2 Samuel 24:15 - Godigo dwagi yai po buku

¹⁵ Tama tialima, Genuai Bidigo te dwai gasi te Israel dabeba tagala palali, te sogo kigamu digi gagalama, tama agai te dąį ilali bodoluba usu nigi pali. Tama te bidi sese umabo bidi mu, te 70,000 we bidi isali, te tigidali bulu tǫ pedai te Dan hanu te not tǫ pedaiba dąį igi pelama, tama te hanu te saut te Berseba, te tama bulu tǫ pedaiba te gasi usu nigi palio.

2 Samuel 24:15 Referans Kwoze

Tuni Bidi Dabego Po Elalubo Buku Deli 21:14

Tama tialima, Genuai Bidigo dwai gasi te Israel dabe augwaliba tagala palama, tama bidi sese umabo hauwa te 70,000 we bidi isalio.

Tuni Bidi Dabego Po Elalubo Buku Deli 27:24

Joap, te Seruiago ogwago, te tobage bidi nedebo sę gagalali, tialima agai te sę yali simanobeo. Augwaligo te bidi hani nedebo sę ebaso, Godigo wiegi yai homu pemene isąwani, tama tialima te Israel augwaliba dene mabo sę yalio. Te sę yali pagede naga tama augwaligo te bidi dabego namba te bukude asęsąma, te king Devitgo yali sę po elalubo bukude me asęai menio.

Kraisgo Geme Dualali Sę Pedelabo Po Jonbolo Ola Mani 6:8

Te po obaso eno tonono ma bilali, tama eno sewa yai kibu hos me deli asobo suali. Tama bidi te kibu hosde dulaluali, tama te bidi aga nogi isibo kolesaga da wali. Tama isai bidi bidibo madi aga wali asai. Tama augwaligo te we bidi hani tigidali tomode buguluyu, tama hani me si me si nigilali. Tama augwali sibolo augwaligo te hani dabe tonalubo bomo mawai. Tama te bomogo augwali sigo te we bidi me habu badu ela muao wali, te poa pai ge hwągo hwįbogo ela muainogo, tama te nai nasi me eyu, te haniani gasi me eyu, tama te tǫde bidibo haniani uni hasago me ela tuyu tama elama augwali sigo te bomo selama, te we bidi me habu badu ela muao wali.

Matyu 24:7

Awe, tama genuai hwįyu, bidi hani me deligo te wąbi te gasa genuai bidi hani dali hwį yaibao. Tama me tuni bidigo bidi hani te gasa tuni bidigo bidi hani dali wąbi hwįyu hwį yaibao. Tama haniani bulu habu badu genuai nai nasi ela ela paibao, tama tǫ me mali ela ela paibao.

Aisaia 37:36

Tialima, te sogo hulide naga, te Genuai Bidigo ensel mobo bidi me deli te Asiria dabe bidalubo pesageba pelama, te umabo bidi sese hauwa 185,000 ami bidi ela muai. Te kigamu mu Senakerip hodaluama, te ami bidi dabe isai tigi munalua pabo sualio.

Tuni Bidi Dabego Po Elalubo Buku Deli 27:4

Dodai te Ahohi hani bidigo te bidi sese umabo 24,000 bidi te namba tu poluade te bidi dabe augwali te sę ebo tonaluali. Miklot aga tudi badu daganalubo si wali bidi bidali.

1 Samuel 6:19

Te Betsemes taun hanu bidi dabe te bidi sese sela olama, nogo si, te 70 bidi dabego te halobage tomoba tonononalubaso, tama Genuai Bidigo te bidi dabe ela muani. Tama te bulu bidi dabego homugo te Genuai Bidigo augwali dolali da homu elama, tama augwali gela wabo mu geninama wali.

2 Samuel 24:2

Tialima, Devitgo Joapba te tama po wai, te aga ami bidi dabego polalubo ofisa bidi dabeba me te tama po wali, “Nago naga ofisa bidi dabe selama, tama pelama, te dago hani Israel we bidi tigidali nedegi pao,” wai. “Dage te bulu tǫ pedai tigidaliba pelama, te Dan hanu te not tǫ pedai badu, me te saut tǫ pedai, te Berseba hanu pedai badu usu nigi pelama, tama augwali nedao,” wai. “Eno te we bidi dabego namba koneainu obao,” wali.

Habakuk 3:2

Genuai Bidio, te nago bomogo yali sęde po eno odolama, te ena noma siyu, nage dologode bidabo homu ebao. Te polobadu nago yali genuai genuai sę dabe, eno homugo nago te tiwai bomai sę dabe te nago da megi bidibo sogo ma emainu homu ebao, te megi e sogo bidibo bidi dabe augwaligo nago te tebo sę ebo kolesaga sulama konemainao. Mu tama, nago dade sębę ebo page elalubao, tiali goli, nago te hobede ebo God da, te eno nagebolo hanalubo, te nago da hobede elama, tama da tau sao.