2 Samuel 24:16 - Godigo dwagi yai po buku

¹⁶ Tama te we bidi dolobo sę ebo mobo bidi ensel, aga te Jerusalemba sabolama, tama te Jerusalem dolainu sisi elaluali. Tiali goli, Genuai Bidigo te dwai sę te we bidiba pedalubo sęde te homu dene yali. Tama aga homu hasegelama, tama te mobo bidi enselba te tama po wai, “Tagalao, te usu dao,” wai. Te sogo te mobo bidi ensel te augwa te wit nai ge siyu, tama te bo wali dabe sela sąbo pesage me deli pąde te dolaluali. Te tǫ pedai te Arauna, te Jebus hani bidi me deligo tǫ elaluali.

2 Samuel 24:16 Referans Kwoze

Ma Dobola Sali 12:23

Tama nosali Genuai Bidi te Isip tǫ habu tigidali teba pelama, te Isip bagego gomunai ogwa dabe elaibao. Tama agai te kaneme dagego be tų sesegede elalubo sulama, tama agai dage ela soyu, tama te ensel mobo bidi dabe augwaligo te be tomoba pelama, dagego gomunai wai dabe elegobeo,” wali.

Tigidali Nai Gagalama Nigali Side 6:6

Tama Yawego te polobadu bidi de we si tǫgo nigilama, te dwagi yai homu pemene yali, te homu ma koneani. Tiali goli, agai te we bidi hani dabego homu suali, te augwaligo homu te dwai naide naga konebaso, tama tede homu dene eyu, agai te polobadu dwagi yai homu pemene yali tiwai gilama ma ebeo. Te meni.

Godigo Sęba Tagala Palai Bidigo Po 12:23

Tama Herot agai Godigo nogi ugwaba sisąbaso, Godigo ensel bidi me deli agai Herotgo tigide elali. Tama te dwai gasi agai tigide pedelama, te dwai osoganigo agai tigide tudu pedelama, te nosali aga mu isali.

Tuni Bidi Dabego Po Elalubo Buku Si 3:1

Te king Solomongo te Genuai Bidigo lotu be tempel te bulu du nogi Moria tede te be sę ebo sę gagalali, te Jerusalemde. Tiali te bulu dude Genuai Bidi Devitba polobadu pedelagasai dao, te Solomon aga aya. Polobadu te bidi Arauna te bulu dude te wit nai ge bo sela sąbo sę te bulu dude yai dao. Te Arauna da, te Jebus hani bidi me deli dao. Tama Devitgo te Araunago te sę iduali te pesage sa munama, tama agai te pesagede te Genuai Bidigo be sę yaibao wali.

Te Israel me Juda Hani Sigo Tuni Bidigo Po Elalubo Buku Si 19:35

Tialima, megi hulide tama, te Genuai Bidigo sę ebo ensel mobo bidi me deli te Asiria hani bidibo pesageba pelama, tama te 185,000 ami soldia bidi elama, isilali. Tama te do kigamu mu te king Senakerip aga hodaluama, te ami soldia bidi dabe isali tigi suali.

1 Samuel 15:11

“Odao. Solgo ena tudiba munama, tama eno po sela sąwanio. Tama tibaso, eno aga te king pedalumainu ilali tama eno tede homu dene mu ebao,” wali. Samuelgo te po odama, tama aga homu sęgę eyu, tama haliga dwai yali. Tama te sogo hulide Samuelgo te Genuai Bidiba hanalu, te olo tau sabo wiegi yai homu kolesaga te Solba emainu yali, tama be posobo side te agai gedu haluasa wali po te silagasu, gedu haluasa po walio.

Tuni Bidi Dabego Po Elalubo Buku Si 32:21

Tama Genuai Bidigo augwali sigo gedu haluasa po wabo odama, tama agai ensel bidi me deli tagala palama, Asiria dabego bidibo pesagede agai ofisa bidi dabe me kepten bidi dabe me bomai ami bidi dabe tama ela wialali. Tama tialima, king Senakerip aga hale dwai mu elama, tama aga te aga kantriba ma pali. Tama nosali aga tibo godigo lotu be tomoba pali, te aga godiba lotu po wainogo, tama aga ogwa mebago augwa bainat hwągo aga ela muagasali, tama aga isali.

2 Korin 2:6

Te dagego eno hasia asęna tolali pas po nedeyu, tama dagego eno po wali peyu te bidi buluba sąyu yali. Tama aga dali te sę ebogo te dwai dene te dage hauwa bidigo te bidi agaba wei ponani, te tibogo aga usu ilai, te bidigo ge neyu homu begelai dao.

Dwagi Yai Gesi Po Makgo Asęani 14:41

Jisasgo te sela sogo aga Ayabolo po wagi peyu yali silama, ma aselama, tama agai augwalibolo te po wai, “Dage pila mudu tama toma nedu edubawe? Tama dao! Suao, megi da bidi me deligo te ena Godigo Bidi Mu te dwai sęgę sai bidi dabego nogoba muaibao.

Sekaraia 9:7

Te Filistia dabe me badu me bidalubo hani pedai, te augwali eno hani we bidi pedelaibao, tama augwali te dwasianu hani we bidi tiwai te Juda hani tomode bidaibao. Tama te Ekron dabe augwali eno hani we bidi pedelaibao, te Jebus dabe augwaligo polobadu yali tiwai. Tialima augwaligo te kibu hasa mi kaneme dali elalubo me tusiąma, te gasa nai dabe me te Juda dabego tusiąma habu selali nai dabe me tugobeo,” Genuai Bidigo te po wali.

Habakuk 3:2

Genuai Bidio, te nago bomogo yali sęde po eno odolama, te ena noma siyu, nage dologode bidabo homu ebao. Te polobadu nago yali genuai genuai sę dabe, eno homugo nago te tiwai bomai sę dabe te nago da megi bidibo sogo ma emainu homu ebao, te megi e sogo bidibo bidi dabe augwaligo nago te tebo sę ebo kolesaga sulama konemainao. Mu tama, nago dade sębę ebo page elalubao, tiali goli, nago te hobede ebo God da, te eno nagebolo hanalubo, te nago da hobede elama, tama da tau sao.

Amos 7:6

Tama tibaso, Genuai Bidigo homu ma hasegelama, te po wai, “Te sę me, pedalugobeo,” wali.

Amos 7:3

Te po obaso, Genuai Bidigo homu hasegelama, agai te tama po wai, “Nago te nade suali nai, te pedalumainu me egobeo,” te po wai.

Aisaia 57:16

Eno ena we bidi dabeba sesemane sogo wado eyu, haliga sębę idugobeo. Te eno tama tiyu da, eno koneani, te augwa bidibo ula dolama, te mu silaibao, te bidibo ula ena digi eno augwaliba mawai dao.

Aisaia 27:8

Genuai Bidigo aga we bidi agai augwali kalabusiba tagala palali sogo, augwali dene mawai dao. Agai te bomai wali te giliga asobo badu asiyu, te haniani nai dabe selasa pabo tiwai yali gilama, agai aga we bidi aga bomai waligo augwali sela sąyagasai dao.

Godigo Nogi Ugwaba Sabo Tęąbi Po Wabo Buku Dabe 135:14

Tama Genuai Bidigo te seselalubo kolesaga te aga we bidi dabeba eyu, tama aga te sę bidi dabeba homu dene yaibao.

Godigo Nogi Ugwaba Sabo Tęąbi Po Wabo Buku Dabe 90:13

Genuai Bidi, nisu naga nago haliga sębę ebo me elaludaibawe? Nago naga sę bidi da homu dene yao.

Godigo Nogi Ugwaba Sabo Tęąbi Po Wabo Buku Dabe 78:38

Tiali goli, Godigo te olo tau mabo wiegi yai kolesaga augwaliba elama, tama augwaligo te dwai sęgę sela sąwani, tama agai augwali me dolobeo. Hauwa sogo te agai wado yali, te palia selama elalu, tama augwaliba haliga sębę me ebeo.

Godigo Nogi Ugwaba Sabo Tęąbi Po Wabo Buku Dabe 35:6

Te nago enselgo te augwali pobeasa pelama, tama augwaligo sunumi te hulia selama, tama dwai bedege mu pedalumainu ilao.

Te Israel me Juda Hani Sigo Tuni Bidigo Po Elalubo Buku Deli 19:4

te agaduba digi te tǫ wa pai bulude bilidubadi, te deli sogo bubugaba usu nai. Te aga ni me deli elalubo madi pedelama, te ni dologode dugulaluyu, gedu haluasa po te tiwai wali, “Genuai Bidi, enaba te pedelali sęgę dabede ena usu yalio. Te megi eno homugo nago ena isimainu sula tagalao, magi baso meni, ena wiegi yai bidi me elalubeo. Menio. Ena te ena wąį nǫų dabe tiwai gagawai dao,” wali.

2 Samuel 24:18

Tama te sogode naga te profet Gatgo te Devit sugi pelama, tama agaba te tama po wai, “Tama nage te Jebus hani bidi Araunago te nai wit sabo madi, te pesage te bulu duba ugwa holama, tama nago te Genuai Bidigo alta me deli nigao,” te po wai.

2 Samuel 5:8

Tama Devitgo te taun me sisąbadi, hasia bolo agai te aga ami bidi dabebolo te tiwai po wai, “Dago te taun sainogo da, teda da te Jebus dabe augwa hanu tomoba asobo wę dedage nigalidu geme paibao,” wai. “Tama dago te dedage wali pidu genama, tama da te taun tomoba sabolaibao. Tama dago te u gedu widai bidi dabe dali, me te sągą dwai bidi dabe dali hwįaibao. Eno te tobage bidi wei eyu, godolo me ebeo,” wali. Megi da, Devitgo te wali po homude kone elaluama, tama augwa te tiwai po weyu yai, “Te gedu widai bidi me sągą dwai bidi dabe te genuai bidi kingo be tomoba munu me pelamu da,” po wabo dao.

Te Israel Tobolu Bidi Dabe 1:21

Tiali goli, te Benjamin hanigo te Jebus dabe te Jerusalemde bidibo te me sela sąbeo. Tama te Jebus dabe te Benjamin hani dali bidaluama, tama megi e po asęani sogoba usu nagasali.

Josua 15:63

Tiali goli, te Juda dabego te Jebus dabe te Jerusalemde bidalubo te augwali me sela sąyu, te me ela gudulubeo. Tama tibaso, te Jebus dabe te Juda dabe dali te Jerusalemde bidali, te megi e po asębo sogoba usu nagasali.

Ma Dobola Sali 12:13

Tama dagego te be pilali kaneme te dagego dąį tiwai elaluaibao. Tama eno te Isip bage augwali dene ilibo sogo, eno te kaneme sulama, tama eno dage ela soaibao.”

Ma Dobola Sali 9:28

Te talua ge tulubage tulali dali, te dagalu kulukulu wali, te sigo da dolai dao. Tama nago gedu haluasa po Genuai Bidibolo olama, tama agai te nai silibo side, te eno dage pomainogo tagala palaibao. Tama dage e tǫde ma bidimainogo menio,” wali.

Tigidali Nai Gagalama Nigali Side 10:16

tama Jebus bidi dabe me, Amor me, Girgas,

Ma Dobola Sali 32:14

Tama Mosesgo te tiwai gedu haluasa po obaso, tama Genuai Bidi aga homu ma hasegelama, tama aga te we bidi dolainu yali nai te aga we bidiba me tagala palobeo.

1 Korin 10:10

Tama dagego dwai homu eyu Godibolo wado po me olamuo. Te dago wąį dabe augwali tomode mebago te God dali dwai homu eyu wado po obaso, tama te bidi ela mubo ensel mobo bidigo te augwali ela munama tama augwali dolai dao.

Jeremaia 26:19

Maikago te tiwai po obaso, te Hesekiago me tigidali Judago aga ela muai da, agawe? Mu menio. Hesekia wi elama, te Genuai Bidi dologoba pelama, te Genuai Bidiba hanaluama, te agaba te olo mu tau sabo wiegi yai kolesaga emainogo yali. Tama Genuai Bidigo homu hasegelama, te agai augwaliba yaiba po wali sę te ebeo. Tialima, megi dago te Jeremaiabolo yainogo ebo kolesagago da, te daba digi genuai sęgę sesaibao,” te tama po wai.

Tuni Bidi Dabego Po Elalubo Buku Deli 1:14

te Jebus dabe, me Amor dabe, me Girgas dabe,

Jeremaia 42:10

‘Dage te Judago tǫde bidibaso da, teda ena, Genuai Bidi, te eno dage dąų walama, te dage eno aiyaba me elalugobeo, magi baso meni, eno te dene mabo sę dageba yali, tego ena haliga sęgę mu ilai dao.