2 Samuel 24:22 - Godigo dwagi yai po buku

²² Tialima, Araunago Devitba te tama po wai, “King, nago eno te tǫ abelainu wabo, te eno homugo tagala homu ebao. Te nago tama sao. Tama nago te ofa yabo te gasa nai me sainu da, te sao. Nago te ofa eyu, te tigidali siago domainu ulabo te bulmakau dabe me sao,” po wai. “Tama nago te wit bo paulubo ni name me, te bulmakau sigo sę emainogo magede poliali ni nami me selama, tama nago te sia nogonama, tama te ofa ebo nai te siaba ulao,” te po wali.

2 Samuel 24:22 Referans Kwoze

Te Israel me Juda Hani Sigo Tuni Bidigo Po Elalubo Buku Deli 19:21

Tialima, Elisa ma begasa palio. Tama agai te aga bulmakau dabe elali. Agai te bulmakaude kęnani ni name dabe te bulmakau mi dabe ulabo isi dabe sali. Tama agai te we bidi augwaliba menama, te augwa tualio. Agai tama tila silama da, teda aga te Elaija wali pelama, te agai sę bidi pedelai dao.

1 Samuel 6:14

Tama te bulmakau sigo te karis kekasa pelama, te Josuago wit giba sabolali, te Betsemes hanu tǫ bidi me deli, tama augwali si te gi tomode elalubo genuai masigi me deli pąba doligi pai. Tama te Livai dabe aselama, te Genuai Bidigo Dąų Wali Bomai Po Munalubo Halobage dali, te piksa noma munalubo halobage bokis me, augwaligo te golgo nigai, te augwaligo selama, te genuai masigi daiba muani. Tialima, te bidi dabego te karis nigali ni nami selama, te nogabo sia pedali. Tama augwaligo te so kibu bulmakau si elama, tama Genuai Bidiba ofa ilali, te sia tigidali domainu ebo ofa tiwai yai. Tama me te Betsemes hanu bidi dabego me te sogo naga te Genuai Bidiba gasa ofa dabe me yai dao.

Tuni Bidi Dabego Po Elalubo Buku Deli 21:22

Tama Devitgo Araunabolo te tiwai po wali, “Te nago megi te nai wit sabo sę ebo pesage enabolo mao. Tama eno nageba te tǫ abelabo mone usugo dolo tama abelaibao. Eno te Genuai Bidigo alta te pesagede nigilama, tama te we bidi dabe augwaliba te pedalubo genuai gasi, te silimainu yaibao,” wali.

Tigidali Nai Gagalama Nigali Side 23:11

“Mu menio, genuai bidi. Eno po odao. Te eno te tǫ pedai tigidali me, te ola be gų page dali elalubo, te eno nage olo mu mawaibao,” po wai. “Te ena hani gedude te megi eno nagebolo menama, te nago we tede pubulagameo.” Te po wai.

Te Israel Tobolu Bidi Dabe 6:26

“Tama nago te Genuai Bidigo alta wiegi yai me deli te dwasianu bulu du daide nigao. Nosali nago te si wali bulmakau selama, tama nago te togali te habu selali ni pos dali te ofa tiwai elama ulao.” Genuai Bidigo te po wai.