elaluai, augwaligo te tiwai po agabolo wali, “Megi da, nago bomo me nogi elaluali te hagayu, tama Mordekaigo nage aiyaba elalualio. Aga te Juda bidi da, tama nago aga sunumi paniabo usu meni yaibao. Te nage doloyu naga yaibao.” Te po wai dao.

Te Israel me Juda Hani Sigo Tuni Bidigo Po Elalubo Buku Deli 15:32

Te bidi Asa aga te sela wabo kibu bede aga te Juda hanigo king bidi bidai, te side Basa, aga te Ahiyago ogwa, aga te Israel hani dabego king bidi pedelali. Tama aga te Tirsa bulu taunde king bidi nigilama bidali kibu be te 24 yia usu nama bidai. Tama te king Asa dali, te king Basa dali si, te augwali si king bidi nigilama bidibo sogo, tigidali sogo augwa sigo hani dali boi uga de eda si boi hwįdu geai.

Te Israel me Juda Hani Sigo Tuni Bidigo Po Elalubo Buku Deli 15:16

Te tama tibo sogo, te bidi Basa aga te Israel hanigo king bidi nigilama bidali. Tama te king bidi si, Asa dali, te Basa dali, augwali si te king bidi bidibo sogo, te sogo te augwali sigo hanigo augwa hasi te tigidali sogo boi hwįdu bidai dao.

Tigidali Nai Gagalama Nigali Side 3:15

Tama eno nago te webolo boi bidi ilibo sę iliyu, tama wego nagebolo boi bidi ilibo sę ilibadi yaibao. Tama eno nago te wego nosali ame nabo hani dali boi bidi ebo sę ilaibao. Te agai nago tobolude agalama, tama nago aga sągą gabulude gąų kelaibao,” Godigo te po wai.

Kraisgo Geme Dualali Sę Pedelabo Po Jonbolo Ola Mani 6:2

Tama eno ma tonono bilibadi, tama eno te tedela yai kibu hos asobo suali, tama te kibude duayali bidigo enesigi tolaluai. Tama augwaligo te bidi agabolo te wąbi hwįbo bomo aiyaba elalubo bidibolo mabo te tiwai madi augwaligo agabolo menama, tama aga sęba tagala palai. Tama te bidi aga pelama, te wąbi hwįbo bomo aiyaba elaluabo sę egi peyu, tama tiyu agai te wąbi hwįbo bomo aiyaba elaluabo bomo hauwa elalubao.

2 Samuel 2:28

Joapgo te po ola siminama, tama agai te biugel bu wali, te aga ami bidi dabego te Israel dabe ma pobeasa pidali weyu, paliali. Tama tibaso, te wąbi hwįani silalio.

2 Samuel 5:10

God, te Tigidali Bomo Elalubo Genuai Bidi, te Devit dali bidali, tama tibaso Devit te bomai king sesemane sogo pedalubo sę iduai dao.

2 Samuel 22:44

“Te ena we bidi dabego enaba boi bidi ebo sogo, nago ena tau sobaso, tama augwaligo ena me dolobeo. Tama nago ena te gasa we bidi tonalubo bidi me bidimainu ilali. Te eno augwali konesiąwani we bidi, megi augwali te ena dologode bidibao.

Tuni Bidi Dabego Po Elalubo Buku Deli 11:9

Tigidali Bomo Elalubo Genuai Bidi te Devit dali bidali, tama tibaso Devit te sesemane sogo bomai king pedelai dao.

Esta 9:4

Te tuni bidigo provins dabede bidibo tigidali bidigo koneani, te king bidigo te genuai nogi me te genuai bomo te Mordekaibolo mawai. Tama agai bomo genuai geninama, tigidali sogo pedaliyu yalio.

Godigo Nogi Ugwaba Sabo Tęąbi Po Wabo Buku Dabe 18:43

Nago ena tau siyu, tama te hagoma ebo bidi dabego ena dolomainu me ebeo. Nago ena te we bidi hani dabego king pedalumainu ilali. Te eno konesiąwai we bidi augwali, te augwali aselama, tama eno sę yagasai.

Godigo Nogi Ugwaba Sabo Tęąbi Po Wabo Buku Dabe 46:9

Agai te tigidali tǫ pedai badu te hwįbo togolobo dao. Agai te tigidali enesigi me ene togolama, tama te sabele dabe te siaba ulubadi ebo dao.

2 Samuel 3:6

Te Solgo hani, me te Devitgo hani si tomode hwįbo sę yali sogo, Apner te Solgo hanide genuai bidi pedalubo sę yalio.

Tuni Bidi Dabego Po Elalubo Buku Deli 3:1

Te Devitgo ogwa dabe meba te aga Hebron taunde bidali sogo ame nani. Augwaligo nogi dabe e dao. Gomunai ogwa Amnon da. Aga ida Ahinoam, te Jesril bulu we dao. Te si wali ogwa te nogi Daniel da, aga ida te Abigel, te taun Karmel we dao.