2 Samuel 24:7 - Godigo dwagi yai po buku

⁷ Tama augwali te saut tǫ pedai badu ma begasa aselama, tama te Tair hanuba pedelagasali, te hanu te bobegelali masigi obo te bomai mu elaluali. Tama nosali augwa te Tair hanu tagalama, tama augwa hogodama, te Hivi dabego me Kenan dabego hanu tigidaliba pali. Tama nosali mu augwali te Juda tǫ pedai saut badu te Berseba buluba sabolali.

2 Samuel 24:7 Referans Kwoze

Josua 19:29

Tama te dąį begelama, te Rama teba pelama, tama te Tairba pedelali, te hanude te dila pai obo masigigo bagulai elaluali. Tama te dąį begelalima, te Hosaba pelama, tama pali, te Mediterenian Tamu Ąį te badu sabolali. Te tǫ pedaigo te Mahalap, me Aksip sobadi,

Josua 11:3

Tama agai te Jordan wę pąde bidaluali te Kenan dabebolo me po ola tolobadi, tama te bulu du bagede bidaluali hani, augwalibolo me wai. Te augwali Amor dabe, me te Hit dabe, me te Peres dabe, me te Jebus dabe, te augwalibolo po tolai. Tama agai te Hivi dabe augwali te Hermon bulu du pąde, te Mispa dabego tǫde bidalubo bage augwalibolo me te po ola tolai dao.

2 Samuel 24:2

Tialima, Devitgo Joapba te tama po wai, te aga ami bidi dabego polalubo ofisa bidi dabeba me te tama po wali, “Nago naga ofisa bidi dabe selama, tama pelama, te dago hani Israel we bidi tigidali nedegi pao,” wai. “Dage te bulu tǫ pedai tigidaliba pelama, te Dan hanu te not tǫ pedai badu, me te saut tǫ pedai, te Berseba hanu pedai badu usu nigi pelama, tama augwali nedao,” wai. “Eno te we bidi dabego namba koneainu obao,” wali.

Te Israel Tobolu Bidi Dabe 3:3

Te e tama hani we bidi, te Godigo augwali bidimainu yali: te Filistia dabe a naga hanu, tama tigidali hanu te Kenan dabego me, te Saidon me, te Hivi dabego me, te bulu du Lebanonde bidali, tama te bulu du Balhermon te pelama, te Hamat Sunumi tulu mage si teba usu nigi pali.

2 Samuel 24:8

Augwa te tigidali bulu tǫ pedai bila usu nama, tama augwa te moni hanu Jerusalemba ma asai. Augwali te bulu tigidali usu nama bilali, te polua a naga olama, me si me si, te 9 polua me te Sadede sela tama usu nama bilali.

Sekaraia 9:3

Tair te bomai taun pedelali te augwaligo dila pai masigi banisgo te taun bagulali. Tama augwaligo te hauwa silva me gol sisinani, tama te silva me gol te augwaligo gedude olo nai tiwai elaluali.

Josua 9:1

Te Jordan wę sia ge dega sabo badu bidalubo tuni bidi dabe badi, te bulu dude bidalubo tuni bidi dabe badi, te malu bulu dolo bidibo tuni bidi dabego me, tama te nabis ąį sani Mediterenian te badu te Lebanon teba usu nigi pelama bidalubo, te tuni bidi dabe augwali tigidaligo te Israel dabego ebo sę dabe po odada pai. Te Hit tuni bidi dabego badi, te Amor dabe badi, te Kenan dabe badi, te Peres dabego me, te Hivi, me Jebus, te tama tǫde bidalubo tuni bidi dabego te po odai.

Josua 9:7

Tiali goli, te Israel dabego te Gibeondu asali Hivi dabebolo te po wai, “Magi baso dago te po me deli dage dali bomai po dąų omainogowe? Te dage pąde naga bidibo homu ebao,” wali.

Josua 19:28

tama Ebron, me Rehop, me Hamon, me Kana tama pali, te genuai hanu Saidonba sabolali.