2 Samuel 24:14 - Godigo dwagi yai po buku

¹⁴ Tialima, Devitgo Gatba te tama po wali, “Nago enabolo te wali pode te ena homu sęgę mu ebao. Tama tibaso, Genuai Bidigo digi te agai mena sę te dabolo yabo homu ebo te sę emainu yao, magi baso meni, aga te olo tau sabo wiegi yai kolesaga sesemane sogo ebo God dao. Tiali goli, te eno homugo te boi bidi dabego da dolomainu ebo te eno homugo usu meni yai,” wali.

2 Samuel 24:14 Referans Kwoze

Godigo Nogi Ugwaba Sabo Tęąbi Po Wabo Buku Dabe 119:156

Tiali goli, Genuai Bidio, nago olo tau mabo wiegi yai kolesaga te genuai mu elalubao. Nago ena ma sabo po dąų walai elalubao, tialima, eno homugo nago te sę megi tama yao homu ebao.

Godigo Nogi Ugwaba Sabo Tęąbi Po Wabo Buku Dabe 51:1

God, nage hobede ebo page bidi, nago ena olo mabo sęgo ena tau sao. Nago olo mabo sę hauwa mu elaluai, tama eno homugo nago eno dwai kolesaga tigidali sela sąyao.

Tuni Bidi Dabego Po Elalubo Buku Deli 21:13

Tialima Devitgo Gatba te tama po wali, “Nago enabolo te wali po dabede homu sęgę mu ebao. Tama tibaso, te Genuai Bidi aga digi enabolo emainu sula tagalao, magi baso meni, aga te dade homu dene eyu tau sabo wiegi yai kolesaga sesemane sogo ebo God da. Tialima eno homugo te bidi dabego da dolobo te hagela homu ebao,” wali.

Jona 4:2

Tama agai Genuai Bidibolo gedu haluasa po weyu, te po wai, “Genuai Bidio, nago eno po odao. Eno bulu tagalama, e buluba asisiąbadi, tama eno koneani, te nago tama tiaibao naga wai. Tama ena wi peyu, tama ena te tǫ Tarsis teba painu yai. Eno koneani, nage te homu dene elama, olo tau sabo dwagi yai kolesaga ebo God da. Nago sębę polo me egobeo. Menio. Nago dade homu dene genilama mu ebao. Nago homu kolesaga hasegelama, tama nago te bidi dwai ebo wei me ponobeo.

Godigo Nogi Ugwaba Sabo Tęąbi Po Wabo Buku Dabe 145:9

Agai wiegi yai sę tigidali we bidi dali eyu, tama agai nigali nai tigidali homu dene eyu, dolo mu tau selama, mabo dao.

Godigo Nogi Ugwaba Sabo Tęąbi Po Wabo Buku Dabe 130:4

Tiali goli, nago dago dwai sęde sali sęgę sela sąbo da, tama tiyu, dago nagede noma siyu, wi ebo dao.

Godigo Nogi Ugwaba Sabo Tęąbi Po Wabo Buku Dabe 86:15

Tiali goli, Genuai Bidi, nagede te homu dene ebo, me olo tau mabo wiegi yai kolesaga pągąnalubao, tama nage da, te bobobage guni yai bidi dao. Nago da wei mu eyu, tama nago homugo da dali kęą mu pai dao.

Aisaia 55:7

Te dwai kolesaga ebo we bidi dabego te augwa ebo dwai kolesaga tagalama, tama augwa te kolesaga me yabo homu kone me paligio. Te augwali augwa Genuai Bidiba ma asiąo. Agai te agaba ma asobo bidi dabeba te olo mu tau mabo wiegi yai kolesaga umabo mu yaibao. Awe, Godigo augwaligo dwai sęgę tigidali mu sela sąwaibao.

Aisaia 47:6

Eno wado po dwai mu te ena we bidi dabeba wali, te eno augwali te ena we bidi da te tiwai homu kone munu ma ebeo. Te eno nage aselama, augwaliba dwai sę yagasomainu ilali, te nago augwaliba homu dene dwasianu me ebeo. Menio. Nago augwaliba dwai dene mu ilama, te augwaliba genuai sęgę mawai. Te nago monu dabeba me te augwali genuai sęgę mu tolomainu ilalio.

Bugagia Bidibo Kolesagade Po Asęai Buku 12:10

Te doloba pai bidi dabego te augwa kibu hani sibide te augwalide olo tau sabo kolesaga eyu, tama augwali bugagia tonalu negebo dao. Tiali goli, te dwai bidi dabego da, te augwa kibu dabe dali dene mabo sę eyu, mu dolobo dao.

Godigo Nogi Ugwaba Sabo Tęąbi Po Wabo Buku Dabe 86:5

Genuai Bidi, nago te wiegi yai sę mu elama, tama nago eno dwai sęgę sela sąbo dao. Nago te nageba gedu haluasa po wabo we bidi tigidali wei mu eyu, tama naga homugo augwali dali kęą pai dao.

Te Israel me Juda Hani Sigo Tuni Bidigo Po Elalubo Buku Si 6:15

Tama kigamu hulide mu Elisago sę ebo bidi hodaluama, tama aga buluba teda soali, tama agai subadi yaide, te Siria ami bidi dali, te hos kibu me, me te karis kibu me, tama augwali augwa te nai dabe dali asama, te taun bobegela saiali. Tama aga pelama, tama te Elisabolo e tama po walali, “Genuai bidio, te Siria bidi dabe augwali asama, da nǫ bagua sai yabuo,” wali. “Megi tama dago magi yagawe?” te po hanalu wali.

1 Samuel 13:6

Tialima, te Filistia dabe dali te Israel dabe dali boi hwįani. Tiali goli, te Filistia dabego hwįbo te bomo mu ebaso, tama te Israel dabego koneani, te augwaligo bomogo te boi bidi dabe aiyaba elaluabo homu ebeo. Tama tibaso, te Israel dabe meba te tǫ dedageba geme duala sigi peyu, te genuai bulu duba duala sigi peyu yali, tama meba te genuai masigi ola be tomoba duala sigi peyu, tama meba te wę ulu pedalubo tǫ dedage tomoba pelama, duala sigi pali.

Filipai 1:23

Eno homu si ebao, tama te homu sigo ena augwali si tomode dąų walali. Te homu me e dao: ena Krais dali bidigi pomainu ena isaio homu bomo elama ebo dao. Te aga dali bidibogo te e tǫde bidibo kolesaga aiyaba mu elaluaibao.

Dwagi Yai Gesi Po Jongo Asęani 12:27

Agai po ma weyu, Jisasgo te po wai, “Megi eno homu sęgę mu eyu, midigi ebao. Tama eno magi po wagowe? Tiyu eno te po wagawe, ‘Aya, nago te enabolo tamadi pedalainogo ebo sę sela sąyao, enaba asidali.’ Eno te po wagawe? Woo, te po eno wagobeo. Tialima, te tiabo sogo ena pedalagasai dao, te ena dene somainogo yaibao.

Sekaraia 1:15

Polobadu ena we bidi dali sębę dwasianu yai dao, tama gasa hani bidi dabebolo augwali dene magasao po wai dao. Tialima augwali aselama, tama augwaligo eno we bidi dwasianu gana me dolobeo. Menio. Augwaligo te magi edelama, tama augwali mu tama mu dolama tagalalio. Tama tede megi te kantri dabe augwali bugagia bidiyu augwali sęgę meni yai goli, eno augwali dali sębę dwai mu ebao.

Maika 7:18

Genuai Bidi, te god me deli nage tiwai me menio. Nago te naga we bidi dabe, te augwali kalabus igi peyu, meba ma asali bage, te augwaligo sęgę nago sela sądubadi gebao. Nago wado po wabo homu sębę te sesemane me elaludubeo. Menio. Sesemane sogo nago wiegi yai pemene eyu, te da godolo mu eyu, tau sabo dao.

2 Samuel 9:8

Tama Mefibosetgo gesabidi te tǫba ma pogulama, te po wai, “King, magi baso nago te tiwai wiegi yai kolesaga enabolo yainogo obawe? Ena te olo nai tobage naga, te isali yowi me deli te tiwai dao,” wali.

Godigo Nogi Ugwaba Sabo Tęąbi Po Wabo Buku Dabe 130:7

Da Israel dabe, dago konealubo homu te Genuai Bidiba muiyąo, magi baso meni, agai da sesemane wei mu idubao. Tama sesemane sogo te agai da tau sabo homu eyu, te da dolidali olama tebo dao.

Jeremaia 39:17

Tialima, ena Genuai Bidi, eno te po obao, eno te sę dabe ebo sogo da, teda eno nage tau saibao, te augwaligo nage te nago wi ebo bidi dabe nogoba me mugobeo.

Te We Bidi Dabego Jerusalem Hagede Gela Wali 3:22

Tigidali sogo Genuai Bidigo da homu dene eyu, tau sabo sę elama, tama agai daba homugo kęą peyu, da godolo mu ebo dao. Tama agai te kolesaga munu me siligobeo.

Daniel 9:9

Dago nago po sela sąwani, tiali goli nage te olo mu tau mabo wiegi yai kolesaga elalubo God, tama nago dago dwai sę yali sęgę sela sąbo dao.

Maika 7:19

Te nago olo mu tau sabo wiegi yai kolesaga dabolo ma yaibao. Te nago dago sęgę aiyaba elalu, te magi nai me deli nago sągągo agabo tiwai ebao, tama te sęgę nago te tamu ąį ge aiyanu mu dulaliba te sąwaibao.